Xibri: ACR të plotësojë urgjentisht kërkesat e minatorëve

Kreu i Sindikatës së minatorëve “Janar 1991”, Fiqiri Xibri, apelon për plotësimin e kushteve të minatorëve nga ACR. Më poshtë, letra e plotë e Xibrit.

Të indinjuar nga nga qëndrimet, veprimet dhe mosveprimet e padenja te strukturave përgjegjëse shtetërore ndaj grevës së minatorëve të Bulqizës, si edhe nga thika pas shpinës së minatorëve nga pseudosindikata e pseudosindikalistë, Sindikata e Minatorëve «Janar 1991» deklaron se :

Kërkesa e Minatorëve për rritje të pagës dhe përmirësim real të sigurisë në punë dhe kushteve të punës është tepër e drejtë dhe tepër minimale.

Greva e minatorëve është në përputhje të plotë me ligjin dhe ndërhyrja e Ministrisë Ekonomisë, Gjykatës dhe Zyrës Përmbarimit të Dibrës si edhe të Policisë së Shtetit janë akte të papreçedente të terrorizmit shtetëror dhe të kapjes së shtetit nga segmente të pushtetit të lidhura me mafian e kromit.

Mbështesim fuqimisht dhe vendosmërisht grevën e minatorëve të Bulqizës, u bëjmë thirrje atyre që të mos e ndërpresin grevën pa arritur marrëveshjen për plotësimin e kërkesave të tyre jetike.

I bëjmë thirrje të gjithë minatorëve, në punë apo në reformë, të mbështesin fuqimisht dhe me sakrificë minatorët e Bulqizës. Të njëjtën thirrje ua bëjmë gjithë qytëtarëve të Bulqizës, por edhe mbarë opinionit shqiptar.

I bëjmë thirrje minatorëve të Bulqizës, që të mos lejojnë provokimet brënda rradhëve të tyre, të mos bien pre e makinacioneve të kompanisë konçensionare e të disa drejtuesve sindikalë, që nuk kanë për qëllim të mbrojnë minatorët, por të bëjnë pazare me qeveritarët. Minatorët i njohin mirë këto pseudosindikata pazarexhinjsh.

Vëllezër minatorë të Bulqizës ! Qëndroni të bashkuar që nga drejtuesit e grevës e deri tek grevisti më i fundit. Bashkimi është forca juaj dhe do jetë fitorja juaj. Mos u tërhiqni pa realizuar rritjen e pagës, përmirësimin e kushteve të punës dhe të sigurisë në punë.

Kërkesat janë tuajat. Realizimi i kërkesave është interesi juaj direkt. Kurse çdo fitore apo humbje e juaja është edhe fitorja ose humbja jonë, e çdo minatori, e çdo bulqizaku, e çdo punonjësi e qytetari shqiptar, që nuk dëshiron të kapitullojë para arbitraritetit dhe dhunës së pushtetit.

Ne ju mbështesim me gjithë fuqinë tonë. Nëse përsëri nuk do ketë marrëveshje dhe realizim të kërkesave, ju ftojmë edhe një herë tjetër, që të koordinojmë së bashku, ju edhe ne, të organizojmë e të përshkallëzojmë protestën deri në maksimum, në rast nevoje duke sakrifikuar edhe jetën në mbrojtje të të drejtave tona.

Sot nuk është koha për të pritur nga pushtetarët. Sot është koha për të luftuar dhe fituar. Për të luftuar me çdo lloj mjeti dhe çdo lloj sakrifice. Makutëria për pushtet dhe para nuk mundet kurrë të jenë më të forta sesa e drejta jonë për të jetuar si njerëz në Shqipërinë tonë të përbashkët, nga pasuria jonë e përbashkët që Zoti i dha shqiptarëve dhe djersa e sakrificat tona të përbashkëta i mundësuan si në diktaturë, ashtu edhe deri sot.

I kërkojmë qeverisë të heqë dorë nga çdo lloj forme e dhunës ndaj minatorëve heroikë I kërkojmë ACR-së ngritjen e pagës dhe përmirësimin e kushteve të punës mbi bazën e kërkesave të grevistëve.

I sugjerojmë si grevistëve, ashtu edhe ACR-së që të mos humbasin kohë dhe nerva të çmuara me efekte dytësore, por të konkludojnë urgjentisht në bisedime serioze mbi thelbin e kërkesave më imediate të shtruara për zgjidhje.

FOTO LAJM- Ilir Meta, me shapka plazhi në konferencë shtypi

19:11 Politika

Sërish vrasje në Tiranë

18:17 Politika

Berisha përshëndet rrëzimin e rregjimit në Libi

17:18 Politika

Unaza e Madhe, përleshje mes policisë dhe banorëve për prishjen e banesave

17:02 Politika

Turqia, e vendosur për “pastrimin” e historisë

15:14 Politika

PS: Berisha nuk heq dot dorë nga vjedhjet e zgjedhjeve

14:05 Politika

Ilir Meta: Kërcënimet ndaj meje, histori vere

13:25 Politika

33 deputetë të PS-së, ankimim në Gjykatën Kushtetuese për Piramidën

13:08 Politika

Ende asnjë marrëveshje mes ACR-së dhe minatorëve

12:51 Politika

Prag skandali në komunitetin bektashi

12:21 Politika