Përgjysmohet koha e nxjerrjes së dokumenteve biometrike për shqiptarët jashtë vendit

Koha dhe procedurat për aplikimin e dokumenteve biometrike për qytetarët shqiptarë që jetojnë jashtë vendit do të shkurtohen ndjeshëm.

Ministri për Evropën dhe Punët e Jashtme, Igli Hasani, ministri i Brendshëm, Ervin Hoxha, dhe administratorja e përgjithshme e kompanisë “IdentiTek”, Freskida Halilaj, nënshkruan sot marrëveshjen e bashkëpunimit “Për pajisjen e shtetasve shqiptarë me dokumente biometrike, në Zyrat e Aplikimit të Përfaqësive të Republikës së Shqipërisë.”

Kjo marrëveshje synon përgjysmimin e kohës për aplikimin dhe marrjen e pasaportave për diasporën shqiptare. Konkretisht, qytetarët shqiptarë jashtë kufijve nuk do të presin më 30 ditë për pasaportën e tyre, pasi afati është reduktuar në vetëm 15 ditë.

Ministri i Brendshëm, Ervin Hoxha, e cilësoi marrëveshjen si një hap drejt standardeve më të larta për lehtësimin e procedurave për qytetarët.

“Kjo procedurë, që më parë zgjaste rreth 30 ditë, tani do të zgjasë vetëm 15 ditë. I bëj apel të gjithë shtetasve shqiptarë jashtë vendit që të aplikojnë sa më shpejt për kartat ID dhe pasaportat, duke kontrolluar vlefshmërinë e tyre”, theksoi ministri Hoxha.

Ministri për Evropën dhe Punët e Jashtme, Igli Hasani, vlerësoi bashkëpunimin ndërinstitucional dhe përkushtimin për përmirësimin e shërbimeve për diasporën shqiptare.

“Të gjithë ata që aplikojnë jashtë vendit do të ndiejnë menjëherë përfitimet e këtij shërbimi. Ne do të vazhdojmë përpjekjet për të lehtësuar gjithnjë e më shumë angazhimet që kemi marrë përsipër, duke qenë gjithmonë në shërbim të qytetarëve tanë, kudo që ndodhen”, deklaroi ministri Hasani.

Administratorja e “IdentiTek”, Freskida Halilaj, sqaroi se konsujt dhe përfaqësuesit e autorizuar do të kenë mundësinë të nënshkruajnë në mënyrë elektronike format e aplikimit, duke garantuar prodhimin e dokumenteve biometrike brenda afateve të reja të shkurtuara.

Rrëshqitja e dherave, bllokohet aksi rrugor Ura e Dragotit-Këlcyrë

15:04 Sociale 3 komente

Moti i keq në vend, ja cilat janë zonat më problematike

12:11 Sociale

"Nuk jam legen unë" - Ylli Rakipi "përplaset" me Blendi Fevziun: Ti nuk thua dot të vërtetën, se nuk të lë Sandri

10:43 Sociale 28 komente

U takua me Parashqevi Simakun, Arjan Curri rrëfen detaje tronditëse: Ka probleme shëndetësore serioze. Ata që i qëndrojnë pranë....

09:12 Sociale 38 komente

Gripi godet të miturit! Fëmijët në kopshte e çerdhe me temperaturë deri në 40 gradë, simptomat agresive

20:22 Sociale

Shtohet fluksi në Sanatorium/ Pneumologët: Konsultohuni me mjekun nëse viroza zgjat mbi pesë ditë

17:22 Sociale

U dërgua për mjekim në Greqi, ja si është gjendja shëndetësore e kryepeshkopit Anastas

16:34 Sociale 22 komente

Ishin bllokuar në Kapshticë prej ditës së djeshme, nis lëvizja e kamionëve dhe autobusëve në drejtim të Greqisë

16:00 Sociale

Greqia bllokon kalimin e autobusëve dhe mjeteve të tonazhit të rëndë në Kapshticë

13:38 Sociale 1 koment

“Vajzat eksitohen gjatë përdhunimit” - Spartak Ngjela hap polemika: Kënaqësia është instiktive

12:11 Sociale 95 komente