Te fundit
Sa herë ia ke dredhur dashurisë së vetme, Kombëtares, zoti president!
14 Qershor 2017, 10:59Sport
TEMA
Më mirë të mos i kishte thënë ato fjalë presidenti Duka, por edhe nuk duhet të nxitohesh, ngaqë ai është një mjeshtër për të ngacmuar nervat e popullit të mbijetuar të futbollit, ndofta kjo e bën edhe më të lumtur.
“ Nuk kam patur besim tek trajneri? De Biazit i dhamë dashurinë e jetës, Kombëtaren..”
Një përgjigje tepër romantike për disa akuza që nuk i kishim dëgjuar më parë nga goja e Xhanit si “ ndokujt i prisha festën e shkarkimit me fitoren në Izrael”, apo tjetra “ kjo ndeshje ishte si një kockë që të mbetet në grykë”.
Sikur këto fjalë t’i kishte thënë një trajner tjetër, në një përfaqësuese larg tokës sonë, do të kishte merituar shkarkimin për alibinë e rrezikshme ndaj titullarit, por shef Mando zbythet në këto momente …sepse memecit i erdhi goja. Tamam, mu në Tokën e Shenjtë.
Na kishin treguar historitë e vjetra për mrekullitë që ndodhin në Izrael, por kjo e fundit është tepër e bekuar për shqiptarët. Tre gola në fushë, që nuk besonim se mund të vinin as nga qeilli e as nga toka, po shndërrohen në një fitil për finalen e hipokrizisë midis italianit orator dhe shqiptarit prepotent.
Të atij që flet për dashurinë e vetme të jetës, së cilës ia ja ka dredhur për shtatë palë qejfe në këto 16 vite, pa na dhënë shansin të dëgjonim, sikur njëherë të vetme, se ..ishte hera e fundit, ju betohem nuk e bëj më!
Në këto 16 vite, kemi parë dhe përgjuar se “dashurinë e vetme”, Kombetaren, ia kemi besuar vetëm të huajve dhe qejfi më i madh ishte ,kur mezi prisnim fundin e filmit, atë çast kur trajneri vritej nga dora e vetme e pabesë, nga ajo që çuditërisht është paralizuar me De Biazin.
Ky italian që dukej peshë e lehtë në fillim, mbetet i vetmi që nuk i dha kënaqësinë “Makbethit të topit” për të kryer ritualin e shumëpritur nga oborri.
Kjo edhe për meritën tonë, ngaqë nxituam ta bënim Xhanin sa më shumë shqiptar, aq më pak italian.
Ndaj edhe Zotat kanë besim se Xhani, ai shqiptari, nuk do t’i thotë të gjitha ato që populli kuqezi mezi pret t’i mësojë, pikërisht nga goja e tij.
Sikur të fillonim rrëfimin nga fundi, dhe jo qysh nga fillimi, si u gatua humbja në Luksemburg, ku presidenti nuk ishte në stadium ngaqë e dinte se çfarë do të ndodhte me “dashurinë e vetme të jetës”, dhe tjetra, tepër ngacmuese, pse nuk tregohen publikisht disa fjalë të rënda të trajnerit para ndeshjes me Izraelin, prejt të cilave shpëtoje vetëm me një ndeshje të fituar…
G.Sinemati
6 komente në “Sa herë ia ke dredhur dashurisë së vetme, Kombëtares, zoti president!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keta bejne enigmatikun e pordhes.
Prandaj je gazetar. Te zbulosh per publikun ato qe jane thene ne kulisa.
tamam ose fol me fakte ose hesht
i dashur gezim, sinqerisht ruaj respekt te pamate per vellezerit sinemati, por duhet t’ia hapesh petet lakrorit perndryshe ky shkrim eshte vetem per kulisat e fshf-se qe ne populli nuk i dime
O Xime. Retoriken mediokre ta njohim dhe shkrimin sipas nivelit te klases se 4 fillore. Por fol qarte dhe informo publikun dhe mos hidh alibi apo hamendesime. Se edhe komuniteti i medias ne te cilin ti ben pjese i mbani eren mutit te Dukes kur ju intereson. Une po te them se, ne shqipot askund ne bote nuk kemi per te gjetur nje trajner kaq te mire sa De Biazi dhe gjithashtu po kaq te keq sa ai. Se trajnere si Trapatoni, Kapelo, Heynckes, Hitzfelt e te tjere, nuk mundet dot qe ti paguajme dot, por edhe ata nuk do te merreshin me nje kometare pa shume emer dhe modeste, pasi jane shume krenar dhe egoiste. Por si gjithmone sikuese ne e kemi zakon shesim por per syfyr por qe nuk na i blen njeri. Kaq kisha.
O Xime. Retoriken mediokre ta njohim dhe shkrimin sipas nivelit te klases se 4 fillore. Por fol qarte dhe informo publikun dhe mos hidh alibi apo hamendesime. Se edhe komuniteti i medias ne te cilin ti ben pjese i mbani eren mutit te Dukes kur ju intereson. Une po te them se, ne shqipot askund ne bote nuk kemi per te gjetur nje trajner kaq te mire sa De Biazi dhe gjithashtu po kaq te keq sa ai. Se trajnere si Trapatoni, Kapelo, Heynckes, Hitzfelt e te tjere, nuk mundet dot qe ti paguajme dot, por edhe ata nuk do te merreshin me nje kometare pa shume emer dhe modeste, pasi jane shume krenar dhe egoiste. Por si gjithmone sikuese ne e kemi zakon shesim pordhe per syfyr por qe nuk na i blen njeri. Kaq kisha.
Mbarojeni fjaline e fundit se ajo nuk ka pike kuptimi, ose mos e botoni. A e ri-lexoni artikullin para se te botohet?