Te fundit
Ekipi i IAEA-s mbërrin në centralin bërthamor të Zaporizhzhia-s
31 Gusht 2022, 15:22Bota
TEMA
Një ekip nga Agjencia Ndërkombëtare e Energjisë Atomike (IAEA) kanë mbërritur drejt termocentralit bërthamor Zaporizhzhia. Kjo, për të inspektuar për dëme pas granatimeve aty pranë, që ngjallën frikën për një katastrofë rrezatimi. Lajmi u bë i ditur nga agjencia “Reuters”.
Forcat ruse pushtuan centralin menjëherë pasi nisën pushtimin e tyre në Ukrainë më 24 shkurt dhe janë pranë vijës së frontit. Rusia dhe Ukraina kanë shkëmbyer akuza për gjuajtje me predha që kanë rrezikuar centralin.
Një dëshmitar i “Reuters” tha se ekipi i IAEA-s u nis nga Kievi me një kolonë automjetesh. Misioni drejtohet nga shefi i IAEA-s Rafael Grossi dhe vjen pas negociatave të gjera.
Nuk është ende e qartë se kur do të mbërrijë në Zaporozhzhia, ekipi i IAEA-s dhe kur do të kryejë inspektimin e tij. Të dyja palët në luftë kanë raportuar ditët e fundit për bombardime të rregullta në afërsi.
“The New York Times” raportoi më herët se Grossi do jetë anëtar i ekipit që merrte pjesë në misionin e ekspertëve.
“The Times” thotë se e ka parë Grossin në një listë emrash, e cila përfshinte gjithashtu “13 ekspertë të tjerë nga vende kryesisht neutrale”.
Sipas NYT-së, ekipi përfshin përfaqësues të Lituanisë, Polonisë, Serbisë, Francës, Italisë, Kinës, Shqipërisë, Maqedonisë së Veriut, Jordanisë dhe Meksikës.
Më të lexuarat
24 oret e fundit
Javen e fundit
Blog Tema
Lini një Përgjigje