Te fundit
Igli Tare, “tregtari” më i madh i Milanit në 40 vitet e fundit
20 Gusht 2025, 09:51Sport
TEMA
Milani nuk shiste, por blinte. Kjo ishte ideja e Silvio Berlusconit që në fillim, në mesin e viteve ’80, kur vetë u fut me forcë në sistemin e futbollit. Dhe i qëndroi besnik kësaj motoje, duke shitur vetëm Ricardo Kakà, por edhe atëherë kur karriera e tij ishte në zbritje dhe ndjesia ishte se epoka e madhe kishte mbaruar.
Yonghong Li shpenzoi, por nuk shiti. Ende nuk dihet mirë me çfarë parash, por kjo është histori tjetër. Më pas erdhi “Elliott”, që vendosi të investojë, të shlyejë borxhet dhe të krijojë një klub të shëndetshëm financiarisht. Kështu, çdo vit pati shitje të rëndësishme, ose pothuajse. Në 10 vitet e fundit u ndoq një politikë kursimi te kuqezinjtë, edhe kur erdhi Covid-19 dhe shitjet ishin shumë të pakta: 5.1 milionë euro në sezonin 2021-2022; 11.1 milionë euro në 2022-2023.
Igli Tare është pra shitësi i madh i parë i Milanit në këto 40 vite. Deri tani janë 200 milionë euro, duke llogaritur edhe bonuset, çka e bën qartësisht “tregtarin më të mirë” kuqezi në këtë aspekt. Edhe pa përfshirë Reijnders, drejtori sportiv shqiptar do të ishte sërish mbi vendin e dytë në renditjen historike. Largimet e Okafor për 21 milionë dhe Thiaw për 35 milionë ndikojnë relativisht pak në formacionin titullar. Sigurisht, për Theo mund të bëhej më shumë, por me një vit nga skadenca e kontratës, marrja e 25 milionëve është gjithsesi fitim i arsyeshëm.
“Jackpot Tare”
Siç raporton “Corriere dello Sport”, që nga momenti kur firmosi për Milanin më 26 maj, ish-drejtori i Lazios nuk është ndalur për asnjë sekondë, duke riformuar skuadrën kuqezi dhe madje zgjidhur disa transferime të vështira.
Njeriu i ri i merkatos së “Djallit” ka bërë një revolucion të plotë: nga emërimi i Massimiliano Allegrit te shtatë afrimet e zyrtarizuara deri më tani, ndërkohë që pritet raundi i fundit i merkatos së verës.
Pikërisht në merkaton dalëse (shitjet dhe huazimet) është vënë më së shumti re ndikimi i drejtorit sportiv shqiptar, i cili ka arritur të shesë lojtarë për shuma të paimagjinueshme.
Mjafton të thuhet se Milani shiti Malick Thiaw te Newcastle për rreth 40 milionë euro (me bonuset e përfshira), shumë mbi vlerën e tij reale të merkatos (duke marrë parasysh edhe kontratën 2-vjeçare që i mbetej), duke gjeneruar një “plusvalencë” (fitim) gjigante.
Përveç shitjes me profil të lartë të Tijjani Reijnders, shqiptari gjeti zgjidhje edhe për emra si Camarda, Bondo, Terracciano, Liberali, Pobega, Colombo dhe shumë lojtarë të tjerë që kishin nevojë të luanin diku tjetër.
Shitja përfundimtare e Emerson Royal te Flamengo për 10 milionë euro ishte një marrëveshje e shkëlqyer. Tashmë duket se do të marrë mbi 20 milionë euro, me bonuset e përfshira, nga Leeds United për Noah Okafor, një tjetër “plusvalencë” e madhe.
Shuma e siguruar tashmë, duke përfshirë huazimet me pagesë, është 165.5 milionë euro, që me bonuset dhe klauzolat e blerjeve mund të arrijë në 200 milionë euro (madje 220 milionë me shitjen e Okafor). Para të freskëta, që kanë vendosur rregull në financat kuqezi.
