Te fundit
Cili është qyteti me ajrin më të ndotur në Shqipëri
7 Janar 2023, 19:40Sociale
TEMA
Ekspertët e mjedisit kanë ngritur alarmin për qytetin e Korçës, që rezulton të jetë më i ndoturi në Shqipëri. Shkaqet kryesore lidhen me lëndën drusore që përdoret për ngrohje, por edhe gazrat që lëshojnë automjetet.
“Gjatë sezonit të dimrit Korça është qyteti më i ndotur në Shqipëri e një nga qytetet më të ndotur të Ballkanit. Sipas matjeve të kryera nga ekspertët e mjedisit rezulton se Korça është 25 herë më e ndotur nga norma e lejuar nga OBSH dhe Bashkimi Europian”, deklaroi korrespondenti i Euronews Albania, Xhensil Shkëmbi.
Elvis Çela, i cili është ekspert mjedisi është duke matur ajrin e Korçës në një periudhë afatgjatë.
Sipas matjeve të kryera me metoda të ndryshme, gjatë dimrit ajri i Korçës është tërësisht i dëmshëm për shëndetin e njerëzve.
“Në periudhën e dimrit na ka rezultuar që Korça është qyteti më i ndotur në Shqipëri. Qyteti më i ndotur në Shqipëri sipas parametrave dhe indeksit të cilësisë së ajrit rezulton bashkia e Korçës. Kemi kryer matjen me mjete të lëvizshme por edhe të instaluara, paisje që janë të lidhura nga gjithë qytetarët”, tha Çela.
Eksperti Çela zbuloi se çfarë e shkakton këtë ndotje duke thënë: “Faktori kryesor në periudhën e dimrit është djegia e druve të zjarrit masivisht nga familjarët, është qyteti me përdorimin e druve të zjarrit në përqindje shumë të lartë cka reflekton në treguesit e cilësisë së ajrit. Trafiku i rënduar në akset kryesore, infrastruktura urbane që jo në gjithë qytetin është brenda standardeve “.
Sipas tij kjo ndotje shkakton dëme në shendetin e popullatës.
“Ndotja e cilësisë së ajrit ndikon drejtpërdrejt në shëndetin e qytetarëve, veçanërisht në problemet e shëndetit mendor por edhe sëmundje të brendshme. Një pjesë e mjekëve kanë ngritur alarmin pasi shikojmë numrin e rritjes së virozave apo zgjatjeve përtej normales, cka e gjitha reflekton një ndotje të lartë e cila impakton shëndetin e qytetarëve”, vijoi ai.
Disa muaj më parë kryeministri Rama paralajmëroi se qyteti i Korçës do të përfshihet në projektin e gazifikimit, me mbështetjen e qeverisë së Azerbajxhanit, çka pritet të ndikojë pozitivisht për ajrin dhe ekonominë korçare.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ka me Qytet me Smog me te madhe se Tirana jo ne Shqiperi por edhe me tej or tej ! Korca thot . Korca mundet te ket mjergull hahah jo ndotje . Sa makina qarkullojne ne Korc sa CO2 leshohet ne Atmosfere dhe sa ne Tirane . Beni njiher Statistikat .Shkoni ke Policia e merrni info-t e duhura ne rregjistrat e makinave te regjistruara ne qarkullim , llogarisni sa % CO2-shi cliron ne dite nji Makine se kjo ndoshta ju con ne te dhena me te qarta mbi ndotjen
Korcen e ndot Dardha. Sa te jete Koli Pacili dhe i biri ne Dardhe, Korca do kete dru ahu per tu djegur me bollek. Shkoni shikoni cfare i kane bere Biglles dhe Suareve Koli Pacili me djalin e tij dhe me bekimin e kryeplakut Julian Mekolli. Ikin kamionet me dru nga Dardha dhe te gjithe bejne sikur nuk kane pare dhe degjuar gje.
Mos u merzit Koli Pacili , tani qe vune satelitet ne pune nuk do kete me as prerje te druve as ndertime pa leje. Cdo gje do te jete nen kontroll. Keshtu ka thene I madhi, i cili dallohet per mbajtjen e fjales.