"Mbi 1 mijë pacientë në vit verbohen”, trefishohen rastet me diabet në Shqipëri, mjekët tregojnë shkaqet

26 Shkurt 2023, 09:45Shëndeti TEMA

"Mbi 1 mijë pacientë në vit verbohen”, trefishohen

Shifrat me të cilat po rritet sëmundja e diabetit dhe komplikacionet që shkakton ajo, kërkojnë një plan kombëtar për të parandaluar jo vetëm diabetin por edhe komplikacionit që shkakton, të cilat janë që nga humbja e shikimit deri te humbja e njërës gjymtyrë.

Diabeti çon çdo vit në verbimin e 1000 pacientëve, ndërkohë që jo pak humbin njërën këmbë, pasi këmba diabetike është ndër komplikacionet e rëndësishme tek këta pacientë.

“Në vitin 2005 ishin 30 mijë pacientë, sot jemi 86 mijë, gati trefish të numrit të personave me diabet. Ka një rritje të lehtë të verbimit dhe këmbës diabetike”, shprehet Florian Toti, mjek endokrinolog.

Shumëfishimi i numrit të pacientëve me diabet lidhet me ushqimet qe po konsumojnë shqiptarët  sot ku pjesa më  e madhe produkteve stimulohen me hormone duke nisur që nga mishi, produktet e qumështit të cilat janë me qumësht pluhur dhe niseshte deri tek frutat dhe perimet.

Por mjekët thonë se edhe mungesa e aktivitetit fizik është ndër shkaqet kryesore, pasi shqiptarët përdorin makinën edhe  për distanca të shkurtra.

Ndaj kërkohet në mënyrë imediate parandalim që në fëmijëri. Sëmundja e diabetit është ndër më të kushtueshmet si për familjen që ka një pjesëtar me diabet, por edhe për shoqërinë./TCH

1 Komente

  1. P
    Pensionisti i Porcelanit

    Une kam pasur babain me komplikacione te Diabetit dhe vete e trashegoj prej tij. Por ndryshe nga ai, une po e mbaj nen kontroll kete semundje te pabese me nje diete te rrepte, duke mos vene pike alkooli ne goje, duke e nderprere ngrenien e cdo lloj buke, te cdo lloj brumerash dhe embelsirash, me ecje dite per dite ne kembe dhe ushtrime joga ne shtepi, renie ne peshe dhe ndjej kenaqesi qe po jetoj me uri.

    Lini një Përgjigje