Reforma territoriale/ Rama: Perspektivë e re për shëndetësinë, transportin, arsimin, energjinë (VIDEO)

“Reforma territoriale është hapi i parë i rëndësishëm, themelor, për të ristrukturuar gjithë funksionimin e shtetit. Reforma territoriale do të na japë mundësi të re, perspektivë të re për shëndetësinë, për transportin, për arsimin, për pastrimin, për trajtimin e mbetjeve, për ujësjellësin, për energjinë. Është një reformë historike dhe jetike, për të ngritur shërbimin në një cilësi të re. Ju e shihni vetë që në këto kushte është e vështirë, sepse është i gjithë sistemi që duhet rindërtuar dhe duhet riorganizuar, flas për gjithë sistemin organizativ të shtetit,” u shpreh kryeministri Edi Rama.

Këtë deklaratë kryeministri e bëri gjatë takimeve që zhvilloi në qytetin e Berait me qytetarë dhe drejtues të institucioneve ku o njoh me problemet dhe cilësinë e shërbimeve ndaj qytetarëve.

Fillimisht Rama ka inspektuar punimet në bulevardin ‘Republika’ në qytetin e Beratit, ku ka deklaruar se do të transformohet rrënjësisht kjo pjesë historike e qytetit.

Teksa u takua me ndërtues e projektues, të cilët i përgëzoi për punën e deritanishme, kryeministri kërkoi përfundimin e punimeve dhe vazhdimin me pjesët e tjera, brenda këtij viti.

Rama tha se nëse realizohet ashtu siç duhet ideja bazë, – kjo pjesë qytetit mund të shndërrohet në një magnet të fuqishëm për të tërhequr  më shumë vizitorë  e turistë.

Kryeministri e cilësoi projektin “një dallëndyshe”, por jo të vetme, pasi ka edhe shumë projekte të tjera që po vihen në zbatim.

“Ne na duhet ta mbarojmë këtë pjesë dhe të vazhdojmë brenda këtij viti me pjesët e tjera në mënyre që gjithfarë përfshin ideja bazë të mund të realizohet, edhe lulishtja edhe dy anët e munguara që duhet të lidhin sheshin me lumin. Në mënyrë që të transformohet rrënjësisht kjo pjesë e qytetit dhe të shërbej si magnet i fortë për të tërhequr më shumë vizitorë edhe për të rritur patjetër edhe konsumin sidomos duke shtuar shumë mundësitë për biznesin e vogël. Jam i bindur që do të funksionoj dhe si “dallëndyshja e parë” ky projekt po sjell tani “dallëndyshe” të tjera sepse është vetëm fillimi që lajmëron pranverën,” u shpreh Rama.

Gjatë qëndrimit në Berat, Rama zhvilloi një vizitë të palajmëruar në Zyrën e Regjistrimit të Pasurive të Paluajtshme.

Ai u njoh nga drejtori i ZRPP-së të qytetit me situatën dhe problematikat e këtij institucioni, si dhe bisedoi drejtpërdrejt me qytetarë të ndryshëm, të pranishëm në mjediset e kësaj zyre, për cilësinë dhe kushtet e shërbimit që u ofrohet.

Qytetarët thanë se me drejtimin e ri të ZRPP-së është shënuar një fillim i mbarë, si dhe u shprehën të kënaqur me ecurinë e punës deri më tani.

Kryetari i Bashkisë së Beratit, Fadil Nasufi, shprehu shqetësimin se “qyteti i Beratit është zonë e paregjistruar”.

Për më tepër, drejtori i ZRPP-së e njohu kryeministrin se “katër zona janë në regjistrim fillestar, ndërsa pjesa tjetër është regjistruar”.

Por, sipas tij, problem është dixhitalizimi i regjistrit të pronave.

Kryeministri Rama shprehu shqetësim për problemet që janë trashëguar lidhur me situatën e dokumentacionit, duke nënvizuar se procesi i dixhitalizimit duhet ngritur nga e para, por kërkoi që ndërkohë qytetarëve duhet t’i ofrohet shërbim korrekt në çdo sportel.

“Probleme të mëdha janë trashëguar me situatën e dokumentacionit. Është një katrahurë në të gjitha nivelet. Edhe procesi i regjistrimit dixhital është zhvilluar në mënyrën më katastrofike. Duhet, praktikisht, t’i ngremë të gjitha nga e para”, theksoi Rama.

