Te fundit
Unë dhe PD në dhjetor ’90
10 Dhjetor 2017, 16:47Politika
TEMA
Nga Edi Rama*
Nuk e kisha menduar që të merresha me politikë. Dhe arsyeja, lidhet dhe me një moment tjetër. Atë ditë, kur hyra në PD, e cila sapo ishte krijuar, u largova menjëherë, sepse pata një konflikt me ata që gjeta aty, pra në PD.
Ne ishim shumë më përpara, sepse në bisedat tona kishim shumë pritshmëri dhe strategji për të ardhmen. Për ne Ramiz Alia ishte kundërshtari. Për ne Ramiz Alia nuk ishte njeriu që po sillte demokracinë në Shqipëri, por ishte thjesht rregjimi komunist në Shqipëri. Ky është dhe konflikti që unë pata me ata që gjendeshin në atë kohë në PD. Nuk pata ndonjë dëshirë për t`u përshirë në politikë, pasi mua më interesonte liria dhe jo politika. Unë e kërkoja lirinë si nevojë të brendshme për të bërë gjërat që doja, dhe nuk e kërkoja për t`u marrë me politikë.
Pasi jam larguar atë moment nga PD-ja, ishte aty Arben Imami, të cilin unë e kisha shumë mik dhe kemi bërë një bisedë shumë interesante. Ai këmbëngulte që unë të kthehesha në PD, ndërsa unë këmbëngulja që të largonim më parë komunistin që kishin aty në PD, sepse do t`i marrë në qafë të gjithë. Beni më thoshte “po jo, se kemi nevojë për disa intelektualë pak më në zë, që t`i japim peshë dhe seriozitet të gjithë kësaj që po bëjmë, sepse është një gjë që sapo ka filluar, ne s`kemi eksperiencë”.
Ndërsa unë i thashë se Sali Berisha është komunist tipik dhe ka të gjithë eksperiencën si sekretar partie që t`ju eliminojë të gjithëve. I kam thënë se ai do ta bëjë PD-në vegël të Ramiz Alisë dhe ju nuk do të jeni dot në gjendje të flisni kundër Enver Hoxhës. E vërteta është, se ditën kur fola kundër Enver Hoxhës në Akademinë e Arteve, ata nuk flisnin dot kundër Enver Hoxhës.
Sa i përket asaj akuzës që unë isha provokator, unë kam qenë gjithnjë provokator, më pëlqente gjithmonë të provokoja. Sepse provokimi ishte e vetmja mënyrë reagimi kundër atij lloj sistemi. Pra, që reagimet e mia në atë kohë ishin provokim, kjo nuk diskutohet. Por pse me quanin radikal? Sepse unë ju thashë që në momnentin e parë, që Ramiz Alia nuk është opsion, Ramiz Alia është armiku ynë, ai është rregjimi dhe jo njeriu që do sjellë demokracinë. Dhe unë thashë, se ne duhet të bëjmë luftë më Ramiz Alinë dhe kur thashë luftë, kisha parasysh luftën frontale të opozitës me regjimin. Kjo pastaj u transformua në këtë akuzë, që quhej radikal.
Tjetra që më bëri mua të konsiderohesha kështu nga ata, ishte se unë kërkoja që të liroheshin të burgosurit për politikë. Pasi unë mendoja, se nuk mund të konceptohet, që një njeri sjell demokracinë dhe mban në burg të burgosur politikë. Pra përfundimisht, unë mendoja se nuk mund të bashkëpunonim me këtë rregjim. Ideja ime ishte, që ata të dilnin jashtë ligjit, pra rregjimi, sepse nuk ishin të zgjedhur.
Unë isha radikal për ta, sepse unë mendoja dhe e shprehja, që komunistët nuk duhet të jenë në drejtimin e Partisë Demokratike. Partia Demokratike duhej të ishte e të rinjve, sepse në fund të fundit ishte dhe një përplasje gjeneratash, një gjeneratë e përzier shumë me komunizmin dhe këtu nuk është çështja për të bërë të fajshëm ose të pafajshëm dhe një gjeneratë tjetër, që edhe pse nuk e kishte jetuar pjesën më të egër të komunizmit, që ishte fundi i viteve `60 me revolucionin dhe goditjen kundër fesë dhe fillimi i viteve `70 me goditjen kundër shfaqjeve të huaja siç i quanin ata, kishte mundësinë të ishte më pak e trembur dhe më pak e infektuar.
Frikën e kishin më irracionale në krahasim me të tjerët, që e kishin frikën të lidhur me ç`ka kishin parë e jetuar në ato kohë të egra të komunizmit. Fakti është, që komunistët e morën në qafë PD-në.
