Bora mbulon zonat malore në Shkodër, Prefekti i Qarkut: Si paraqitet situata në çdo bashki

Prefekti i Qarkut Shkodër ka bërë një njoftim për opinionin publik sot në 2 janar 2026, lidhur me situatën meteorologjike në territorin e qarkut, duke theksuar se reshjet kanë nisur që prej ditës së sotme, me intensitet të ndryshëm sipas zonave. Sipas informacionit nga strukturat operacionale në terren, në zonat malore po regjistrohen reshje dëbore, ndërsa në zonat e ulëta vijojnë reshjet e shiut.

Në lidhje me situatën në rrugë, Drejtoria Vendore e Policisë Shkodër jep detaje.

“Në zonat me fluks të lartë lëvizjeje dhe në akset rrugore ku ka prezencë dëbore dhe ngricash, është shtuar patrullimi nga shërbimet e Policisë Rrugore. Policia apelon drejtuesit e automjeteve të përdorin goma dimërore ose zinxhirë dhe të respektojnë rregullat e qarkullimit rrugor”.

Bashkia Shkodër informon qytetarët se në qytet ka rënë shi, ndërsa në zonat malore ka prezencë dëbore.

“Në aksin rrugor Bogë–Theth, mjetet e firmës mirëmbajtëse ndodhen në terren dhe po kryejnë hedhjen e kripës, megjithëse në disa segmente rruga paraqitet me ngrica. Në Qafë Thore trashësia e dëborës arrin rreth 15 cm dhe qarkullimi vijon pa probleme”.

Në Malësi e Madhe reshjet kanë filluar me intensitet të ulët, ku në qytetin e Koplikut trashësia e dëborës është rreth 3 cm. Ndërsa Bashkia Fushë-Arrëz raporton se vijojnë reshjet e borës me intensitet të ulët.

“Vazhdojnë reshjet e dëborës me intensitet të ulët, me trashësi 5–8 cm. Rrugët janë të hapura dhe qarkullimi vijon normalisht”.

Bashkia Pukë po ashtu njofton se ka reshje dëbore të lehta, me trashësi rreth 5 cm, dhe aktualisht nuk raportohen situata problematike. “Aktualisht, në akset rrugore nuk paraqiten probleme në qarkullim”.

Prefekti i Qarkut Shkodër ndjek me kujdes situatën në terren dhe u bën thirrje qytetarëve të tregojnë kujdes të shtuar gjatë lëvizjes, veçanërisht në zonat malore, duke respektuar udhëzimet e institucioneve përgjegjëse.

Reshjet e dëborës në Qarkun e Shkodrës nuk janë të pazakonta gjatë dimrit, por në vitet e fundit ka pasur raste ku bora dhe ngricat kanë shkaktuar vështirësi në qarkullim dhe ndërprerje të energjisë elektrike. Prefekti dhe strukturat bashkiake vijojnë monitorimin e situatës për të garantuar sigurinë e qytetarëve.

One Albania publikon të dhënat: 48% më shumë internet dhe rritje e përdorimit të 5G gjatë ndërrimit të viteve

18:30 Sociale 2 komente

Liturgjia hyjnore festive për Rrethprerjen e Zotit dhe Shën Vasilin e Madh – 70 vjet jetë dhe dëshmi e Kryepiskopit Joan

17:55 Sociale 7 komente

Foshnjat e para të 2026-ës përfitojnë “Bonusin e Bebes”

15:33 Sociale

Paralizohet qarkullimi në autostradën Tiranë-Elbasan! Trafik i rënduar në ditën e parë të vitit

14:21 Sociale 1 koment

Na i kurseni mesazhet, ju lutem, se më duket sikur thoni "mos u gëzofsh inshalla", ose "plaç në vend”

11:41 Sociale 43 komente

Rrëfimi i Mehdi Malkajt: Djali im ka 1 vit që ka lënë drogën dhe ky është viti im më i mirë

10:16 Sociale 59 komente

Ja cilat janë arritjet shkencore që priten më 2026

09:26 Sociale

Bekimi i Vitit të Ri, dy vajza janë bebet e para të 2026-ës, Rama ndan lajmin: Mirë se erdhët!

09:16 Sociale 5 komente

Në radhë me pensionistët, aktori Bujar Asqeriu pret të marrë abonenë

18:50 Sociale 81 komente

"Nipër për një ditë”, nisma e veçantë e të rinjve të Elbasanit që gëzuan zemrat e gjyshërve që jetojnë vetëm

15:12 Sociale