INTERVISTA/ “Shqipërisë t'i bashkohet çdo copë e ndarë”, flet shqiptarja që "theu" barrierat në politikën belge

Nga Fernada Cenko

Të jesh model pozitiv e aq më tepër i suksesshëm në politikë apo në jetën publike, është sfidë aspak e lehtë, sidomos për një grua. Por suksesin në politikën jasht në këtë rast në atë belge ne do ta quajmë Nermin Kumanova.

38-vjeçarja me origjinë nga Kumanova, lindur ne Belgjikë, e ka filluar rrugëtimin e saj në politikë që në moshën 15 vjeçare. E shikojmë si një grua që ka thyer barrierat dhe iu ka dhënë gravekurajën për të ndjekur ëndrrat, pasi Kumanova ishte kandidatja më e re e zgjedhur, e para me prejardhje të huaj dhe e para shqiptare që ka hyrë në këshillin bashkiak të qytetit të Namurit në Belgjikë.

Ajo na rrëfen edhe ëndrrën e saj më të madhe, “Shqipërisë ti bashkohet çdo copë e ndarë”.

Kumanova ka komentuar edhe zhvillimet politike-sociale në Shqipëri dhe Kosovë, duke e ndalur theksin tek çështjen e shumëpërfolur kohët e fundit me Serbinë, atë të kufijve si edhe rastet e rënda të përdhunimit që tronditën vendin.

Duke u ndalur tek kjo e fundit, Nermin tregon edhe lëvizjen që gratë në qytetin e saj do të bëjnë në 8 mars për të rikujtuar të drejtat e tyre dhe kjo gjë sipas saj duhet bërë edhe në Tiranë, Prishtinë, e Shkup!

Nermin Kumanova përshëndetje! Mbiemri juaj Kumanova, jeni nga Maqedonia?

Po, prindërit e mi janë me origjinë nga Kumanova, më saktësisht babai është me origjinë nga fshati Kujnare dhe nëna nga fshati Hotëll, fshatra në Kumanovë. Me sa kam mësuar, familja ime ishte shpërngulur nga Shqipëria / krahina e Kukësit para shumë vitesh në Maqedoni.

Cila është mosha juaj?

Unë jam 38 vjeçare.

Kur jeni shkëputur nga Maqedonia?

Gjyshi im ishte shpërngulur nga Maqedonia në Turqi në vitin 1955 duke i lënë të gjitha që kishim në Kumanovë dhe ishte vendosur në Manisa të Turqisë, nga Turqia babai im ka emigruar në Belgjikë në fillim të viteve 70-të, unë dhe dy vëllezërit e mi kemi lindur në Belgjikë.

Ktheheni për ta vizituar?

Po, jam kthyer dhe kthehem rregullisht, në Maqedoni, nëKumanovë, te familja ime e afërt. Shqipërinë kam vizituar disa herë për pushime verore. Në Kosovë shkoj ç’do vit ku edhe jam e martuar në Rahovec.

Nga sa veta përbehet familja juaj?

Familja ime përbëhet nga 5 anëtarë, Unë, burri, vajza e madhe ( 7 vjeçe) , çuni ( 5 vjeç) dhe vajza e vogël ( 2,5 vjeçe )

Si e nisët rrugën në politikë? Mund të na thoni të gjitha etapat e ecurisë?

Rrugëtimi im në politikë ka filluar shumë herët, që në moshën shumë të re kur isha 15 vjeçe, ku fillova të angazhohem si aktiviste. Si idealiste, gjithmonë mendova se është e rëndësishme të angazhohemi për të ndryshuar botën dhe për të përmirësuar kushtet tona të jetesës. Jam përfshirë në rininë e sindikatave, më pas në Amnesty International për mbrojtjen e të drejtave të njeriut. Unë kam qenë dhe jam aktiviste për mbrojtjen e të drejtave dhe për të drejtat e barabarta të të gjithëve, ndërmjet burrit dhe gruas, të varfërit dhe të pasurit pa dallim race apo gjinie. Në vitin 2000, kam filluar në politikë. Që nga viti 2006, unë jam këshilltar komunal në qytetin e Namurit. Në vitin 2006, unë isha kandidatja më e re e zgjedhur, e para me prejardhje të huaj dhe e para shqiptare që kam hyrë në këshillin bashkiak të qytetit.

