Te fundit
Edhe shembja e Piramidës me procedurë
30 Korrik 2011, 17:52Politika
TEMA
Nga Lavdosh Ferruni
Shumë cinike tingëlluan fjalët “Bashkia është e hapur për të dëgjuar zërin e çdo qytetari” të dala nga goja e z. Basha, në përgjigje të pyetjes së gazetarit të Zërit të Amerikës nëse do ta mbante premtimin dhënë në fushatë për mos prishjen e Piramidës teksa i kujtoi dhe peticionin e nenshkruar nga mijra qytetare për të. Pas frazës “..e hapur për të dëgjuar zërin e çdo qytetari” erdhi prononcimi i tij për të mos dëgjuar zërat e mijra qytetarëve, pasi ka një procedurë ligjore (në fakt antiligjore) dhe një shtet ligjor që kërkokërka të mos dëgjohen zërat e qytetarëve. Në një shtet normal ligjor për një vendimmarrje të drejtë të një sipërmarrje të përmasave të tilla siç është rasti i shkatërrimit të Piramidës, tashmë simbol i arkitekturës moderne shqiptare, Kryebashkiaku duhet minimalisht të kërkonte referendum të komunitetit që ai drejton, për të patur një vendimmarrje pro apo kundër prishjes së saj. Por këtë nuk e beson as autori i këtyre rreshtave. Basha nuk ka asnjë lidhje me të tillë soj liderësh që i drejtohen popullit për zgjidhjen e problemeve. Ai është thjesht një specie politike tërësisht simbiotike me trungun Berishist, që jo vetëm se nuk dëgjon por tallet me popullin.
Tjetër. Si ka mundësi që Basha është kaq i qetë qëkur të gjithë deputetët e Partisë së tij votuan kundra mendimit të tij të shprehur edhe publikisht që nuk është e nevojshme të shembet Piramida? Nëse vërtetë ai ishte kundër prishjes a nuk ishte ai në gjendje të bindte një a dy prej të gjithëve nga të tijët që të mos e votonin ligjin? Si ka mundësi, pastaj, që Basha mori më shumë se të gjithë vota në drejtimin e Partisë edhe pse ai ishte shprehur kundra prishjes së Piramidës, pra kundra të gjithëve atyre që e votuan të cilët ishin dhe janë pro prishjes së Piramidës. Nga kjo analizë e thjeshtë del fare qartë se mos nevojshmëria e Bashës për prishjen e Piramidës ishte thjesht njëra nga gënjeshtrat e tij në fushatë elektorale, të cilën disa edhe e kanë besuar.
Me këtë gjakftohtësi që Basha pret prishjen e Piramidës ai çel edhe serinë e gënjeshtrave të tij ekologjike. Ai tha në fushatë se do shtonte sipërfaqet e gjelbra dhe u lajthit kundra betonizimit të Tiranës. Bashkë me shtimin e shumëfishtë të volumit të betonit me projektin gërdallë të Parlamentit të ri ai fshin automatikisht nga harta më shumë se 10,000 m2 gjelbërim përqark Piramidës, duke shuar gëzimin e mijëra qytetarëve që e frekuentojnë këtë park mbrëmjeve të verës së nxehtë të Tiranës, sidomos fëmijëve, duke e zëvendësuar atë me beton, me zinxhira e me fytyrat e ngrira të gardistëve me automatik në krah.
Gjithashtu po me procedurë Basha gjakftohtë (apo pa gjak fare) në ditët e para të tij si kryebashkiak bën sehir teksa fadromat po përtypin edhe 10,000 m2 koncentrat të gjelbër brenda Kopshtit Botanik, vlerë unikale në Botë. Edhe këtu pati zë të fortë qytetar dhe jo partiak, se bimët e maleve të Shqipërisë nuk janë as socialiste e as demokrate, pati dhe zë shkencor të fortë, jo vetëm në mbrojtje të Kopshtit, por dhe të qindra apo mijëra banorëve që banojnë aty tani dhe Basha gjithnjë i “hapur” për ti dëgjuar nuk dëgjoi gjë gjithashtu. Basha është modeluar të mos dëgjoj zërat e qytetarëve, ekspertiza e tij është proceduralizmi dhe servilizmi.
