Shkolla 9-vjeçare “Xhezmi Delli” gati për nxënësit këtë vit arsimor

Shkolla 9-vjeçare “Xhezmi Delli” është një tjetër shkollë që i shtohet paketës së institucioneve të reja arsimore, të cilat hapin dyert këtë vit për nxënësit e Njësisë 3. E dëmtuar si shumë shkolla të tjera nga tërmeti i 26 nëntorit 2019, edhe kjo shkollë është rindërtuar nga e para. Këtë vit mësimor do të presë nxënësit me dyfishin e kapacitetit të së parës, por edhe me kushte shumë herë më të mira.
 
Kryetari i Bashkisë së Tiranës, Erion Veliaj, i cili inspektoi punimet për ngritjen e shkollës, siguroi prindërit se gjithçka është drejt përfundimit dhe se mund të fillojnë regjistrimin e fëmijëve në shkollën e re. “Është vërtet mëkat të mundohesh t’i gjesh një mënyrë alternative sistemit online për ta regjistruar fëmijën në një shkollë tjetër, kur shkolla “Xhezmi Delli” është më afër. Ne vërtet mund të jemi gati në fillim të shtatorit ose në fillim të tetorit, por për dy javë nuk ia vlen ta çosh fëmijën në një shkollë tjetër, ndërkohë që shkolla e re po mbaron dhe është në kushte shumë herë më të mira se shkollat bujtëse. Mos i torturoni fëmijët në shkolla të tjera! Kush ka ende dyshim duhet të vijë ta shohë vetë që jemi drejt përfundimit. Ju lutem respektoni sistemin online dhe fëmijët të shkojnë te shkolla që iu takon,” tha Veliaj.
 
Ai shtoi se kjo shkollë do të jetë një tjetër bizhu që do i shtohet Njësisë 3. “Jemi vërtet të paduruar të sigurohemi që në shtator-tetor të kemi përfunduar edhe detajet e fundit, edhe mobilimin, për shkollën ‘Xhezmi Delli’. Ajo është një bizhu në mes të Njësisë 3, një njësi që po zhvillohet shumë. Shoh pjesë të njësisë që janë afër rrugëve kryesore, ku shumë prej këtyre ndërtimeve informale janë bashkuar dhe konsoliduar në një ndërtim serioz, normal për të liruar hapësira të tjara. Por ardhja e shkollës dhe ngritja e standardit të ndërtimit do imponojë të njëjtën estetikë dhe të njëjtën shije të realizimit të veprave edhe në pjesën tjetër të lagjes,” deklaroi ai.
 
Veliaj tha se kjo shkollë nuk është e vetmja që hapet këtë vit, por është një buqetë e tërë, që i shtohet godinave të reja arsimore në Tiranë. “Sot jam vërtet krenar, sepse pavarësisht se kanë mbaruar fushata dhe debatet, por nuk kanë mbaruar punët. Ne do të kemi një buqetë tjetër shkollash këtë vit. “Xhezmi Delli”, patjetër është një bizhu shumë elegante në këtë komunitet, shkolla “Partizani”, një nga gjimnazet historike të Tiranës hapet këtë vit. Aty patëm vetëm ceremoninë e diplomimit, por hapja e shkollës në shtator do të akomodojë gjithë zonën e Selvisë dhe zonës së Njësisë 8. Do të thotë që edhe ngarkesa që vinte te Çajupi apo te Shkolla e Kuqe, apo te shkollat e tjera prej ‘Samiut’, ose ‘Partizanit’, do të fillojë të ulet. ‘Çajupi’ do të ketë ambientin e vet, siç e ka, një shkollë të re, por dhe ‘Partizani’ kthehet sot ndoshta shkolla më e bukur në Tiranë,” e mbylli Veliaj fjalën e tij.

U braktis nga nëna biologjike dhe u rrit nga familja rome, emigranti i rindërton shtëpinë

11:53 Sociale 17 komente

Kritika e një mësuesi nga malet e Dibrës: si (nuk)duhet të jetë një mbrëmje mature

09:40 Sociale 6 komente

Shteti duhet të jape një shembull të fortë, si me rastin e Kokëdhimës

19:11 Sociale 25 komente

Si thatë ju, përse ikin shqiptarët nga Shqipëria?

18:01 Sociale 37 komente

Hapen regjistrimet online për klasën e dhjetë. Risia për arsimin parauniversitar: dëftesa me vulë elektronike

14:33 Sociale

Mjekja shqiptare në Gjermani: Edhe pa lekë do punoja në Shqipëri por s'ma dhanë mundësinë

12:54 Sociale 29 komente

SURPRIZA / Si i zuri ‘pritë’ kamarieri i Nju Jorkut, Bill Klintonit tek vila e Mehmet Shehut

10:00 Sociale 1 koment

Sa na kushton shkollimi i një mjeku? – 36 mijë euro për 6 vite studime

21:30 Sociale 3 komente

80-vjetori i masakrës së Borovës, ambasadori gjerman kërkon falje për 107 viktimat

20:07 Sociale 12 komente

Zv.ministrja: Nëse s’punësohen brenda 2 viteve ose paguajnë 5 mijë euro, studentët e mjekësisë janë të lirë nga detyrimet

17:41 Sociale 10 komente