Në vijim ai shtoi se pavarësisht situatës me dixhitalizimin e regjistrit të pronës, shërbimi dinjitoz për qytetarët nuk duhet të mungojë në asnjë moment dhe në asnjë rrethanë.

“Asgjë nuk na justifikon në raport me njerëzit. Njerëzve duhet t’u japim shërbimin më korrekt të mundshëm në çdo sportel”, theksoi Rama.

Kryeministri Rama adresoi nga qyteti i Beratit, gjatë një vizite të palajmëruar në Drejtorinë e Shëndetit Publik të këtij qarku, dy nga problematikat akute të sistemit tonë shëndetësor: furnizimin e spitaleve me medikamente dhe vënien në funksionim të aparaturave spitalore.

Të dyja këto problematika shqetësuese, theksoi kryeministri, së shpejti do të marrin zgjidhje, ndërsa po punohet për reformimin e këtij sistemi.

“Kemi trashëguar një situatë katastrofike me ilaçet dhe me aparaturat, në të gjithë sistemin e Ministrisë së Shëndetësisë. Aparatura të blera që nuk kanë punuar një ditë, ose që nuk punojnë se kanë mangësi dhe as që nuk janë vënë në punë se janë me probleme, me tenderë skandalozë. Po ashtu me ilaçet. Por të dyja shumë shpejt do t’i vëmë në vijë. Furnizimin me ilaçe e kemi prioritet, po e sistemojmë. Plus që kemi edhe një ulje të çmimeve. Ndërkohë që për aparaturat, po ndërtojmë një skeme të re, të funksionimit dhe të mirëmbajtjes”, u shpreh Rama në një bisedë me stafin e këtij institucioni.

Mjekët sugjeruan që politikat shëndetësore nuk duhet të mbështeten në bazë rrethi, por edhe rajoni.

“Këtu ka një emërtesë ku thotë Drejtoria Rajonale e Shëndetësisë, por ‘de facto’ ka vetëm emrin, pasi asnjë funksion nuk ushtron”, u shpreh një mjek.

Kryeministri Rama theksoi se sistemi i shëndetësisë, sikundër i gjithë sistemi organizativ i shtetit, ka nevojë për një ristrukturim tërësor.

Në vijim, i shoqëruar nga ministri i Energjisë dhe Industrisë Damian Gjiknuri, Kryeministri Rama vizitoi zonën hidrokarbure Molisht-Shpirag, ku kompanitë Royall Dutch Shell dhe Petromanas Albania janë duke kryer operacionet e kërkimit për hidrokarbure.

Molisht-Shpirag përbëjnë bllokun e kërkimit 2-3 dhe në bazë të Marrëveshjes Hidrokarbure, ka përfunduar faza e parë e kërkimit. Gjatë kësaj faze ka përfunduar shpimi i pusit Shpiragu-2 dhe është në proces shpimi i pusi Molishti-1.

Investimi në këtë fazë kap vlerën e mbi 200 milionë dollarëve, ndërsa shpimi për kërkimin e hidrokarbureve shkon afro 3500-4000 metra nën tokë.

Pas shpimit të pusit Shpiragu-2, në tetor-nëntor 2013 u krye testimi, rezultoi në zbulim të naftës dhe gazit, në sasi të konsiderueshme.

Nga drejtuesit e kërkimeve, kryeministri Rama u informua se aktualisht operacionet hidrokarbure janë përqendruar për përfundimin e shpimit të pusit Molishti-1 dhe se parashikohet edhe shpimi i 3 puseve të tjerë, me investim prej 200 milionë dollarë.

Kastriot Bejtaj, Zëvendësdrejtor i Përgjithshëm i Petromanas, tha se treguesit e parë të pusit Shpiragu-2 flasin për përmbajtje hidrokarbure, naftë e lehtë, e një cilësie shumë të mirë, 150 tonë në ditë dhe 50 m³ gaz, në ditë.

Ai u shpreh edhe për nivelin shumë të mirë bashkëpunimit me Agjencinë Kombëtare të Burimeve Natyrore dhe autoritetet lokale.