18 komente në “Edhe shembja e Piramidës me procedurë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Basha t’a befshin me brocedure , qe mos te te veje mendja kurre .
Mos harro merr fryme , se mendon Saliu me VKM .
Jam i mendimit qe ta therrasim me emrin “Luli procedura”
mire tju behet se vete e votuan nje kriminel qe vrau ne mese te dites 4 qytetare te pa fajshem edhe sote eshte xhelati i tiranes bashke me malokun e ndyre sali berisha keta duhen te denohen ne hage per kriminele e hajdute
Prit se ky eshte vetem fillimi. Do mesoni shume shpjet cdo me thene zhvillim urbanistik alla-Sali. Do shofim gallate
Rexhep Qosja (Foto: Express)
Qosja: Lulzim Basha është vrasës
Nga Express më 19 prill 2011 në ora 15:42
Një kandidaturë dhe tri deklarata më kanë lënë pa gojë, por pas disa ditësh, kur një mik i çmuar dhe i dashur nga Tirana më tha të mos çuditem se në këtë kohë të gjitha, ama bash të gjitha, janë të mundshme, unë e mora veten dhe e bëra këtë shkrim me të cilin edhe më shumë do ta rris numrin e pretorianëve të sundimtarit të përtashëm, të cilët do të hudhin shumë shigjeta në kokën time.
Dhe, për titull të shkrimit e vura, pak të ndryshuar, pikërisht togfjalëshin ngushëllues të mikut nga Tirana: a është e mundshme? A është e mundshme të bëhet një kandidaturë e tillë dhe a është e mundshme të jepen deklarata të tilla?
Në vend se në hetime – kandidat për kryetar të kryeqytetit
Anëtari i Partisë Demokratike të Shqipërisë, Lulzim Basha, është njëri prej anëtarëve të rrallë të kësaj partie, ndoshta i vetmi anëtar i kësaj partie, i cili brenda pak vjetësh i ka ndërruar tri poste ministrore, kurse tani është kandidat edhe për postin e katërt pak më të rëndësishëm sesa postet ministrore që kishte. Herën e parë ishte ministër i Punëve Publike, Transportit dhe Telekomunikacionit; herën e dytë ishte ministër i Punëve të Jashtme të Republikës së Shqipërisë; mandej, herën e tretë, u bë ministër i Brendshëm; kurse tash, herën e katërt, është kandidat për kryetar të Bashkisë së kryeqytetit të Shqipërisë – Tiranës.
Në vendet e zhvilluara, sikundër janë Shtetet e Bashkuara të Amerikës, shtetet e Bashkimit Evropian – Gjermania, Franca, Britania e Madhe, Spanja, Holanda, Suedia, Norvegjia, Danimarka, këto piruete nëpër poste të ndryshme ministrore prej të njëjtit person sidomos për një kohë ashtu të shkurtër, do të ishin të pamundshme. Në këto vende, me tradita shtetërore dhe demokratike, asnjë vetje politike nuk shpallet i aftë për punë ministrore në të gjithë sektorët shtetërorë. Jo. Atje shkollimi, profesioni, dhuntia politike organizuese dhe, para të gjithave, integriteti moral politik, e përcaktojnë kandidatin për post politik shtetëror. Atje nuk mund të ketë anëtar partie “të aftë” për të gjithë sektorët ministrorë, sepse atje as vetë individët nuk pranojnë të bëhen ashtu lehtë të përdorshëm për çdo gjë, as vetë partitë e tyre nuk i përdorim ata ashtu lehtë për çdo gjë! Kjo mund të ndodhë, siç po ndodhë, sot për sot, vetëm në Ballkan, ndoshta vetëm tek ne, ku përdorimi dhe poltronizmi janë taktika dhe etika e përparimit politik.