Drejtori i ri sportiv është dashur gjithashtu të merret me çështjet e komplikuara të Theo Hernandez dhe Mike Maignan. I pari u shit tek Al-Hilal i Simone Inzaghit për 25 milionë euro, duke zgjidhur kështu një problem të brendshëm, që nuk mund të shtyhej më. Me pak fjalë, ai ka qenë i jashtëzakonshëm në sektorin e shitjeve.
Shifrat e shitjeve te Milani (në milionë euro):
2025-26 → 200 milionë euro
2024-25 → 51.3
2023-24 → 71.4
2022-23 → 11.1
2021-22 → 5.1
2020-21 → 51.7
2019-20 → 59.2
2018-19 → 88.1
2017-18 → 39.7
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tare ka treguar gjate karieres se tij te pasur se ka kopetencat dhe profilin e duhur per te drejtuar nje klub per sa I perket pjeses sportive dhe financiare. Per mua ka profilin idéal qe ne ne ardhmen te drejtoje FShF ne.
Por për të bërë Milanin e madh dhe fitues,duhen parà,apo do zbresi një herë në serinë B pastaj shohim e bëjmë,marrim ca borxhe që të kaloj perseri tek Seria A.. eccettera ecc...!
Me këtë shkrim ju po e bëni I Tare të fluturoi me presh në bythë, ku janë 220 miljonë, Rendes nuk e shiti Tare, por kë ble Tare, Jashari që do ngrohi Stolin, më thoni në vend të kujt do luaji Jashari, në mesfushë, Fofana, Loftusçik, Modriç, Riçi, Pulisiç, Leao, Salamankeres janë lojtarë bazë, po athere këto 40 miljonë për ça u harxhuan mund të më thoni, u harxhuan për një Gollobord nga Maqedonia që nuk ka luajtur as me Zvicrën as me Maqedoninë e as me Albania. Tare nuk ka blerë një Sulmues që i duhet Milanit.
O Jari-Kari Më trego një lojtar të ri dhe të mirë që vjen në Itali nga kampionati Anglez,Spanjoll,Gjerman,.. Italisë i ka rënë emri dhe ska para. Tare e ka treguar veten tek Lacio se është shumë i mirë. Lacio është si puna e Arsenalit që shkon deri në krye por nuk e fiton kampionatin. Megjithëse kanë lojtarë të mirë. Jasharin nuk e kemi parë të luajë prandaj kot flisni. Shumë ekipe si Liverpuli, Barcelona,PSG ..... blejnë blejnë dhe shohin nëse përshtaten me stilin e lojës që përdor tranjer i. Mbas një apo dy vjetësh kush nuk përshtatet e shesin ose huazojnë. P.sh. Celsi para dy vjetësh bleu bleu shumë. Tani po i shet. Kot e shani Taren. Ju nuk i dini emrat që luajnë rolin e Tares tek Reali,ManU,Barcelona,Psg,... Pse nuk merreni me ta !!!! Apo Tare është shqiptar dhe bumm e shani ,ofendoni,... PSE !!!!??? SEPSE JENI BYYYTTTHHH QIIIRRRAAA.
Tare kari ,bashk me vllain e vet bixhozxhi. Ky bole ska qen asnjeher as futbollist i hajrit do drejtoj Milanin ky fshatari
te jape shume te drejte dhe ndaj me ty te njejtin opinion, nje lojtar ordiner qe luante me ekipet e kategorise se dyte ne gjermani, pati nje shans ne jete qe diti ta menaxhoje relativisht mire me Lazion por me Milanin do te deshtoje perfundimisht
Adriano Galiani ka qene dhe mbetet me i madhi ne historine e Milanit duke krijuar skuadren me te mire ne bote. Igli eshte djale punetor dhe inteligjent por mos beni elozhe koti me tifozllik pasi Milani ska blere asnje lojtar te nivelit te larte deri tani.
Ca do bej dhe Igli me shume se kaq kush emer i madh vjen me në Seria A tani,vetëm ata që janë në fund të karrierës.Galiani ishte më i madhi se kishte super me të madhin Berlusconi nga pas.