Kryeministri Rama e konsideroi një lajm shumë të mirë, këto tregues, për industrinë e hidrokarbureve dhe ekonominë shqiptare në tërësi. Por ky sektor, theksoi kryeministri, përballet me problematika serioze dhe mungesë transparence, për adresimin e të cilave nevojiten hapa të shpejtë për ristrukturimin e tij.

“Ne jemi të vetëdijshëm se duhet të bëjmë hapa shumë të shpejtë për ta ristrukturuar gjithë sektorin, në mënyrë që aktorë të një rëndësie kaq të lartë, sa ç’jeni ju, jo vetëm që të ndjehen mirë brenda kufirit të zonës, por të ndjehen mirë në gjithë raportet me sektorin, sepse e dimë që sektori ka qenë jashtëzakonisht problematik, jashtëzakonisht jo transparent, jashtëzakonisht i kapur nga interesa dhe fije që e kanë dëmtuar shumë perspektivën e tij dhe kanë cenuar të ardhurat e popullit. Ndërkohë, në këtë vijë paralele, ju duke shpuar e duke nxjerrë dhe ne duke garantuar rrugën e transparencës, do të bëjmë të mundur që përfitimi reciprok të jetë absolutisht i plotë, aq më tepër që nafta këtu është i një cilësie spektakolare dhe është një kualitet i ri për Shqipërinë”, u shpreh Rama.

Një lajm shumë të mirë e vlerësoi edhe ministri Gjiknuri, i cili theksoi se me investimet që po kryhen në këtë bllok mund të rritet deri në 50% prodhimi i naftës në Shqipëri.

“Mbi të gjitha, cilësia e naftës është shumë e mirë dhe potencialisht mund të rrisë prodhimin e Shqipërisë deri në 50 % më shumë sesa është sot. Gjë që, duke marrë parasysh edhe cilësinë shumë të mirë të naftës, në terma financiarë do të thotë gati 70% më shumë të volumit të eksportit të naftës sot. Rëndësia e gjithë këtij blloku, nëse do të zhvillohet si duhet, në bazë edhe të investimeve tepër serioze nga Shell dhe Petromanas do të jetë një lajm shumë i mirë për Shqipërinë, një rritje shumë e madhe e prodhimit, më shumë të ardhura edhe për shtetin shqiptar; një gjë shumë e mirë për industrinë e naftës dhe e kthen Shqipërinë në një vend të rëndësishëm nafte, të cilësisë nga më të mirat e naftës së lehtë që ndodhen sot në botë”, tha Gjiknuri.

Kërkimet në këtë zonë kanë filluar që në vitin 2001, kur u shpua pusi Shpiragu-1, i cili vërtetoi praninë e hidrokarbureve në strukturën e Shpiragut. Të dyja kompanitë kontraktuese Royall Dutch Shell dhe Petromanas Albania janë kompani të listuara në bursat ndërkombëtare.

Akti Normativ i Qeverisë për Buxhetin/ Kushtetuesja nis shqyrtimin e ankesës së PD. Reagimet (VIDEO)

14:23 Politika

Ligjet shkarkojnë Zana Xhukën. Opozita braktis mbledhjen e Komisionit. Kreu i ILDKP shpërfill Kuvendin (VIDEO)

13:52 Politika

INTERVISTA/ Karamelo: Reforma territoriale, të mos preken njësitë vendore me shumicë minoritare

12:21 Politika

Çfarë befasie: Institucioni ku besojnë më shumë shqiptarët është... NATO

12:13 Politika

Shifrat tronditëse/ Shumica e fëmijëve që trafikohen si skllevër seksi janë nga Shqipëria

11:47 Politika

Meksi: PD po merrej me zgjedhjet, s'kishte nge për rrëzimin e bustit më 20 shkurt 1991

11:19 Politika

Halimi: Shqiptarët të ndalin Ramën, në të kundërt 21 mijë furgonat shkojnë për skrap

10:19 Politika

PD depoziton kërkesë në Kuvend: Të fshihen gjobat e Policisë Rrugore

09:51 Politika

Protesta e 20 Shkurtit/ Majko: PD duhet ta ngrejë kulturën e opozitës në një stad të ri

09:46 Politika

Legalizimet/ Lame: Nuk do paguhet vetëm një nga tre tarifat (VIDEO)

09:31 Politika