Edhe më e pakuptueshme sesa gatishmëria e Lulzim Bashës që brenda një kohe fare të shkurtër, brenda disa vjetësh, të pajtohet që të bëhet ministër “i aftë”, i pazëvendësueshëm, në tre sektorë të ndryshëm shtetërorë, duke u bërë ashtu nuse për Stasin e Partisë Demokratike, është pajtimi i tij dhe i udhëheqjes Demokratike që ai tani të jetë i propozuar kandidat për kryetar të bashkisë së Tiranës!
Pse mund të thuhet kështu?
Në protestat e Partisë Socialiste dhe të qytetarëve të tjerë pas 21 janarit 2011 kemi parë më shumë se tri pankarta në të cilat shkruante Lulzim Basha – vrasës! Në mediat elektronike kemi dëgjuar dhe në disa gazeta të Tiranës jo njëherë kemi lexuar se si ministri i Brendshëm, Lulzim Basha, akuzohej si fajtori kryesor për vrasjen e katër protestuesve në protestën e 21 janarit, të cilët, siç është dëshmuar tashmë, janë vrarë prej gardistëve jashtë perimetrit të ndërtesës së Qeverisë, në të cilën gjendej soditësi kryesor i protestës, kryeministri Sali Berisha!
T’i lëmë mënjanë për një çast ato që për ministrin e Brendshëm, Lulzim Basha, shkruante në ato pankarta dhe ato që për të dëgjoheshin dhe shkruheshin në mediat elektronike dhe në disa gazeta të Tiranës, t’i lëmë anash ato dhe të gjykojmë vetë.
Është e vërtetë se gjatë protestave të 21 janarit Lulzim Basha ishte ministër i Brendshëm i Republikës së Shqipërisë.
Është e vërtetë se ditën kur u vranë katër protestues jashtë perimetrit të ndërtesës së Qeverisë, Lulzim Basha ishte ministër i Brendshëm i Republikës së Shqipërisë.
Është e vërtetë se vrasja e atyre katër protestuesve jashtë perimetrit të ndërtesës së Qeverisë nuk ka mundur të ndodhë pa dijen e ministrit të Brendshëm i Republikës së Shqipërisë, Lulzim Basha e, meqenëse ministri të Brendshëm i Republikës së Shqipërisë, është treguar partiak shumë i bindshëm, shumë i dëgjueshëm, shumë i përkushtuar ndaj kryeministrit të Republikës së Shqipërisë, atëherë mund të thuhet se vrasja e katër protestuesve nuk ka mundur të ndodhë pa qenë i vënë në dijeni edhe kryeministri se do të shtihej me armë ndaj protestuesve.
Këto të dhëna, që janë të vetmet të vërteta për mendjen objektive politike, deshëm s’deshëm ne, deshi s’deshi udhëheqja e Partisë Demokratike të Shqipërisë, deshi s’deshi kryeministri i Shqipërisë, Sali Berisha, deshi s’deshi ministri i Brendshëm i Republikës së Shqipërisë, Lulzim Basha, e bëjnë ministrin e Brendshëm të Republikës së Shqipërisë, Lulzim Bashën, kandidat për hetim nga Prokuroria e Përgjithshme e Republikës së Shqipërisë në lidhje me vrasjen e katër protestuesve më 21 janar 2011.
Në vendet demokratike, në vendet në të cilat, si tha kryetari i Francës, Nikola Sarkozi, protestuesit nuk vriten prej policisë dhe gardistëve, domethënë prej shtetit, as kur bëjnë protestë të dhunshme, ministrit të Brendshëm, Lulzim Basha, tashmë do të duhej t’i ishte marrë imuniteti i deputetit dhe do të duhej të ishte në dispozicion të Prokurorisë së Përgjithshme për hetime për shkak të vrasjes së katër protestuesve në protestën e 21 janarit. Mund të hamendjesohet se në një vend vërtet demokratik, në të cilin institucionet e pavarura janë vërtet të pavarura, hetimet ndaj ministrit të Brendshëm, Lulzim Bashës, tashmë do të duhej të ishin kryer dhe ministri i Brendshëm, Lulzim Basha, tashmë do të duhej të ishte duke vuajtur fajin politik, juridik dhe moral për vrasjen e katër protestuesve në protestën e 21 janarit.
