Te fundit
“Shfryhet” administrata e Shkodrës, shkarkohen disa punonjës: Merrnin rrogë pa punuar
4 Shkurt 2024, 20:50Sociale
TEMA
Bashkia e Shkodrës do t’i nënshtrohet një transformimi në strukturën e saj që do të shoqërohesh me shkurtim vendesh pune. Lajmi njoftohet nga kryetari i Bashkisë Shkodër, Benet Beci, i cili nënvizon se bëhet fjalë për persona që marrin rrogën pa ofruar shërbim.
Sipas tij, specialistë kanë analizuar situatën dhe kanë dalë në pëfundimin se në Bashkinë e Shkodrës rezultojnë të punësuar persona që në fakt nuk japin asnjë kontribut.
“Struktura e bashkisë, veçanërisht në institucionet e varësisë, kishte shumë pozicione të dubluara dhe specialistë që vetëm kishin emrin në borderotë e rrogave, por nuk ofronin asnjë shërbim për banorët e Shkodrës.
Sigurisht nuk është e lehtë të shkurtosh vende pune. Të gjithë jemi të ndërgjegjshëm për këtë. Por nuk mund të vazhdohet më të paguhen me rrogë njerëz që nuk japin asnjë kontribut në zhvillimin e bashkisë sonë. Qytetarët e Shkodrës nuk e kanë luksin të mbajnë me taksa nga të ardhurat e tyre të fituara me punë e sakrifica asnjë punonjës të tepërt në organikën e bashkisë”, shkruan ai.
Sipas kryebashkiakut të Shkodrës janë përzgjedhur vetëm personat që shërbejnë me profesionalizëm, të cilët do të vijojnë të punojnë në këtë bashki.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Opa filloi dhe ky hipokrit qe te zevendesoje administraten me patronazhista.
po t'pakten shkolle do kene dhe jo "dru me pre",e bejtexhi
Real akoma nuk keni bo qef për 30 vite që e mbajti partia juaj e krimit! Lëreni të punojë se në rrugë të mbarë e kanisur,po punoj siç punuat ju Populli i Shkodër nuk i japin mo voten.