Te fundit
Greqia "lë pas inatet", dërgon në Finiq e Dropull dy avionë për shuarjen e zjarreve
10 Korrik 2024, 09:49Sociale
TEMA
Greqia ka “lënë pas inatet” dhe i ka ardhur në ndihmë fqinjit të saj, Shqipërisë, e cila po përballet me 2 vatra të mëdha flakësh në Dropull dhe Finiq.
Në kuadër të Mekanizmit Evropian të Mbrojtjes Civile, shteti grek ka sjellë 2 avionë Canadair për shuarjen e flakëve. Ndihmë ka pasur edhe nga qeveria italiane dhe ajo kroate, për shkak se vatrat e zjarrit vijojnë aktive prej 2 ditësh dhe shuarje e tyre është shumë e vështirë.
“Dy avionë të tipit Canadair sapo nisën ndërhyrjen nga ajri për fikjen e flakëve në Dropull dhe Finiq.
Avionët grekë, vijnë si mbështetje për Shqipërinë përmes Mekanizmit Evropian të Mbrojtjes Civile dhe i bashkohen përpjekjeve të Forcave tona të Armatosura, zjarrfikësve, punonjësve të emergjencave civile dhe strukturave vendore që prej 2 ditësh po luftojnë me flakët atje.
Mirënjohje për gatishmërinë e treguar për të sjellë mjete ajrore edhe qeverisë italiane dhe asaj kroate”, njofton Ministri i Mbrojtjes, Niko Peleshi.
Marrëdhëniet Greqi dhe Shqipëri janë konsideruar të ftohta për shkak të rastit Beleri, mirëpo përmes Mekanizmit Evropian të Mbrojtjes Civile, shtet fqinje zotohen që do të ndihmojnë njëri-tjetrit në rast se përballen me zjarre, tërmete apo fatkeqësi të tjera natyrore.
Si pasojë e zjarreve në Finiq e Dropull janë djegur dhjetëra hektarë tokë, teksa 2 zjarrfikës kanë marrë djegie në trup.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si i le pas inatet mor debila, Greqia po i sjell per vorio epriin. keni pare ju te sjelli greqia avione per zjarret ne puke?
Otto ! I sakte .
O debila nuk i dergon greqia por detyrohet sepse avionet dergohen prej 'mekanizmit evropian te emergjences' . Sot ne greqi jane mbi 30 avion nga Rumania,Austria,Bullgaria,Malta qe po shuajn zjarret derguar prej ketij fondi Evropjan.Shqiperia eshte pjese e ketij grupi dhe ka bere kerkesen per ndihme.
e gabuar qe e paraqesni lajmin sikur i dergon greqia. i dergon bashkimi europian dhe cdo fqinj e ka detyrim si vendi me i afert. lajmi duhet te ishte,bashkimi europian mbeshtet shqiperine me dy avion se ku i gjen dhe i dergon BE eshte pune e saj. te qe oper greqine kurve do na linte te digjeshim. ndaj mos i jepni merita nje shtet cakalli