INTERVISTA/ PS, gati dosjen për në prokurori ndaj Pollos

Deputeti Alfred Dalipi konfirmon padinë që pritet të ngrihet për projektin 20 milionë euro

Nga Fatjona Mejdini, SHQIP

Partia Socialiste do të dorëzojë së shpejti në prokurori dosjen e abuzimeve që ajo konstaton në të gjithë procesin që Ministria e Inovacionit po kryente në kuadër të realizimit të projektit të dixhitalizimit të transmetimeve televizive. Kjo konfirmohet për “Shqip” nga deputeti i Partisë Socialiste, anëtar i Komisionit Parlamentar të Mediave, Alfred Dalipi. Në një intervistë për “Shqip”, Dalipi thekson se tashmë po përgatitet dosja e dokumenteve që komprometojnë ministrin Pollo në këtë proces ku ministria që ai drejton ka marrë rolin e autoritetit kontraktor. Kjo dosje përbëhet nga disa dokumente që nisin nga urdhri për ngritjen e njësisë së prokurimit, tek urdhri për rregulloren e këtij tenderi, te ngritja e komisionit që do të vlerësojë ofertat, duke përfshirë dhe çështjen e procedurës së ndjekur për prokurimin deri te shkeljet flagrante të afateve në këtë procedurë.

Z. Dalipi, si e shikoni procesin e hapur nga Ministria për Inovacionin për tenderimin e një projekti për dixhitalizimin e sistemit të transmetimit?

Jam i sigurt se hetimi i praktikave që ka kryer media dhe janë denoncuar në Kuvendin e Shqipërisë mbi tenderin për ngritjen e dy rrjeteve numerike të operatorit publik është vetëm një thes parash për t’u përfituar. Kjo nis që nga hartimi i projektit, përzgjedhja e projektuesit, pa emër, por me nënshtetësi zelandeze, detyrimi i kompanive fituese për të paguar një projekt 150 mijë euro pa preventiv, konceptimi i një tenderi pa fond limit, ngatërrimi i formave të prokurimit, publikimi i datave të ndryshme për paraqitjen e ofertave në “Financial Times” dhe në buletin e Agjencisë në afatet e duhura qëllimisht dhe të gjitha deformimet e faktuara dje edhe në gazetën “Shqip”. Tashmë, faktet nuk kanë më dyshim, por zbulojnë të gjitha abuzimet që ky tender pritet t’i kurorëzojë në muajin e fushatës zgjedhore.

Si i shikoni qëndrimet e Ministrisë së Inovacionit në përgjigje të akuzave të bëra publike?

Në një përpjekje për të sqaruar, reaguar apo përgënjeshtruar shtypin e shkruar apo median elektronike, Ministria e Inovacionit në mënyra të ndryshme zyrtarisht ka dhënë detaje për të faktuar edhe më tej se dyshimet e hedhura në fillim mbi garën publike për ngritjen e dy rrjeteve numerike tokësore të operatorit publik janë një skemë e pastër abuzive, e paramenduar, joligjore, joprocedurale dhe në kundërshtim me rekomandimet e BE mbi pavarësinë dhe statusin e transmetuesit publik.

Cilat janë hapat që do të ndërmarrë opozita për të denoncuar shkeljet e evidentuara në këtë projekt?

Praktikat e tenderit që nga urdhri për ngritjen e njësisë së prokurimit, urdhri për rregulloren e këtij tenderi, si dhe urdhri për ngritjen e komisionit që do të vlerësojë ofertat përfshirë këtu procedurën me negocim dhe atë të hapur ndërkombëtar, që herë pas here Ministria e Inovacionit nuk e sqaron dhe nuk jep shpjegime për procedurën me negocim që do të ulë në tavolinë fituesin dhe kontraktuesin, janë fakte të mjaftueshme, pjesë e një dosjeje me dokumente që jemi të detyruar pas një reagimi kontradiktor, justifikues për hapat antiligjorë që ka marrë kjo ministri ta depozitojmë institucionalisht pranë organit kushtetues të Republikës së Shqipërisë, për ta hetuar. Do të thotë që gjithçka që kemi në dispozicion, që nga informacionet jo formale, te dokumentet e hartuara nga sekretariati teknik, te vendimi i firmosur nga Kryeministri për këtë tender, urdhrat e firmosura nga vetë zoti Pollo dhe të gjitha aktet e shkelura në këtë procedurë prokurimi t’i vëmë në dispozicion pranë organit të prokurorisë. Theksojnë se me gjithçka të konfirmuar deri dhe nga z. Pollo, ky është një tender pa fond limit dhe me detyrim progresiv për transmetuesin publik, pasi është konfirmuar se do të financohet nga kredia e butë. Të gjitha këto praktika dhe negociata paraprake të konfirmuara edhe nga RTVSH do të jenë pjesë e institucionalizimit të veprimeve kundrejt kësaj afere korruptive.

INTERVISTA/ Sekretari i koalicioneve në PS: Ja si do të ndahet pushteti me aleatët

11:41 Politika

Dade: Diplomacia shqiptare është kthyer një seksion i PD-së dhe Berishës

10:56 Politika

Fshesa e largimeve të mbështetësve të LSI-së nuk njeh limite

10:50 Politika

500 të dënuar shqiptarë për krime të rënda në Greqi drejt riatdhesimit

10:37 Politika

Gerti Bogdani: Si mund të shahet vendi yt jashtë shtetit?

10:27 Politika

FOTO LAJM/ Fshati shqiptar, ende si në mesjetë

10:18 Politika

Vrasja e ish-boksierit ishte e paralajmëruar. Vjehrri: "U vra nga njerëz mali për hiç gjë"

09:37 Politika

KERKESA/ Deputetët e PD: Rama dëmtoi imazhin e Shqipërisë, ja si ndodhi ngjarja

20:55 Politika

KRONIKA e Mulit/ Rrëmbehet një 18- vjeçare në Fier, merret peng një taksist në Durrës, vdes biznesmeni i qëlluar në Shkodër

18:37 Politika

Disa detaje të vizitës sime në Austri

17:35 Politika 2 komente