Këshilli i Europës mohon planin për platformë dizbarkimi refugjatësh në Shqipëri

Pyetur nga BIRN, një zyrtar i Këshillit të Europës iu përgjigj me ‘jo’ pyetjes nëse ka apo jo një plan për bazë dizbarkimi refugjatësh në Shqipëri dhe mohoi gjithashtu që një plan i tillë të jetë kusht për hapjen e negociatave për anëtarësim.

Nga Gjergj Erebara

Zyrtari i Këshillit të Europës tha se koncepti i “qendrave rajonale të dizbarkimit”, për të cilat flitet në draftkonkluzionet e takimit të Këshillit më 28 qershor, nuk lidhet me Shqipërinë dhe se është ende një koncept në zhvillim.

“Jo. Rajonet nuk janë identifikuar ende sepse ne po flasim vetëm për mundësinë e eksplorimit të këtij koncepti,” tha zyrtari përmes një emaili, i pyetur nëse ky koncept lidhet në ndonjë farë mënyre me Shqipërinë.

Pyetjes nëse Platforma e Dizbarkimit lidhet me ndonjë farë mënyre me vendimin e pritshëm të Këshillit për hapjen ose jo të bisedimeve për anëtarësim me Shqipërinë dhe Maqedoninë, vendim që pritet të merret gjithashtu më 28 qershor, zyrtari iu përgjigj gjithashtu prerazi “Jo”.

Partia Demokratike në opozitë ka akuzuar qeverinë prej disa ditësh se ka pranuar të ndërtojë kampe refugjatësh në Shqipëri në shkëmbim të hapjes së bisedimeve për anëtarësim. Qeveria e ka mohuar në disa raste duke thënë se nuk ka marrë një kërkesë të tillë dhe as nuk gjendet në bisedime.

Politikanë të ndryshëm në Austri dhe Gjermani kanë folur për mundësinë e izolimit të refugjatëve në një vend jashtë BE-së, duke krijuar aludime se Shqipëria është një vend target për këtë plan.

Këshilli i Europës do të mblidhet më 28 qershor për të diskutuar disa çështje, ku çështja e parë pritet të jetë problemi i migrimit.

Në draftkonkluzionet e këshillit, të cilat janë përgatitur nga Presidenti Tusk dhe pritet të diskutohen nga krerët e vendeve anëtare, këshilli mbështet konceptin e “platformave rajonale të disbarkimit”, një frazë që, sipas disa mediave europiane, e vë Shqipërinë në listën e vendeve kandidate për ndërtimin e një platforme të tillë, krahas disa vendeve të Afrikës së Veriut. Por zyrtari i Këshillit thotë se kjo ide është ende në fazë eksplorimi dhe nuk lidhet me Shqipërinë.

Autostrada Tiranë-Durrës, qarkullim normal nga nesër ora 14:00

20:20 Sociale

Andi Bushati, intervistë me Romana Vlhautin: Pse nuk flisni për oligarkët e mediave? Ambasadorja: Kërkesa e TV-ve private për fonde nga shteti, e pazakontë

19:49 Sociale

Europa diskuton për “qendra disbarkimi”, ndërsa Shqipëria mbërthehet nga ksenofobia

19:07 Sociale

Veliaj: Çmimi për sheshin “Skënderbej”, shpërblim i një pune të madhe që nisi në 2008

13:24 Sociale

Pas Robert Ndrenikës edhe Alfred Trebicka është pro ndërtimit të një teatri të ri

12:10 Sociale

Rama nxjerr videon e projektit të ri për Shkodrën: Ja si do transformohet zona e liqenit

08:27 Sociale

Artan Fuga, pas sherrit të deputetëve të PD me Veliajn: Këto akte vagabondazhi dhe këta ordinerë si sheh as në pijetore

20:48 Sociale

Sheshi “Skënderbej” merr çmimin Evropian për Hapësirën Publike Urbane 2018 në Barcelonë

19:43 Sociale

Inxhinierja Dëshira Mena: Godina e teatrit është tërësisht e degraduar, nuk ofron asnjë garanci

19:17 Sociale

Njohja e patentave me disa vende të BE, Bushati “vë në rresht” Ambasadat për t’iu përgjigjur qytetarëve në Facebook

18:45 Sociale