Çfarë bën një suedez me 9 pistoleta? Turizëm në Shqipëri (se mos është militant i PS?!)

Ndërkohë në Tiranë arrestohet një jurist që u shiste kokainë e heroinë studentëve të Filologjikut. Ende nuk dihet përkatësia e tij partiake

Policia e Shkodrës bëri me dije se ka arrestuar një shtetas suedez pasi në makinën e tij janë gjetur nëntë pistoleta pa leje. Policia thotë se e ka arrestuar shtetasin suedez, emri i të cilit nuk është bërë ende i ditur, pas një kontrolli rutinë në pikën kufitare të Muriqanit.

Policia thotë se po heton edhe për persona të tjerë të përfshirë në këtë trafik armësh.

Ndërkohë krimi vazhdon të mbajë për fyti Shqipërinë. Brenda pak orësh mbrëmë u shuan dy jetë të rinjsh nga armët e zjarrit. Ngjarjet e rënda ndodhën në Lezhë dhe në Vlorë. Një 17 vjeçar u vra në Lezhë, kurse një 27 vjeçar u ekzekutua me 18 plumba në Vlorë, në lokalin e tij.

Kurse në Tiranë një 24 vjeçar me profesion jurist është ndaluar nga policia pasi dyshohet se u shpërndante kokainë dhe heroinë studentëve të fakultetit të Historisë dhe Filologjisë.

Seksioni Kundër Narkotikëve kishte dy muaj që ishte vënë në ndjekje të Krisald Sotiraq Kundraxhiut, si person i dyshuar për shpërndarje dhe tregtim të lëndës narkotike kokainë dhe heroinë, por vetëm sot është bërë i mundur arrestimi i tij në flagrancë.

Ai është ndaluar në ambientet e lokalit të tij me baste sportive, që ishte pas Fakultetit të Gjuhëve të Huaja Tiranë. Në momentin e ndalimit i janë gjetur dhe sekuestruar 60 gramë kokainë dhe 65 gramë heroinë.

Nga ana e saj Ministria e Brendshme vijon të bëjë propagandë politike, duke sulmuar opozitën për çdo gjë. Shpresojmë që Berisha e Flamuri të mos thonë se suedezi ishte militant i PS.

Islami ‘ndërron mendje’: As e bashkuar, as e përçarë, e majta nuk vjen në pushtet

13:24 Politika

Kuponi tatimor, një dështim spektakolar

12:08 Politika

Aleanca KuqeZi prezanton dosjen e Aldo Bumçit dhe ‘kërkon’ 8 vite burgim

12:02 Politika

Berisha flet pas një muaji për zjarret: Shumë prej tyre janë vendosur nga militantë të thekur të PS-së

12:01 Politika

Ruçi: Do bashkëpunojmë me këdo që kërkon rrëzimin e Berishës, edhe me LSI-në e Nanon

11:33 Politika

Momentet e Zonjës së Parë

10:18 Politika

Paloka: Kryeprokurori i ri, njeri i PD-së, jo nga LSI-ja. Duhet bërë pjesë e qeverisë

10:13 Politika

Prokuroria rrëzon padinë e Nexhmije Hoxhës për Blendi Fevziun

10:00 Politika

Ristanin do e zëvendësojë një ‘ristan’ tjetër...

09:55 Politika

Banka e Shqipërisë: 1 miliard lekë për të blerë pesë makina

09:46 Politika