Te fundit
Topi: Pavarësia e gjyqësorit, një nga kushtet për të marrë statusin
14 Maj 2012, 09:43Politika
TEMA
Kreu i shtetit dhe njëkohësisht edhe kreu i KLD-së, Bamir Topi, e ka vënë theksin në pavarësinë e gjyqësorit. Duke folur në konferencën e kryetarëve të Gjykatave të Larta të Evropës Qwndrore dhe Lindore, presidenti Topi ka theksuar se pavarësia e gjyqësorit është shtylla bazë ku mbështet konsolidimi i shtetit të së drejtës.
“Gjykata është garant i funksionimit të shtetit. Gjykata nuk është e askujt, por e të gjithëve. Gjyqtari i pavarur ka mundësi të mbrojë dhe të japë drejtësi, por është e nevojshme që ky koncept të mbrohet nga vetë gjyqtarët. Nëse ata vetë nuk janë të ndërgjegjshëm për forcën e madhe që jep pavarësia, atëherë as Kushtetuta dhe as ligji nuk bëjnë dot gjë”, theksoi Topi.
Ai ka theksuar më tej se arritja e standardeve më të mira në dhënien e drejtësisë kërkon përpjekje nga të gjithë, ndërsa vlerësoi rolin e Gjykatës së Lartë në funksionimin e sistemit gjyqësor. “Kontrolli i brendshëm në gjyqësor është i rëndësishëm. Është vetëm Gjykata më e Lartë që mund të vlerësojë drejtësinë e vënë. Roli i Gjykatës së Lartë është i pazëvendësueshëm dhe ndikon në përmirësimin e sistemit të drejtësisë në përgjithësi”, shtoi Topi.
Presidenti Topi gjithashtu ka theksuar se një drejtësi e pavarur dhe funksionale është edhe një nga kushtet që i janë vendosur Shqipërisë për marrjen e statusit të kandidatit.
“Shqipëria është një vend që ka kaluar një tranzicion të vështirë, por është një vend, i cili gjatë këtyre viteve ka pasur një arritje, siç është integrimi në NATO dhe është një vend ku të gjithë faktorët politikë dëshirojnë në këtë 100-vjetor të pavarësisë të kenë mundësi të marrin statusin e vendit kandidat dhe një nga kriteret themelore për këtë është arritja sa më shpejt e standardeve që kanë të bëjnë me drejtësinë”, ka theksuar Topi.
5 komente në “Topi: Pavarësia e gjyqësorit, një nga kushtet për të marrë statusin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po mire mor top mor burr pa tope keto “te pavarurit” ne gjyqesor a je ti qe i zgjedh? a ishe ti qe zgjodhe sashenken e tomen & co. ik ore palaco president se vetem per vete je jo per ne.
Ky eshte kushti kryesor dhe i domosdoshem!
http://imazheshqip.blogspot.com/2012/04/nuk-kane-fund-kinezerite-e.html
O mister Topi ai ne te djatht dhe ai ne ta majt po e bejn shqiperin kakerdhi. i qeroni ato plera dhe mereni situaten ne dor se ju mori lumi.
O lumzi,por ckerkon nga gjykatat pavaresi ,kur ti si kryetar ja varur kembe e koke nga qeveria.Kusuret e tua i paguan i mjeri shqiptar.
Eh o Bamir mos u lodh kot me fjale boshe dhe te medhaja se nuk ke takat,bej qef edhe ca kohe dhe pastaj shko shit noj tok nga pronat qe ke e shko bej pushime…