Te fundit
Kosovë-Shqipëri, tarifat e “Roaming”-ut ulen nga data 15 qershor
13 Maj 2019, 18:51Sociale
TEMA
Zvogëlimi i tarifave të “Roaming”-ut në telekomunikim mes Kosovës dhe Shqipërisë do të fillojë të aplikohet më 15 qershor të këtij viti, siç njoftoi Autoriteti Rregullativ i Komunikimeve Elektronike dhe Postare i Kosovës (ARKEP).
“Kosova dhe Shqipëria kanë rënë dakord që procesi i reduktimit të tarifave të fillojë nga data 15 qershor 2019, fillimisht nëpërmjet aplikimit të modelit RLAH+, reduktim i cili do të sjellë efekte pozitive të menjëhershme te qytetarët e të dyja vendeve, pasi do të ketë zvogëlim rreth 90 për qind nga kostoja aktuale e përdorimit të telefonisë në roaming”, thuhet në njoftim.
Sipas ARKEP-it, heqja e plotë e tarifave “Roaming” për qytetarët e dyja vendeve do të bëhet nga 1 korriku i vitit 2021. Heqjen e tarifave të telekomunikimit për vendet e Ballkanit Perëndimor e ka kërkuar Bashkimi Europian, si formë lehtësimi për komunikimet ndërmjet qytetarëve.
Tarifa e “Roaming”-ut nënkupton telekomunikimin dhe shërbimin që qytetarët përdorin në një shtet tjetër, nga një qendër e operatorit të telefonisë mobile. Këto tarifa janë kryesisht dyfish më të larta sesa ato që përdoren për telekomunikim brenda një shteti.
1 komente në “Kosovë-Shqipëri, tarifat e “Roaming”-ut ulen nga data 15 qershor”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
BE me 28 shtete te ndryshme u be kohe qe ika hequr, ne me kosoven, 2 shtete me kombesi te njejte shqiptare “ulim” tarifen.
Kulmi, e vini dhe lajm sikur eshte arritje