*Shkëputur nga libri “Pardesytë e bardha” me autore Luljeta Progni
9 komente në “Unë dhe PD në dhjetor ’90”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zoti Rama, prandaj populli Tiranes te votoi disa here si Kryetar i Bashkise se Tiranes, prandaj Shqiperia te votoi dy here si Kryeminister i gjithe vendit, pasi beosn tek ti ka mbrojtesin me te madh te vlerave shqiptare. Vazhdo sic e ke nisur dhe do te te votojne edhe here te tjera, por kujdes mos te te hyje vetja ne qejf dhe behesh edhe ti si ata qe ishin para teje. Respekte per ate qe ke bere deri me sot.
Ec e mos e vrit mendjen.
Inteligjenca shqiptare u godit por mbijetoi. Suksese ne pune mik.
Po! Por ti fole kunder atij qe i kishte dale boja dhe ishim te gjithe te ndergjegjshem se kush ishte.Nuk degjuam ndonje gje interesante dhe demaskuese per rrezikun qe fshihej ne rradhet e PD.Kurre nuk u informuam,qe te dinim si te vendosnim.Shume me vone doli dicka,ne forme replikash parlamentare,si kofini pas te vjeli.Megjithate,kurre nuk eshte vone per te vene gjerat ne vend.Por kush?
Njerëzit e mençur u larguan shpejt nga PD ja. Të pazotët,oportunistët dhe ish komunistët shpresuan të përfitonin nga servilizmi ndaj berishës. Por ai i mbajti sa ju deshën, Pasi solli bandat nga mali i hoqi të gjithë me kanosje të çfarëdolloji.U shfarofshi të gjithë vemjet dhe parazitët e mallkuar.
Doni me per Belulin. Nuk e kupton sa qesharak behesh ore Edi Rama kur keto te “verteta historike ” I thua sot mbas 27 vjetesh.
Jo o edi, se i ka thene shume me perpara, dhe jane shume te verteta, i kane pohuar edhe ata qe ai permend.
Edi Rama ,eshte gjenerator i Demokracise shqiptare !
Gjithashtu edhe te gjithe socialistet qe aderojne ne PS .
Te gjithe te ashtuquajturit ( pd- iste, jane llumi i shoqerise shqiptare dhe si te tille ,jane bere nga veglat me te mbrekullueshme te armiqve tane!
PD ja e vendit tone ,eshte pra,Partia Socialiste !
UN E KAM TAKUAR PERSONALISHT EDIN ME SA KUJTOJ ISHTE 94 OSE 95 ISHIM TRE VETE TE SELIA E PARTISE SOCIALISTE PERBALLE SHTEPISE ME GJETHE MERESHIM ME VALUTEN. E NDALUAM DHE E PYETEM SE SI NDODHI QE TE GODITEN ATA TE PD ME LEVE NE KOKE. NA TREGOI NGJARJEN DHE QEPJET E KOKES QE E KISHIN BERE. I THASHE KETO PER TE KUPTUAR SE SA FRIKE E KISHIN RADIKALIZMIN E TIJ ME ARTIKUJT DHE SHKRIMET QE BENTE DHE FJALET QE THOSHTE KUNDER TYRE TE VETQUAJTUR DEMOKRATE. POR KOHET NDRYSHUAN DHE CDO GJE ECI NE FAVORIN E TIJ DHE DUKE ARDHUR NE KRYE PER MERITA QE ASNJERI DERI ME SOT NUK MUNDI TI BEJE. PRANDAJ RRUGA E TIJ ESHTE E HAPUR DREJT BASHK EUROP PER MERITE DHE SAJE ZGJUARSISE SE TIJ DUKE MBLEDHUR RETTH TIJ MASA TE SHUMTA POPULLORE INTELEKTUALE TE RINJ DHE FSHATARE QE SHOHIN TEK AI DHE PARTIA S. SHQIPERINE DREJT RINGRITIES DHE MIRQENIES. VASHDO RRUGEN E NISUR DHE MOS U KTHE MBRAPA.
Po mire, o “kokeminister”, po kur nuk i doje “komunistet”, si kalove ne PS qe lindi nga PPSH, mbushur plot me “komuniste”? Apo keta ishin “komuniste” ndryshe? Cfare “ideali” te shtyu qe te nderroje parti? Po pse nuk e le fare politiken kur te gjitha partite ishin mbushur me “komuniste”? Kur ishe kaq kunder “komunizmit”, pse nuk kalove ne ndonje parti te Ballit, te Legalitetit apo ndonje tjeter? Jam i bindur qe asnjehere nuk do te na shpjegosh kete “kalim” tendin ne PS.