Por, shikuar nga ana morale dhe humane, ministri i Brendshëm i Republikës së Shqipërisë, Lulzim Basha, është fajtor jo vetëm për vrasjen e katër protestuesve dhe keqtrajtimin e shumë protestuesve të marrë në hetime a të burgosur, por edhe për vetëvrasjen e para disa ditëve të birit njëzetedyvjear të njërit nga protestuesit e vrarë.
Nuk ka dyshim se të gjitha këto të dhëna janë të mjafta, madje, më tepër se të mjafta, që në një vend demokratik evropian të mos i shkojë kujt mendja që një zyrtar të tillë ta propozojë për kryetar të bashkisë së kryeqytetit apo të cilitdo qytet tjetër të vendit. Në çdo vend demokratik evropian dhe joevropian, propozimi i një ish zyrtari të tillë për kryetar bashkie të kryeqytetit a të cilitdo qytet tjetër do të shikohej si provokim që u bëhet qytetarëve. Është fyerje për ndërgjegjen e tyre, për integritetin e tyre politik dhe moral, është fyerje për qytetarinë e tyre, që t’u nxirret përpara, për ta votuar a mosvotuar, zyrtari karriera politike dhe shtetërore e të cilit, ndërgjegjja njerëzore e të cilit, është e rënduar, shumë e rënduar, prej vrasjes jashtë perimetrit të ndërtesës së Qeverisë të katër protestuesve, prej keqtrajtimit dhe burgosjes së shumë protestuesve dhe, më në fund, prej vetëvrasjes së birit të njërit nga protestuesit.
Si qytetar i Tiranës, natyrisht, me nënshtetësi të Republikës së Shqipërisë unë, vetë, e përjetoj si fyerje të ndërgjegjes dhe të integritetit tim politik dhe moral kandidimin e ministrit të Rendit Publik, Lulzim Bashës,për kryetar të Bashkisë së Tiranës.
Çka të them më tej? Të them: në jetën tonë politike e shoqërore, në totalitarizmin tonë partitokratik, ende të gjitha janë të mundshme, prandaj, ja, është i mundshëm edhe një kandidim i tillë!
Por, edhe diçka tjetër do të jetë e mundshme: kur një ditë Shqipëria të bëhet shtet vërtet demokratik dhe shtet i së drejtës, në të cilin do të funksionojnë të gjitha institucionet, prandaj edhe Gjyqësori, do të jetë e mundshme, madje, e domosdoshme, që Lulzim Basha të gjykohet për krimin – vrasjen e 4 protestuesve më 21 janar 2011.
Tri deklarata të gabuara
Së shpejti bëhet një muaj prej se zëvendëskryeministri dhe ministri i Jashtëm i Shqipërisë, Edmond Haxhinasto, ishte në Kosovë për vizitë zyrtare shtetërore. Gjatë kësaj vizite dyditore, përpos të tjerash, ai dha edhe tri deklarata, që nuk mund të harrohen. Në mediat e Prishtinës vetëm njëra prej tyre – ajo për mosndryshim të kufijve, u përimtua kujdesshëm në disa gazeta, kurse dy të tjerat po thuaj u heshtën.
Deklarata e parë: ministri i Jashtëm i Shqipërisë, Edmond Haxhinasto, tha, te varri i ish kryetarit të Lidhjes Demokratike të Kosovës, Ibrahim Rugova, se arrestimet e nëntë pjesëtarëve të Ushtrisë Çlirimtare të Kosovës, me vendimin e EULEX-it, u bënë në bazë të ligjeve të Kosovës dhe të ligjeve të Bashkimit Evropian! Nuk e di, nuk kam lexuar dhe nuk kam dëgjuar, se Bashkimi Evropian ka ligj të veçantë për arrestimin e pjesëtarëve të Ushtrisë Çlirimtare të Kosovës, por e di se Republika e Kosovës nuk ka ligj të tillë. Republika e Kosovës, si me Kushtetutën e saj, ashtu edhe me ligje përkatëse, ka bërë të mundshme që të nxirren në gjyq dhe të dënohen të gjithë ata që bëjnë krime dhe, ashtu, shkelin Kushtetutën dhe ligjet e Republikës së Kosovës. Por, si edhe shqiptarët e tjerë në Kosovë, ashtu edhe hartuesit e Kushtetutës dhe të ligjeve të Kosovës e dinë se Ushtria Çlirimtare e Kosovës ka bërë luftë çlirimtare, domethënë luftë të drejtë, prandaj pjesëtarët e saj nuk kanë bërë krime.
