SKANDALI: TV Klan nuk mbyll sinjalin në analog, edhe pse mori 100 mijë euro për reklamë. TV kryesore në vend, letër proteste AMA-s

TV Klan vazhdon të sfidojë hapur shtetin, duke mos e mbyllur sinjalin në analog, siç kanë bërë edhe televizionet e tjera, për të kaluar në platformën digjital.

Kjo bëhet për shkak se TV Klan tashmë nuk është më pjesë e Digitalb, dhe kalimi në platformën digjital, do të thotë që ajo humbet akoma më shumë shikues, pas përzënies nga Digitalb.

Për këtë arsye, televizionet kryesore në vend kanë reaguar me një letër ankesë ndaj AMA-s, duke kërkuar marrjen e masave, pasi në këtë rast, TV Klan është duke u favorizuar hapur nga ana e shtetit.

Është ironike në fakt, pasi në janar të këtij viti, televizioni Klan, në kuadër të fushatës së informimit të publikut mbi transmetimet digjitale, mori një reklamë me vlerë 100 mijë euro nga AMA (Autoriteti i Mediave Audiovizive).

Spoti publicitar kishte si qëllim të informonte shqiptarët mbi mënyrën dhe afatet sesi do të realizohet procesi i digjitalizimit, pra kalimi nga transmetimet analoge në ato digjitale, një proces detyrues për Shqipërinë, që lidhet ngushtësisht edhe me integrimin në BE.

Ky proces, pasi disa shtyrjesh u finalizua më në fund  më 1 tetor edhe për Tiranën dhe Durrësin, por në mënyrë paradoksale, vetë TV Klan që mori nga taksat e shqiptarëve plot 100 mijë euro, refuzon në shkelje flagrante të ligjit zbatimin e vendimit të AMA për të fikur sinjalin analog.

Refuzimi i TV Klan për të mos fikur sinjalin analog dënohet me gjobë deri në pezullim licence. Në baze të ligjit nr. 97/2013 i ndryshuar, nenet 18, neni 19 pika 3, neni 140, neni 132, neni 133 pika 3/a, parashikohet gjobë nga 1 000 000 deri në 3 000 000 për rastet kur operatorët kryejnë transmetime televizive në një frekuencë tjetër të pautorizuar.

Pavarësisht se Klan vazhdon me transmetimet pirate në një frekuencë të paautorizuar për të katërtën ditë, AMA nuk ka vepruar ende, duke injoruar ligjin shqiptar që e detyron të marrë masa.

Refuzimi i Klan vjen pasi ky operator televiziv me daljen nga Digitalb ka humbur të paktën 250 mijë shikues dhe me fikjen e sinjalit analog, kjo shifër katërfishohet.

Me futjen në erën e transmetimeve digjitale, shumica e territorit shqiptar i tha lamtumirë transmetimeve analoge, duke përqafuar kështu transmetimet digjitale.

Ko do të thotë më shumë kanale në televizionet e shqiptarëve, por mbi të gjitha një cilësi shumë më të lartë e figurës dhe zërit.

Por TV Klan, i cili e ka hallin tek financat e tij dhe humbja e teleshikuesve, refuzon të zbatojë ligjin dhe të drejtën e shqiptarëve për më shumë cilësi në ekranet e tyre.(TemA)

Ndotja mjedisore apo ushqimet, kush është shkaku i adoleshencës së parakohshme

09:15 Sociale

Rama mbledh të pasurit e Shqipërisë: Të krijojmë fondin për të ndihmuar të varfrit

19:27 Sociale

Çuçi hedh rasatët e parë të koranit në Liqenin e Ohrit: Sasia më e madhe e prodhuar ndonjëherë në Shqipëri, vitin tjetër ndërtojmë molet për peshkatarët

12:28 Sociale

Julian Deda: Duan të na heqin bukën e gojës, ose do bëhemi bashkëpunëtorë, ose do luftojmë si revolucionarë kundër Ramës

10:45 Sociale

Surprizat e motit: Reshje të dendura dhe stuhi, ja prashikimi për sot

10:15 Sociale

"Lotaria Amerikane", Ambasada e SHBA: Udhëzimet dhe këshilla e parë

10:06 Sociale

Ministria e Bujqësisë sqaron mënyrën se si dhe ku do të kryhen analizat e produkteve ushqimore

20:00 Sociale

SHENIM: Pse TV Klan refuzon të fikë sinjalin e antenave analoge

17:56 Sociale

Veliaj: Mirënjohje CSU-së për vendimin për çeljen e negociatave

17:01 Sociale

Kurorëzimi i një cikli të suksesshëm: Studentët e Universitetit Metropolitan tashmë inxhinierë, arkitektë dhe ekonomistë në tregun e punës

18:30 Sociale