Ish-futbollisti i njohur britanik: A keni qenë në Shqipëri? Është më keq se Cannock

Ai është një nga futbollistët më të famshëm britanik jo vetëm për talentin e tij, por dhe për problemet e shumta me alkoolin.

Bëhet fjalë për Paul Gascoigne, që në një bashkëbisedim para 300 studentëve, ka thënë se ka hequr dorë nga alkooli.

Gjatë fjalës së tij, ai ka kujtuar disa detaje nga karriera e tij, mes të cilave edhe një vizitë në Shqipëri, e cila i ka bërë përshtypje.

“Kur shkova në Kupën e Botës, isha nën moshën 21 vjeç dhe isha në Shqipëri.

Ky është një vend i çuditshëm.

A keni qenë në Shqipëri? Është më keq se Cannock”, tha ai.

Cannock është një qytet i vogël në Britani, me një popullatë 29,018 banorësh.

Periudha për të cilën flet Gascoigne ka qenë e errët për Shqipërinë dhe natyrisht, nëse do e vizitonte sërish vendin tonë në ditët e sotme, ndoshta do të ndryshonte mendje.(TemA)

REMOTE_ADDR:[]
                 Loading...