Duke mbrojtur familjen e vet, prindërit e vet, vëllezërit e motrat e veta, gruan dhe fëmijët e vet, duke mbrojtur shtëpinë e vet, duke mbrojtur Kosovën prej terrorit shtetëror të Serbisë, prej policisë, ushtrisë dhe paramilitarëve të Serbisë, ata vetëm sa i janë përmbajtur Kartës së Kombeve të Bashkuara, në të cilin flitet për të drejtën natyrore të popujve për vetëmbrojtje. Po të mos kishte bërë këso lufte, të drejtë, vetëmbrojtëse Ushtria Çlirimtare e Kosovës, Shtetet e Bashkuara të Amerikës nuk do ta njihnin Ushtrinë Çlirimtare të Kosovës dhe nuk do të organizonin as Konferencën e Rambujesë në të cilën delegacioni i Kosovës ishte i udhëhequr prej përfaqësuesit politik të UÇK-së, Hashim Thaçi, as nuk do të bënin fushatën e bombardimeve ndaj objekteve ushtarake, policore të Serbisë dhe, në përgjithësi, të Jugosllavisë së mbetur.
Po, pavarësisht prej sa u tha, Zëvendëskryeministri dhe ministri i Jashtëm i Shqipërisë, Edmond Haxhinasto, nuk do të duhej ta bënte deklaratën e sipërtheksuar edhe për një arsye tjetër, të cilën asnjë diplomat shqiptar a i huaj, si diplomat, nuk do të duhej ta pohonte. Para se të ishte nisur për vizitë në Kosovë ai do të duhej të ishte bërë me dije, prej bashkëpunëtorëve të vet në Tiranë, se në Kosovë i madh e i vogël, jozyrtar e zyrtar, shoqëri e parti, Kuvend e Qeveri janë kundër këtyre burgosjeve dhe në deklarata të veçanta apo në kumtesa institucionale i dënojnë ato, duke i quajtur ashtu edhe si duhet të quhen ato: të palejueshme dhe të papranueshme për Kosovën dhe për popullin shqiptar, sepse barazojnë të pushtuarin, viktimën me pushtuesin, agresorin, dhe synojnë të njollosin luftën çlirimtare të Ushtrisë Çlirimtare të Kosovës.
Si shqiptar që është, Zëvendëskryeministri dhe Ministri i Jashtëm i Shqipërisë do të duhej ta dinte se çdo përndjekje, çdo ndëshkim, çdo gjykim të pjesëtarëve të Ushtrisë Çlirimtare të Kosovës populli shqiptar e përjeton me indinjatë dhe pezëm. Si diplomat, ndërkaq, Edmond Haxhinasto, do të duhej të nderonte ndjenjat e këtilla të shqiptarëve të Kosovës e të numrit më të madh të shqiptarëve në përgjithësi dhe t’u shmangej deklaratave si kjo.
Për më tepër ai do të duhej ta dinte se populli shqiptar, jo vetëm në Kosovë, e përjeton me indinjatë dhe me pezëm të madh terrorizimin e dyfishtë dhe të dyhershëm që u bëhet sot dy luftëtarëve të Ushtrisë Çlirimtare të Kosovës, që janë ndër luftëtarët më të merituar për lirinë dhe pavarësinë e Kosovës: Ramush Haradinajt dhe Fatmir Limajt.
