Te fundit
40 vite në shërbim, “gruaja e hekurt” rrëfen historinë e jetës së saj
8 Mars 2023, 20:10Sociale
TEMA
“Unë quhem Xhovana Ujka. Shërbej në shtëpinë e të moshuarve Shkodër që prej datës 12 maj 1984”.
Gjithçka nisi si një adoleshente vetëm 16 vjeçe, ndërsa sot pas katër dekadash institucioni i “Shtëpisë të moshuarve” Shkodër është kthyer në familjen e saj të dytë.
“Unë erdha më mirë të them fëmijë. U rrita, u martova, u bëra nënë, sot jam gjyshe. Është fat i madh kur çdo ditë të jetës të thonë të lumtë dora, të japin bekimin e tyre. Pra, jo çdokush mund ta ketë këtë fat. Unë e pata faleminderit zotit e të tërëve që unë u bëra pjesë e tyre”, thotë Xhovana, kuzhiniere në shtëpinë e të moshuarve në Shkodër.
Jetesa në familjen e saj të dytë ka shumë momente të gëzuara, por dhe momente të hidhura që i kanë mbetur në mendje.
“Momentet e vështira janë momentet kur një ditë vjen dhe të thonë ka vdekur ky person. Kjo është e dhimbshme”, tregon Xhovana.
Pas 4 dekadash në këtë institucion, Xhovana ndjehet shumë e lumtur dhe plot energji për të shërbyer të moshuarit ndonëse flokët i janë thinjur.
Ajo që nisi si punë, tashmë është kthyer në misionin e një gruaje të fortë që përmes pasionit, përkushtimit dhe përkujdesjes bën të buzëqeshin edhe në ditët më të errëta gjyshet dhe gjyshërit e këtij institucioni.
Në këtë 8 Mars, Xhovana ka një mesazh për të gjitha gratë dhe vajzat.
“Të jesh nënë është bekim. Edhe të jesh grua, të ndihmosh në familje, komunitetin që ke afër është fat i madh, por doja të thosha që jeta ka vështirësi, ka ulje dhe ngritje, por duhet të jesh i fortë dhe të thuash nuk jam mposhtur, por të ecësh përpara. Kjo të ndihmon gjithmonë, egoja për të ecur përpara”, shprehet Xhovana.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sa grua fisnike! PERULEM me respekt ????????
Xhovana mbetsh e re sic e ke emrin, zonje gru Kjo duhet me kene fytyra e Shkodres e jo karikatura si Zhelefina
Njeri per se mbari !- thone shkodranet . Cdo gje fillon nga te menduarit ne vetevhte si ke dash per me qene ndaj te tjeneve Nga nje devolli qe jetoj ne Shkoder 1972- 1976 dhe ka kujtime shume te mira Zoti ta shperblefte moj zonje shkodrane !