Kreu i gazetarëve sportivë të Kosovës: Euro 2027 në Shqipëri dhe Serbi thikë pas shpine...

I ftuar në emisionin “Maks Sport”, në Eurones Albania, presidenti i Gazetarëve Sportivë të Kosovës, Edmond Thaçi, shprehu mendimin e tij lidhur me zhvillimin e finaleve të Euro U-21 në vitin 2027 nga Shqipëria dhe Serbia, duke theksuar se ky hap nuk është mirëpritur nga opinioni kosovar.

Sipas Thaçit, shumica e shqiptarëve të Kosovës nuk janë dakord me këtë nismë, dhe ai e cilëson këtë si një “thikë pas shpine” për Kosovën.

“Opinionin kosovar, në përgjithësi, nuk është aspak dakord dhe mund ta konsiderojmë si një thikë pas shpine për Kosovën, duke marrë parasysh kontekstin politik”, u shpreh ai.

Thaçi theksoi se kjo nuk ka të bëjë me patriotizmin, por është një çështje më e gjerë lidhur me organizimin e ngjarjes nga Shqipëria dhe Serbia.

“Duket sikur Shqipëria dëshiron ta edukojë Serbinë, por natyrisht, opinionin në Shqipëri nuk ka shumë informacion për sa i përket Serbisë. Duhet ta dini se çfarë kemi kaluar ne si popull kosovar nga Serbia, dhe ju e keni provuar vetë në stadiumin e Beogradit”, shtoi Thaçi.

Ai e shpjegoi se për Kosovën, Serbia është një faktor që vazhdon të shkaktojë tensione në Ballkan. “Për ne, Serbia është një dhe e vetmja që shkakton tensione në Ballkan”, tha Thaçi.

Ndërkohë, ai e vlerësoi Shqipërinë si një organizatore të denjë për ngjarje të tilla, por nënvizoi se momenti aktual nuk është i duhuri për të bashkuar Shqipërinë dhe Serbinë për këtë aktivitet.

“Shqipëria është një organizatore e denjë për organizime, por nuk është momenti i duhur për të bashkuar Shqipërinë me Serbinë për këtë aktivitet, pavarësisht se është evropiani për grupmoshat”, tha ai.

Thaçi përmendi gjithashtu periudhat e vështira që ka kaluar Kosova dhe rëndësinë që ka për shqiptarët që ende nuk kanë mbaruar punë me Serbinë.

“Ne, si shqiptarë, ende nuk kemi mbaruar punë me Serbinë, dhe e konsiderojmë të papërshtatshëm këtë hap kaq të madh që Shqipëria të organizojë një ngjarje të tillë me Serbinë”, përfundoi Thaçi.

E bujshme, gjiganti turk kërkon Ismajlin

15:00 Sport 2 komente

Silvinjo dhe stafi teknik i Kombëtares ndjekin derbin e Milanos, takojnë Kristjan Asllanin

14:32 Sport 1 koment

Mbyllet merkato e janarit, të gjitha lëvizjet e bëra në Kategorine Superiore

14:00 Sport

Presidenti i Vllaznisë zbulon klubin e Ligue 1 që kërkon Dodajn: Kemi pasur diskutime me…

13:30 Sport

Lajm i mirë nga Anglia për Armando Brojën, ka shpresë për Sylvinhon dhe Evertonin! Zbuloni pas sa javësh do të rikthehet sulmuesi

13:00 Sport 1 koment

“Murinjo ishte i drejtpërdrejtë”, rrëfimi i Marash Kumbullës: Dëmtimi më ndryshoi, krenar që luaj për Shqipërinë

12:31 Sport

Eventi "Topi i Arte", Rudi Vata: Shfaqja e FSHF-së e gënjeshtërt dhe hipokrite. Vëmendjen e morën njerëz që s’kanë lidhje me futbollin

11:31 Sport 3 komente

Shkëlqejnë legjionarët kuqezi: Shumica e lojtarëve aktivizohen si titullarë në Europë

10:35 Sport 1 koment

Trajnerët e ekipeve kombëtare zgjedhin formacionin dhe trajnerin më të mirë të javës së 23-të të “Kategorisë Superiore”

20:44 Sport

Dramë në “San Siro”, Interi shënon në fund dhe i heq fitoren Milanit në derbi

20:11 Sport