Deklarata e dytë: Zëvendëskryeministri dhe ministri i Punëve të Jashtme të Shqipërisë, Edmond Haxhinasto, tha, duke bërë nderime te varri i ish kryetarit të Lidhjes Demokratike të Kosovës, Ibrahim Rugova, se Kosova është bërë shtet dhe po ndërtohet shtet mbi idenë e Ibrahim Rugovës për pavarësinë e saj! Nuk ka dyshim se kjo është një deklaratë që mund të quhet e pazakonshme për dy arsye: e para, mund të quhet e pazakonshme për arsye se, si e tillë, si deklaratë historike, me synim shkencor, bëhet prej një politikani, në të vërtetë diplomati që nuk ka të drejtë të marrë rolin e shkruesit të historisë. Diplomatët e vendeve me tradita shtetërore, politike e diplomatike, kurrë nuk mund të dëgjohen duke bërë hierarki të tilla në historinë e popujve e të shteteve që vizitojnë.
Ata nuk i lejojnë vetes të bëhen historianë duke mos qenë historianë; ata nuk i lejojnë vetes të bëhen historianë duke mos qenë historianë me deklarata të tilla, që tingëllojnë aq propagandistike. Dhe, nuk ia lejojnë vetes këtë rol jo vetëm pse janë diplomatë, por edhe pse nuk e dinë të vërtetën. E dyta, deklarata e Ministrit Edmond Haxhinasto është e pazakonshme edhe për arsye se ajo që pohohet në të nuk është e vërtetë. Kryetari i Lidhjes Demokratike të Kosovës dhe kryetari i Kosovës kur Kosova ende nuk ishte bërë shtet nuk është njeriu mbi idenë e të cilit është fituar pavarësia e Kosovës dhe me idenë e të cilit po ndërtohet shteti i Kosovës. Jo. Jo. Kryetari i Lidhjes Demokratike të Kosovës, Ibrahim Rugova, në radhën e gjatë të atyre që kanë krijuar dhe kanë përhapur idenë e pavarësisë së Kosovës dhe në radhën e atyre që i kanë filluar përpjekjet politike për pavarësinë e Kosovës nuk është kurrkund, kurse në fund të këtyre përpjekjeve është njeriu i fundit. Kjo radhë e gjatë e luftëtarëve politikë për pavarësinë e Kosovës pas Luftës së Dytë Botërore fillon me Adem Demaçin, me organizatën ilegale të krijuar prej tij dhe vazhdon me të burgosur të tjerë politikë e me organizata të tjera ilegale deri në vitet nëntëdhjetë të shekullit të kaluar kur ideja e pavarësisë së Kosovës bëhet ide pothuaj e gjithë popullit shqiptar të Kosovës e kur fillon edhe krijimi i partive të para politike shqiptare.
Zëvendëskryeministri dhe ministri i jashtëm i Shqipërisë, Edmond Haxhinasto, do të duhej ta dinte se në programin e saj të parë politik, me të cilin është themeluar Lidhja Demokratike e Kosovës, nuk kërkohej pavarësi, por autonomi e Kosovës, madje një autonomi dukshëm më e ngushtë se ajo e vitit 1974 në kuadër të Serbisë e të Jugosllavisë. Më në fund, LDK-ja me kryetar Ibrahim Rugovën do të jetë parti politike shqiptare e regjistruar në Ministrinë e Drejtësisë së Jugosllavisë, me çka dëshmohet se ideja e pavarësisë së Kosovës dhe LDK-ja, se ideja e pavarësisë së Kosovës dhe Ibrahim Rugova atëherë, kur radha e ideologëve dhe luftëtarëve politikë dhe jo vetëm politikë për pavarësinë e Kosovës, ishte shumë e gjatë, ende përjashtoheshin mes vete!
Zëvendëskryeministri dhe Ministri i Jashtëm i Shqipërisë, Edmond Haxhinasto, si politikan dhe si diplomat do të duhej ta dinte: se te varri i ish kryetarit të Lidhjes Demokratike të Kosovës dhe të Kosovës kur ajo ende s’ishte bërë shtet, Ibrahim Rugova, atë nuk e çojnë meritat e vërteta të Ibrahim Rugovës për pavarësinë e Kosovës, por propagandat partiake që aq shumë janë duke e shtrembëruar, duke e falsifikuar, duke e zvetënuar dhe duke e vjedhur historinë më të re të popullit shqiptar në Kosovë dhe në Shqipëri; se nderime të shtira, si fryt i përkohshëm i këtyre propagandave dhe allishverisheve partiake para e paszgjedhore te varri i ish kryetarit të Lidhjes Demokratike të Kosovës, janë edhe nderimet që i bëjnë te varri atij edhe disa vetje që shumëkush s’ka besuar se do të shiheshin aty ndonjëherë!
