Rriten emergjencat në zonat malore, krijohet grupi i kërkim-shpëtimit malor në Gjirokastër

Në Gjirokastër, rritja e numrit të rasteve të emergjencave civile në zonat malore ka sjellë krijimin e grupit të kërkim-shpëtimit malor. Pjesë e tij janë persona të specializuar dhe alpinistë, të cilët ofrojnë ndihmë në terrene të vështira, si dhe ndërhyjnë për evakuimin e të lënduarve në situata emergjente.

Sipas specialistëve, vitet e fundit është shtuar ndjeshëm numri i turistëve që vizitojnë zonat malore të jugut të vendit. Në disa raste, për shkak të mungesës së orientimit ose vështirësisë së terrenit, vizitorët kanë mbetur të bllokuar në kanione apo shtigje malore, duke bërë të nevojshme ndërhyrjen e ekipeve të specializuara të shpëtimit.

Fundjavën e kaluar, grupi i kërkim-shpëtimit malor të Gjirokastrës zhvilloi një trajnim dhe demonstrime praktike për të testuar aftësitë e ndërhyrjes në situata emergjente dhe për të përmirësuar koordinimin mes anëtarëve të ekipit.

“Do të jenë 5 trajnime në total, të cilat do t’i shërbejnë aftësimit të anëtarëve të kërkim-shpëtimit të Gjirokastrës, Këlcyrës dhe Përmetit për të qenë të aftë të bëjnë ndërhyrje të sigurta në rast nevoje nga ky shërbim”, thotë Blerim Çeka, përfaqësues i grupit të kërkim-shpëtimit malor të Shqipërisë.

Grupi i ri synon të mbulojë disa prej zonave më të frekuentuara malore në jug të vendit, ku ndërhyrja e shpejtë në raste aksidentesh është thelbësore për sigurinë e turistëve dhe banorëve.

“Kemi krijuar grupin e kërkim-shpëtimit malor të Gjirokastrës, i cili është i varur nga emergjencat civile dhe nga Federata e Alpinizmit të Shqipërisë. Ky grup është krijuar duke parë kërkesën më të madhe të turistëve në zonat malore dhe për të ndihmuar në momente të ndryshme në evakuimin e një personi”, thotë Vasil Çekani, nga grupi i kërkim-shpëtimit malor të Gjirokastrës.

Kërkim-shpëtimi malor në Shqipëri është pjesë e Federatës Shqiptare të Alpinizmit dhe turizmit malor dhe funksionon kryesisht si një shërbim vullnetar, një model i ngjashëm me atë që përdoret në shumë vende të Europës.

Vetëm një javë më parë, një grup alpinistësh ndërhyri për të shpëtuar një të ri në Kanionet e Osumit, i cili kishte hyrë në zonë në kërkim të trupit të një personi të zhdukur.

I mbijetoi aksidentit tragjik, mësuesja Albana Boja rikthehet te misioni i saj: Bëj 3 orë rrugë për të shkuar në punë, sepse…

16:55 Sociale 1 koment

7 Marsi - “Integrimi nuk do të thotë asimilim”, mesazhi i Presidentit Begaj për mësuesit e diasporës

16:40 Sociale 2 komente

Hapja e rrugës Librazhd-Prrenjas: Kryeministri Rama inspekton devijimin provizor

14:10 Sociale 3 komente

Berisha: Misioni i mësuesve, përcaktues për kombin! Sistemi arsimor në krizë

12:40 Sociale 11 komente

VIDEO/ Muskujt e revolucionit: Çim Peka kalitet për protestë

11:45 Sociale 37 komente

Kumbaro uron arsimtarët për festën e 7 Marsit

09:40 Sociale

Tabaku: Shqipëria në një udhëkryq të ri, sistemi i kapur po detyron të rinjtë të largohen nga vendi

09:20 Sociale 10 komente

Rama uron festën e 7 Marsit me një kartolinë fotosh nga takimi me fëmijët nga Manastiri (FOTO)

08:20 Sociale 3 komente

Kompensimi për fëmijët nga DIVA: Ku mund ta verifikoni nëse jeni përfitues

07:30 Sociale

Ndryshime në QSUT, hapet gara për zgjedhjen e shefave të 9 shërbimeve spitalore

20:59 Sociale