Te fundit
U nda nga jeta pas një arresti kardiak, homazhet për gazetarin Artur Zheji do të mbahen nesër në Universitetin e Arteve të Bukura
24 Gusht 2025, 10:43Sociale
TEMA
Homazhet për gazetarin dhe publicistin e njohur, Artur Zheji do të mbahen të hënën, më 25 gusht, në ambientet e Universitetit të Arteve të Bukura.
Homazhet do të zhvillohen nga ora 10:00-12:00, dhe më pas do të përcillet në banesën e fundit pranë varrezave të Tufinës.
Gazetari u nda nga jeta një ditë më parë pas një arresti kardiak, teksa ndodhej me pushime në Sarandë. Zheji po festonte me familjen datëlindjen e të birit, Patrik, në një restorant dhe nuk është ndjerë mirë. Ai u transportua menjëherë me ambulancë drejt spitalit të qytetit, por mbërriti atje pa shenja jete.
Për ndarjen e tij të parakohshme nga jeta reaguan figura të medias, por edhe të politikës.
Artur Zheji ishte i angazhuar për dekada në fushën e gazetarisë dhe publicistikës në Shqipëri. Ka mbajtur funksione drejtuese në disa media, si tek RTSH, ATSH dhe gazeta Mapo.
Veprimtaria e tij përfshin analiza politike, shkrime editoriale dhe drejtimin e programeve televizive. Që nga viti 2017, ai drejtonte emisionin politik dhe analitik "360 Gradë", një tryezë debati dhe analize për çështjet të vendit dhe botës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gjithe bota e kulturuar kristiane i dergon njerezit ne ceremony mortore ne kishe,komunistat e tredhur (atheoi) i dergojne ne parliament a universitetete....!?
Nuk Thuhet Arrest kardiak por Ndalim kardiak ose ma shqip : Ndalim zemre. Arrest = Arrestim ne termin juridik.