Te fundit
Në Tirana-Vllaznia ndahen pikët, Bylis surprizon Elbasanin
20 Dhjetor 2025, 15:37Sport
TEMA
Tirana dhe Vllaznia barazuan 1-1 mes tyre, në Klasiken e futbollit shqiptar. Dueli i javës së 17-të në Superiore, u vendos nga dy penallti.
Bardheblutë kaluan në avantazh në minutën e 5-të, pas golit të shënuar me penallti nga Rafa Silva. Edhe barazimi erdhi nga penalltia, ku Balaj shënoi në minutën e 26-të, pas një ndërhyrje të gabuar në zonë.
Sulmuesi shkodran kishte mundësinë të përmbyste rezultatin në minutën e 44-t, por këtë herë gaboi nga 11 metërshi, pasi gjuajtja u ndal nga Tafas.
Fraksioni i dytë ishte më i qetë dhe me raste të pakta nga të dyja ekipet, që në fund u detyruan të ndajnë nga një pikë.
Me këtë barazim, Vllaznia konfirmon momentin e vështirë dhe mbetet në vendin e katërt me 27 pikë. Tirana renditet e fundit me nëntë pikë, ndërsa ky është barazimi i dytë radhazi.
Në duelin tjetër, Bylis bëri surprizën e madhe, duke mposhtur 3-2 skuadrën e Elbasanit, në stadiumin “Adush Muça”.
Ballshiotët ishin më kërkues nga fillimi dhe gjetën avantazhin në minutën e 44-t, kur Mustapha zhbllokoi takimin nga penalltia.
I njëjti lojtar dyfishoi shifrat në fillimin e pjesës së dytë, ndërsa Loukili ngushtoi diferencat në minutën e 52-të.
Mustapha u bë sërish protagonist dy minuta më vonë, duke shënuar edhe të tretin për Bylisin. Tsague realizoi të dytin për Elbasanin në minutën e 69-të, ndërsa Bylis në fund mbeti me 10 lojtarë, pasi Camara u ndëshkua me të kuq.
Me këtë rezultat, Bylis ngjitet në vendin e shtatë me 18 pikë, ndërsa Elbasani zbret i dyti me 32 pikë.
Më të lexuarat
24 oret e fundit
Javen e fundit
Blog Tema
Lini një Përgjigje