Te fundit
“S’prekim vijat e kuqe në parqe”, Kumbaro: Mirëpresim vërejtjet e BE për zonat e mbrojtura
3 Mars 2024, 18:00Turizëm
TEMA
Qeveria do të konsultohet me strukturat e Bashkimit Europian sa i përket akteve nënligjore që do të prodhojë ligji i shumë debatuar, ai i zonave të mbrojtura. Duke ju përgjigjur akuzave që vijnë nga shoqëria civile dhe opozita, ministrja e Turizmit dhe Mjedisit Mirela Kumbaro, në një intervistë për Vizion Plus, thotë se edhe reagimin e delegacionit të Bashkimit Europian e sheh si një sinjal partneriteti.
Më shumë sesa një rezervë, e shoh si partneritet. Partneri ynë Bashkimi Europian e bën për të na shoqëruar, për të ecur dorë për dore në punën e kuadrit ligjorë. Ne kemi kaluar me sukses procesin screening, ku kapitulli i mjedisit ka marrë vlerësime pozitive. Nga ana tjetër mirëpres çdo sugjerim, kemi nevojë për këshillat e tyre. Ajo ishte një deklaratë që partnerët tanë do të na shoqërojnë në çdo vendimmarrje, sepse ky ligj do të përcaktojnë shumë detyra për qeverinë, për të prodhuar akte të tjera, akte të cilat kanë si qellim të jenë në përputhje me direktivat e BE-së, – tha Kumbaro.
Por ministrja kishte dhe një përgjigje për opozitën, e cila pretendon se ky ligj lidhet me atë të investimeve strategjike, duke i hapur rrugën ndërtimeve në dëm të natyrës.
Ky është një konfuzion në rastin më të mirë vjen nga halli për të gjetur sebepe politike, në mungesë të një opozite reale qe duhet të ishte në parlament me debate dhe diskutime. Në rastin më të keq është dashakeqësia për të miksuar elementë që nuk kanë lidhje me njëra-tjetrën, pavarësisht kohës së diskutimeve të tyre në parlament. Kur flitet për hapësira për zhvillim të turizmit të qëndrueshëm, kjo nuk bëhet vetëm nga ata që fitojnë statusin e investitorit, – sqaroi Kumbaro.
Kumbaro konfirmoi se nënzonat që do të zhvillohen do të kalojnë në një filtër të fortë rregullash dhe mbi të gjitha do të lejohen vetëm për turizëm elitarë, aty ky Shqipëria kërkon të orientohet.
Drafti final vendosi disa kritere ku hapësirat do të zhvillohen vetëm për agroturizëm dhe turizëm shumë të lartë në disa nënzona, ku lejohet veprimtaria ekonomike, me kritere të përcaktuara qartë. Kjo do të përcaktohet qartë me vendime të qeverisë për çdo zonë. Jo gjithkush mund të bëjë ç’të dojë. Vendimet do të jenë të dedikura. Ishte shumë e rëndësishme vendosja e filtrave të kontrollit.
Javën e kaluar parlamenti miratoi disa ndryshime në ligjin për zonat e mbrojtura. Ekspertë të shoqërisë civile dhe opozita e kundërshtuan, duke ngritur pikëpyetje se qëllimi final është ndërtimi në sipërfaqe me bukuri natyrore./vizionplus.tv/
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me sebepin e zonave te mbrojtura ju te Mjedisit po abuzoni edhe ne ato pasuri qe kane pronesi private duke u sjelle si administratore te atyre pasurive e jo si hartues i planeve te menaxhimit per ZM duk bere qellimisht konfuzion me termat e ligjit. E kam provuar kete personalisht me ju te Mjedisit. Jeni nje bande abuzuesish me ne krye kete qe kontrollon kete Ministri.
Ik o Kumbaro se ty te besojme aq sa te besuam me teatrin...ti je" grua haremi", po keshtu jane gjithe ministrat e ministreshat...:
Po kesaj i duket vetja se po vendos?! zero jeni te gjithe, skllever te paguar shtrenjte.
Kjo ministre hanem e dale boje bashke me tutorin e saj ramiun,flet ndryshe nga ato qe thote UNESKO-dhe jane pergjegjes historik,ne shperberjen graduale te objekteve te kultit kristian ato monumente,qe na prezantojne ne botene qyteteruar si europian.