Por, Zëvendëskryeministri dhe ministri i Punëve të Jashtme të Shqipërisë, Edmond Haxhinasto, do të duhej ta dinte gjithashtu se historia shqiptare, historia e Shqipërisë shtetërore dhe e Kosovës, një ditë, pashmangshëm, do të pastrohet prej gënjeshtrave, prej shtrembërimeve, prej zvetënimeve, prej ndotjeve të sotme partiake dhe politike. Për fat, kriteret partiake dhe politike kurrë dhe kurrkund nuk mund të bëhen kritere të përhershme të shkencës. Përpos në kokat e mediokriteteve të historisë!
Deklarata e tretë: zëvendëskryeministri dhe ministri i Jashtëm i Shqipërisë, Edmond Haxhinasto, tha, gjatë vizitës në Prishtinë, se ideja për bashkim midis shteteve apo ndryshimi i kufijve është e dëmshme për Ballkanin Perëndimor dhe idetë e tilla Tirana zyrtare nuk i mbështet! Edhe kjo është një deklaratë fatkeqe e Zëvendëskryeministrit dhe ministrit Edmond Haxhinasto.
Asnjë ndryshim i kufijve nuk mund të quhet i dëmshëm në qoftë se popujt që kanë kufij mes vete pajtohen me atë ndryshim. Për popullin shqiptar ndryshimi i kufijve midis Kosovës dhe Shqipërisë në asnjë pikëpamje nuk mund të quhet i dëmshëm as nuk do të duhej të quhej i papranueshëm nga Tirana zyrtare sepse është kufi midis dy shteteve shqiptare. Ideja për bashkim kombëtar të shqiptarëve, prandaj, jo vetëm se nuk mund të quhet e dëmshme – siç e quajti në Prishtinë Zëvendëskryeministri dhe ministri i Jashtëm, Edmond Haxhinasto, por do të ishte shumë e dobishme. Vetëm ajo do të përfaqësonte zgjidhje të përhershme të çështjes shqiptare dhe vetëm bashkimi i Kosovës dhe i Shqipërisë do ta bënte të mundshme shprehjen e plotë të të gjitha potencialeve natyrore dhe krijuese njerëzore të Kombit shqiptar.
Nuk ka dyshim se të tri deklaratat e trajtuara këtu të zëvendëskryeministrit dhe ministrit të Jashtëm të Shqipërisë, Edmond Haxhinasto, në Prishtinë, më 18 e 19 mars, pra, në prag të vizitës së kryetarit (të paligjshëm) të Kosovës në Shqipëri, Behgjet Pacolli, janë deklarata të paqëndrueshme, madje, të pavërteta, kundërhistorike, që nuk do të duhej të bëheshin. U bënë sepse zëvendëskryeministri dhe ministri i Jashtëm i Shqipërisë edhe ishte dërguar për t’i bërë ato në Prishtinë. Dhe, ishte dërguar prej kryeministrit të shumëfytyrshëm të Shqipërisë, i cili, edhe Kosovën e flijon për hir të mbajtjes sa më të gjatë në pushtet – në regjimin e tij autoritar!
(Shkrimi është botuar sot në Gazetën Shqiptare)
yyyyyyy ca palle,si sperto mer,stan hafijesh
po a nuk e keni pare foton metamorfoze te bashes qe ne disa sekonda shderohet ne berish.mos prisni kurre se ai do mbaje premtime,si mund te ndryshoje nje dege e nje peme te eger nga trungu,pjese e te cilit eshte.por problemi nuk eshte te basha e berisha,problemi eshte te populli,ky popull duron qe ta vjedhin,ta vrasin ,ta plackitin dhe kur demoston per te drejta,kryeministri i quan cakej.mire te te behet o popull.mos prite nga partite,se ato jane ne sinfoni me njera tjetren,po ngriu rrembe cte mundesh dhe jepu dermen ketyre derra-hajduterve.po ai milloshi,ai shkerdhato-komunisti,qe ngriti dikur vullnetaret e enverit,ku gjendet,pse si degjohet zeri,apo e ka gojen e zene me kocken qe i vuri saliu para zgjedhjeve.po ai dash shehi,qe i dhimset tirana,si tiranas,pse nuk flet,apo dhe ai kruan ate kocken e saliut.po intelektualet,artistet,urbanistet,arkitektet,pse nuk behen barikade bashk me popullin para objektit.shqiperine e mori vulgu,xhahili,haxhi qamili me kollare,qe na vet quhet kavalieri . kjo race qe qeverise shqiperine,nuk eshte mbjelle,nuk eshte pjelle por eshte vjelle nga natyra.
