Te fundit
Viti i shkollor, Veliaj: Nga ora 07:00 deri në 09:00 ndalohet qarkullimi i furgonëve të mallrave në Tiranë, fadromat dhe mjetet e rënda do punojnë vetëm natën
7 Shtator 2023, 14:24Sociale
TEMA
Nga e hëna, asnjë mjet i transportit të mallrave, kryesisht ushqimore, që furnizojnë supermarketet e Tiranës, nuk do të qarkullojë në orarin 07:00 - 09:00 të mëngjesit. Me nisjen e vitit të ri shkollor rikthehet edhe urdhëri i Bashkisë së Tiranës për ndalimin e qarkullimit për furgonët, në mënyrë që të lehtësohet lëvizja e prindërve që çojnë fëmijët në shkollë.
Lajmin e dha kryebashkiaku Erion Veliaj, i cili nënvizoi se gjatë ditës do të ndalohet edhe qarkullimi i fadromave apo mjeteve të rënda, të cilat do duhet të punojnë pas orës 20:00 të mbrëmjes.
“Duke filluar nga data 11 shtator, me ditën e parë të shkollës, mjetet e panevojshme, edhe ato që janë nën 3.5 ton, që bëjnë transportin e mallrave ushqimore, nuk do të lejohen të qarkullojnë nga ora 07:00 deri në orën 09:00.
Nëse një çamçakëz ose një patatinë është aq e rëndësishme dhe jetike për mbarëvajtjen e atij marketi, duhet të bëhet para orës 07:00 ose pas orës 09:00. Unë besoj se këto vite kemi ndërtuar në Tiranë një komunitet që është shumë më i rëndësishëm se çamçakëzët dhe patatinat, që janë fëmijët tanë; kështu që, para fëmijëve nuk do të vëmë asnjë punë tjetër.
Do të sigurohemi që orari 7 me 9 i dedikohet vetëm lëvizjes në shkolla. Gjithashtu, nga ora 07:00 e mëngjesit deri në 08:00 të darkës fadroma, betoniere, kamionë, trajlera, nuk do të lejohen, dhe të gjitha kantieret e Tiranës, siç e kemi zbatuar vitet e fundit, do duhet të punojnë pas orës 20:00 të darkës”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo per kete organizim qe lehtson trafikun ne oret e mengjezit ne Tirane. Bile dhe disa subjekte si bankat apo sherbime te tjera publike mund te hapen nga ora 8 ose 9 e mengjezit dhe te qendrojne hapur deri ne 5 mbasdite.
Bravo per betonierat qe nuk ndalojne dhe veshin me beton cdo hapesire dhe per ajrin e ndotur nga ndertimet ne cdo cep e ne cdo vrime. Tirana eshte kthyer ne nje kopesht betoni nga babezia dhe makutria e vliajt dhe vizioni pervers dhe zhvates i rames.