INTERVISTA/ Mesazhi i Metës për Berishën: Parlamentarizmi kërkon durim edhe vetëpërmbajtje

Kryetari i ri i Kuvendit të Shqipërisë, Ilir Meta, në intervistën e tij të parë që nga zgjedhja në detyrën e re, të dhënë për gazetarin Marin Mema të televizionit “Top Channel”, ka folur mbi zgjedhjen e tij në krye të Kuvendit dhe për mënyrën e drejtimit të këtij institucioni.

Z. Meta, çfarë do të ndryshojë në drejtimin e Kuvendit të Shqipërisë? Kemi pasur një drejtim të këtij institucioni nga znj. Topalli, e cila thoshte se do të ishte avokate e opozitës. Në fakt, çfarë do të ndryshoni ju në drejtim me 8-vjeçarin e mëparshëm dhe si do ta mbroni ju opozitën?

Së pari, unë dua të jap vlerësimin tim më të mirë për të gjithë paraardhësit e mi në detyrën e Kryetarit të Kuvendit. Dihet që vendi ynë në këto 23 vite të tranzicionit dhe të demokracisë është përpjekur të krijojë një traditë sa më demokratike parlamentare, e cila nuk ka qenë e lehtë, dhe natyrisht që bazuar në përpjekjet e tyre më të mira, unë do të shtoj kontributet e mia, në mënyrë që Kuvendi i Shqipërisë vërtet të kuvendojë me urtësi, me përgjegjshmëri për të ardhmen e vendit tonë dhe të qytetarëve tanë, sepse e ardhmja është e përbashkët, pavarësisht nga dallimet, nga diferencat apo edhe nga interesat e ndryshme të forcave politike që përfaqësohen në këtë Kuvend. Unë nuk do të përpiqem në detyrën kryetarit të Kuvendit as të jem avokati i opozitës dhe as avokati i mazhorancës, por të jem një avokat sa më i drejtë i rregullores, e cila për fat të mirë është miratuar me konsensus vetëm pak muaj më parë nga të gjitha forcat politike dhe do të përpiqem që me një frymë sa më konstruktive të bashkëpunoj ngushtë, pa paragjykime, me të gjithë përfaqësuesit e grupeve parlamentare, në mënyrë që ne të arrijmë përmes përfaqësimit tonë në Parlament të reflektojmë vërtet atë dinjitet dhe shpirt evropian që qytetarët tanë treguan më 23 qershor, duke marrë pjesë në një proces zgjedhor të standardeve vërtet evropiane.

A mendoni se kjo rregullore që ju përmendët ka nevojë për ndryshime apo është mirë ashtu sikurse është aktualisht?

Nuk mund ta them sot me siguri, sepse ndoshta eksperienca nën drejtimin e Kuvendit do të më ndihmojë edhe mua për të vënë re nëse ka nevojë për përmirësime apo jo. Por detyra e parë është kjo rregullore që është miratuar të respektohet në mënyrën më të drejtë, më rigoroze dhe më konstruktive. Natyrisht që nëse koha do të kërkojë përmirësime sigurisht që këto duhen bërë, natyrisht gjithmonë me konsensus dhe në bashkëpunim me të gjitha forcat parlamentare.

Që në votimin e parë arritët “të thyenit” opozitën, morët 91 vota. Si i shikoni këto vota që ju kanë ardhur nga opozita?

Për mua nuk ka qenë shumë e rëndësishme se sa vota do të merrja si Kryetar i Kuvendit. Kam pasur besim të plotë në zgjedhjen time në këtë post për shkak sepse mazhoranca, e cila më ka propozuar mua, ka qenë dhe mbetet e angazhuar për të funksionuar në mënyrë solide dhe afatgjatë. Sigurisht fakti që u arrit të merreshin më shumë vota se sa është numri aktual i mazhorancës, të “Aleancës për Shqipërinë Evropiane”, në Kuvendin e Shqipërisë, vetëm se më detyron akoma më shumë për një frymë sa më konstruktive dhe gjithëpërfshirëse në drejtimin e Kuvendit.

Si shikoni këtë opozitë agresive? Menjëherë është braktisur salla. Pra kemi një ndërlikim të situatës ende pa nisur mirë. Cili është komenti juaj?

Unë shpresoj që situata do të vijë drejt normalizimit. Mendoj se kemi të bëjmë me një qeveri të re, kemi të bëjmë edhe me një opozitë të re dhe do të duhet pak kohë për t’i akomoduar gjërat siç duhet. Unë dua të besoj seriozisht se opozita është e interesuar për të kontribuar në integrimin evropian të vendit dhe kjo duhet të na bashkojë të gjithëve në Kuvend dhe jashtë tij. Njëkohësisht dua të besoj se opozita e re do të qëndrojë larg frymës së bojkotit përmes pjesëmarrjes së saj. Natyrisht që parlamentarizmi kërkon edhe durim, kërkon edhe vetëpërmbajtje. Sigurisht që ne nuk mund t’i shkrijmë partitë apo qeverinë me opozitën sepse i shohin edhe çështjet nga dy këndvështrime të ndryshme. Duhet të kemi durim për të dëgjuar konsideratat politike të secilit edhe kur nuk na pëlqejnë. Në këtë mënyrë do ta çojmë përpara parlamentarizmin dhe do të uroja që të gjithë të përqendrohen në atë që duhet bërë dhe në atë që duhet bërë më mirë, në mënyrë që ne vërtetë të arrijmë një parlamentarizëm të standardeve më të zhvilluara evropiane siç e meritojnë qytetarët dhe votuesit tanë.

Bregu: Arvizu nuk e ka ndjesinë e qytetarëve shqiptarë për qeverinë e re

16:04 Politika

FOTO LAJM/ Majlinda Bregu me çantë 20 mijë euro në parlament

13:17 Politika 1 koment

Babai i Ilir Metës: Ben Blushi ia nxiu syrin me grusht kur ishin në shkollë të mesme

10:48 Politika

FJALIMI i Azem Hajdarit në vitin 1992: Unë di shumë, ndaj duhet të zhdukem

10:14 Politika

Gazeta RD kërcënon Edi Ramën: Do të të tërheqim zvarrë

09:50 Politika

DEBATI i djeshëm në Kuvend/ Hë Manushaqe, po i shkon nga mbrapa…

09:43 Politika

Ruli: Ministrat me kilometrazh zero, alergji për të vjetrit në PS

09:20 Politika

FOTO REPORTAZH/ Amerika kujton të rënët e 9/11

22:15 Politika

PROGRAMI i plotë i qeverisë/ Rama: Ne nuk kemi mandat për të harruar krimet e pagjykuara

21:49 Politika

Banda e Durrësit kërkon “pafajësi” në Gjykatën Lartë, relator Tom Ndreca

20:02 Politika