sa je lodhur bre burri i dheut , po su mesove me shqiptaret , harxhon frymen kot , q….. nenen te te thote baba , dhe keta pjella te SH ENVER HOXHA jane sali e kompani
Kryebashkiaku Basha ka thene qe duhet degjuar zeri I qytetarit jo qytetareve mos u merzisni ai ate po ben po degjon zerin e qytetarit Sali tiranesit vete e kane pranuar qytetar kete moster
Mjere ne,qenkemi popull me aliazh fekalesh ne vend te truve.Esi mund te mendohet qe eshte kundra babes Sali ,Lulzim Basha, e simund te mendohet qe te jete kunder prishjes se piramides,kua ai edhe per te vajtur ne banjo merr leje nga baba,si gjithe ushtaret apo mercenaret e tjere te PD-s.Sashpejt qe genjeheni more te uruar.
Po kush tha qe eshte bere kryetar Bashkije me vota?! Ai thjesht ka vazhduar proceduren e vjedhjeve faljeve te detit si dhe vrasjes se qytetareve kjo eshte veprimtaria e tij. Ai asnjehere seshte zgjedhur me vota keshtu qe mos thoni mire tju behet se vete e zgjodhet! Jo ate asnjehere se ka votuar populli ai eshte thjesht nje hajdut votash.
hallall lulo na e shem ate gerdalle ne mes te tirones kto ndertime alla ruse me blloqe si piramida e pallati kulturers jon ca shemtina qe si shof dot ne tirone. me duken si pallate parafabrikate me blloqe. kujtimet e enverit e te familjes se tij do ti cojme per lesh enveri do njifet vetem ne libra si nje diktator i cmendur dhe vrases i papare. Pastaj NUCI ne tironsit pranume si qytetare gjithe jugun ne kohen e enver hales tani po presim gjithe veriun u pa puna jone tashi
Bravo Dorand! T’i heqim kujtimet e Enverit, t’i shkaterrojme te gjitha sic shkaterrruam fabrika, uzina, ullishte, vreshta etj.! Por me e keqja eshte se tani ke ne krye te bashkise pikerisht kopilin e Enverit. Tani kenaqu me Bashe-kopilin e mund t’ia besh me dore o Dorand! ?
pse mer shoku ti i krahason kujtimet e enver hales me fabrikat e uzinat e ullishtet? me vjen keq po qeke pak komunist ti si thua a je pak apo jo?
ik ore injorant se le nam ti dorand eshe ne afganistan ste marrin me keto mendime qe ke
O Lolita mos e ngacmo Dorandin se e ka lene burgu me penallti
po perse ore te hiqet piramida…. une mendoj se i vetmi ”gabim” aty eshte se mungon pankarta ”KEND LOJRASH ” ….. cdo femi ka te drejten e tij te ndjehet te pakten nje here ne jete ”SUPERMEN” …. te hipe ne maje te piramides dhe atje lart te ndjeje ”ajrin” e te gjithpushtetshmit…. e duke shikuar poshte te kuptoje se atje lart s’ mund te jesh pergjithmone …… si thoni ? ? ka vlera edukative ? ? ? ? ? …… une mendoj se PO ….
shume e papare kjo e fundit e anais. vertet duhen pyetur dhe femijet, e mund ti thuhet “A do ti te prishte piramida e te ndertohet ne vend te saj nje gje tjeter?