E keni pas të lehtë që keni qenë femër?

Jo, nuk e kam pasur të lehtë , duke filluar edhe nga familja ime por edhe nga shoqëria, sepse nde nuk ishte e lehtë për një femër dhe sidomos për një vajzë të re ( imigrante ) te futet në politikë ose ne bazë të sindikatave të luftoj padrejtësitë shoqërore, porjam mundur që me forcën time personale ti thyej disa barrikada që kam pasur para meje. Nuk duhet të harrohet se në fillim të viteve 2000 personaliteti i femrës shqiptare nuk ishte shumë i pastër dhe për këtë edhe kam formuar ne vitin 2004 me disa shoqe të mia Shoqatën e femrave SHOTA ( Shqote Galica) .

Sa të vështirë e keni pasur rrugën e suksesit si emigrante në Belgjikë?

Unë kam lindur ne Belgjikë, por prapë emri im me dashje apo pa tregon origjinën time gjë që edhe nuk është e lehtë. Unë jam e lindur në Belgjikë dhe Belgjika është edhe vendi im i lindjes, ku jam lindur, rritur dhe shkolluar, por nuk e harroj origjinën time se nga kam prejardhjen. Mendoj se në atë vend ku jetojmë dhe sidomos kur lindim aty, duhet ta konsiderojmë si vendin tonë. Të angazhohemi në studime për marrjen e një diplome sa më të lartë e cila është çelësi i çdo pengese. Rruga e suksesit është të jeshqytetar aktive dhe të marrim vendin që e dëshirojmë.

Sot keni një pozicion të lakmueshme nga femrat. Sa ju përmbush kjo detyrë për të bërë me të mirën që doni për komunitetin tuaj?

Unë jam asambliste Bashkiake në qytetin ku jetoj që nga viti 2006, në tetorin e vitit 2018 kam fituar zgjedhjet dhe jam rizgjedhur asambliste bashkiake ku do të kem mandatin e Asamblistës Bashkiake deri ne vitin 2024. Jam munduar ç’do herë të bëj sa më shumë dhe në të mirë të përgjigjem në ç’do kërkese individuale ose kolektive për të realizuar kërkesat e tyre.Në bashkëpunim me shoqata shqiptare kemi bërë organizime të ndryshme si përshembull për festën e Flamurit…

A e njihni politikën shqiptare (marrë të gjitha trevat)?,

Po në pëgjithësi e njoh, mendoj se duhet të ketë një bashkëpunim më të mirë në mesë udhëheqësve shqiptarë , dhe të kenë një përgjegjësi më të madhe dhe më serioze për të ardhmen e trojeve shqiptare. Ëndrra ime është që nesër Shqipërisë t’i ribashkohet ç’do copë e ndarë, BASHKIMI BËNË FUQINË.

A ju ka dhënë kjo punë mundësinë për të qenë e pasur ekonomikisht?

Jo, aspak, nuk e kam bërë kurrë dhe kurrë nuk e bëj një gjë të tillë, nuk bënë pjesë në filozofin time që të pasurohem dhe të bëjë përfitime personale, edukata ime të cilën e kam nuk më lënë që të tradhtoj ata të cilët më kanë besuar gjatë zgjedhjeve dukë më besuar votën.

Flitet për ndryshimet e kufijve në vendin tonë. Keni dëgjuar? Keni një mendim?

Po ka dëgjuar për këtë, sikurse e thash edhe më lartë, udhëheqësit shqiptar duhet te jenë tepër vigjilent në marrjen e këtyre vendimeve. Mendoj se toka shqiptare, shteti shqiptar, është copëtuar mjaft nga e kaluara dhe një histori e tillë nuk duhet as të mendohet që mund te ndodhë, tokat shqiptare ende janë të okupuara me padrejtësi nga shtetet e tjera. Trojet shqiptare nuk i kanë borxhe askujt.

Femër politikane çdo të thotë të jesh?

