Flamuri teston ikjen e Oketës

Flamuri shkoi dje më herët në zyrë. Deklarata e Oketës se do të ikte nga PD dhe do krijonte parti të re, e kishte hutuar. Ai burri as i kishte bërë telefon dhe as i kishte dhënë ndonjë mesazh se çfarë tu thoshte njerëzve. Shkoi në zyrë. U soll pak vërdallë dhe nuk dinte kujt t’i telefononte në fillim. Donte të testonte dikë se çfarë efekti kishte pasur deklarata. Por fati e ndihmoi. Ra telefoni. Ishte Kadilli.

-Alo Flamur, si u gdhive, Kadilli jam. Të mora se sot është e shtunë dhe ndoshta nuk ka njeri tek PD-ja. Po të duhem për ndonjë deklaratë, gati jam se këtu afër PD-së jam.

-Patjetër, i tha Flamuri. Ja do flas pak me atë Burrin dhe të them unë pastaj. Eja tek zyra ime se e dërgon këtu tekstin ai.

-OK, këtu rrotull më ke, i tha Kadilli.

U lehtësua disi.

-Epo shyqyr që ka njerëz që janë inatosur, tha.

Ra përsëri zilja, ishte Monda.

-Uuua Flamur çfarë ishte ajo mo, uau ua auua çfarë turpi. E pe çfarë tha për Doktorin ai mo, ua ua çfarë turpi.

-E pashë Monda, e pashë, ça të bësh, sa vetë ia kanë ngulur thikën pas shpine atij Burrit, por kanë dështuar.

-Ua ua çfarë turpi. Po keni ndonjë deklaratë, më thoni se vij e lexoj unë se pushim e kam sot. Ja do bëj pak drekën dhe e lirë jam. Ua ua çfarë turpi, si s’i vjen zor…

-Mirë Monda se të marr unë, i tha Flamuri.

-Ja u bënë dy, tha me vete. Kjo tregon se qenkan zemëruar njerëzit.

Filloi të mendonte kush mund të ishte tjetër gati. Për një moment iu kujtua Enno i Kuqos.

-Po ky pse s’po merr, tha. Ja ta testoj njëherë. Dhe e mori në telefon.

-Alo Enno, si tu duk ky Gaz Oketa tek Ora News, e pe apo jo?

-E pashë zoti Flamur, i tha Enno. Unë mendoj që ai ishte kundër PD-së. Biles në disa raste ai shau dhe Doktorin.

-Atë e di unë, tha Flamuri, po ç’mendon ti, na prish punë apo jo?

-Unë mendoj se kur ikën një deputet nga partia, partia ka një deputet më pak, tha Enno.

-Ore, atë e di unë, po si mendon në përgjithësi, ka bërë dëm në parti apo jo?

-Unë mendoj se kur kritikohet PD, dëmtohet, dhe kur lavdërohet, ndihmohet. Unë e lavdëroj gjithnjë zoti Flamur.

-A ti je bole, tha Flamuri me vete. Nejse, desha të të pyes në përgjithësi çfarë mendojnë njerëzit, e pyeti Flamuri.

-Njerëzit mendojnë se ai do iki të bëjë parti të re, i tha Enno.

Flamurit po i ikte truri me gomarllëqet e Ennos.

-Mirë, mirë, u sqaruam, tha. Do bësh ndonjë intervistë ti apo jo për këtë punë?

-Patjetër, i tha Enno. Po qe se më pyesin, unë do them të vërtetën. Unë nuk toleroj në këto raste. Unë do ta them copë që Gazmend Oketa kërkon të dëmtojë PD-në. Kjo duhet thënë. Nuk mund ta fshehim këtë.

-OK, në rregull, i tha Flamuri. Eh, ku ta gjesh Mondën, tha me vete. Ky është krejt gomar. Pastaj filloi të sjellë në mendje kush tjetër nga PD-ja mund të fliste. Ju kujtua M.M. Ai llafos gjithnjë në ekrane. I bëri dhe atij një telefon.

-Hë, si tu duk ky Oketa dje, i tha…

-Si gjithmonë, i tha M.M., këtë parti s’e mora vesh kurrë. Tjetër kush punon, tjetër kush shkon në qeveri. Ne që punojmë na përdorni vetëm për punë, të tjerët vetëm për të bërë pallë. Ja vjen tjetri, merr poste dhe ikën, ne ngelemi rrugëve.

-Të drejtë ke, i tha Flamuri. Do ta korrigjojmë. Qenka mërzitur dhe ky, tha me vete, dhe në fund ju kujtua Mesila. Ta testoj dhe këtë njëherë, tha.

-Alo, si tu duk Oketa dje, i tha Mesilës.

-Oketa… skandal. Po mirë të na e bëjnë. Se kur vjen puna për tu përleshur me burra më nxjerrin mua, kurse për të bërë si gra të turpshme keni Oketën dhe të tjerë. Dhe kam dyshim që nuk po tradhton ai, po të gjithë. Dhe këta të Klanit po afrohen me Ramën. Ja, Sandri e zëvendësoi Kelin me Ezelin, ndërsa mua s’më ftojnë më në debate. Po ikin të gjithë. Ke për ta parë. Sandri ka bërë pazare me Ramën. Ka folur një orë në telefon, e uronte për vajzën. S’e ke idenë ç’po ndodh… dhe vazhdonte me fakte pa fund.

Flamuri i mbylli telefonin se iu prish gjaku.

-Dhe këtë tradhtinë e Klanit kishim mangët, tha me vete.

Flamuri përgatit propozimin për President

21:26 Antena

Enno, intervistë me Sonilën për interpelancën e HEC-eve

00:11 Antena

Flamuri, i çuditur nga emri Enno

23:09 Antena

Flamuri, prova gjithë paraditen për tekstin e Mondës

23:05 Antena

Incident në ceremoninë e Doktorit me Çilin në Muzeun Kombëtar

22:14 Antena

Doktori merr më qafë Prefektin e Korçës

22:12 Antena

Kunati i Lulit bëhet lëmsh me rrugën ‘Ibrahim Rugova’ në Tiranë

23:12 Antena

Flamuri sqaron Ed Ha Lim për idenë e Doktorit për gjuhën kineze

23:50 Antena

Shoqata e tregtarëve kinezë tek Medreseja, letër kryeministrit Berisha

19:44 Antena

Doktori duke ndjekur lajmet për dëborën në ABC

22:57 Antena