Ne jemi larg idealit të barabartë midis burrit dhe gruas në këtë temë. Ka ende shumë paragjykime dhe “nocioni i pushtetit” është tepër i lidhur me mashkullin. Ky njeri që dominon gruan. Tani, gruaja gjithashtu sjell njohuritë e saja, pamjet e saja, ndjeshmërinë e saj për të cilat shpesh një mashkull nuk mendon.Kur jeni një grua dhe një nënë, roli bëhet më kompleks për shkak të rolit dhe angazhimit tonë ndaj fëmijëve dhe detyrave të shtëpisë që janë detyrë ndaj nesh. Por, gjithçka është një çështje e organizimit, e planifikimit, e prioriteteve dhe mbështetja e burrit është e nevojshme ! Përndryshe, nuk është e lehtë. Gjetja e një ekuilibri është e nevojshme për të arritur më tutje.

Një fenomen social po i kushtohet shumë vëmendje sot në Shqipëri e Kosovë, rastet e përdhunimit me minorenë edhe abuzim seksual. Si femër grua kush janë recetat për këtë shoqëri apo edhe për shtetin. Si duhet ti minimizojmë?

Ka përcjellë këtë në media shqiptare, mendoj se kjo është një plagë që nuk shërohet kurrë nga shëndeti mendor i personave që kane përjetuar këtë tragjedi por edhe për shoqërinë shqiptare. Nuk është pjesë e edukatës dhe e moralit shqiptar. Mendoj se për fat të keq personat të cilët kanë përjetuar këtë , duhet te denoncojnë raste të tilla dhe organet përgjegjëse të merren me ndëshkimin e personave të cilët bëjnë vepra të tilla kriminale mbi të mitur. Shteti duhet të punësoj më shumë femra në vend vendimmarrëse si në Polici , Gjykatë, ku raste të tilla të mund te denoncohen në mënyrë më të lehtë, hapjen e shoqatave për mbrojtjen e rasteve të tilla. Organet përgjegjëse duhet të godasin me fuqinë më të madhe ne raste të tilla gjë që do të mundësoj të kemi një shoqëri më të pastër. Po sikur Ne të gjitha të shkonim në grevë më 8 mars 2019? Ne në Belgjikë kemi vendosur të ftojmë të gjitha gratë që të mobilizohen për të rikujtuar të drejtat e tyre. Më 8 mars 2018, gjashtë milionë gra spanjolle kanë hyrë në një grevë të përgjithshme me rastin e Ditës Ndërkombëtare të të Drejtave të Grave. Një mobilizim kombëtar shumë i rëndësishëm për të denoncuar dhe luftuar abuzimet, amvise, nëpunëse civile, studente, arkitekte, gazetare, politikane . Të gjitha në rrugë. Më 8 mars në Belgjikë do të jemi edhe NE në rrugë! Pa ne, shoqëria nuk do të ekzistonte dhe pse jo e njëjta të mos bëhet në Tiranë, Prishtinë, Shkup! (TemA Javore)

FOTOT: Pemë të thyera dhe pllaka të shkulura nga Bulevardi, Veliaj: Mos vandalizo, s'ka më kthim pas tek huri e druri

18:10 Sociale

VIDEO: Protestuesi i lutet Zotit para Kryeministrisë për largimin e Ramës

15:45 Sociale

Garda dhe Policia zbrapsin protestuesit nga hyrja e Kryeministrisë me gaz lotësjellës: Disa protestues asfiksohen

11:54 Sociale

FOTOT/ Të rinjtë e PD i japin karafila të kuq policëve: Hiqni kapelën dhe bashkohuni me ne

11:33 Sociale

Djali i Sali Lushajt mesazh shqiptarëve nga burgu: Mblidhuni sot e të jeni më shumë se kurrë, mos u dorëzoni

10:32 Sociale

Prishet autobusi i Laprakës, bllokohet për disa minuta qarkullimi në Kamëz

09:37 Sociale

FOTOT/ Edhe Shqipëria komuniste ishte e gjelbër: Një përgjigje për socialisten amerikane, Alexandria Ocasio-Cortez

19:31 Sociale

FOTOT: Përurohet "Moli i Dashurisë" në Parkun e Madh të Liqenit

16:11 Sociale

FOTOT/ Vajza shqiptare, që përfaqëson Suedinë në OKB

10:31 Sociale

Shqiptarët me normën më të lartë të martesave në Europë: Rekordin e mbajnë lezhjanët të ndjekur nga Berati dhe Dibra. Ja qyteti ku ka më pak martesa

10:06 Sociale