Konstituohet Komisioni hetimor për Policinë e Shtetit/ Balla: Bashkëpunim me opozitën për një hetim të plotë

Mazhoranca shprehu gatishmërinë për të bashkëpunuar me opozitën për një hetim sa më të plotë në lidhje me zbatimin e legjislacionit në Policinë e Shtetit përsa i takon lëvizjeve që kanë ndodhur në strukturat drejtuese të saj.

Kjo u pohua në mbledhjen e parë të Komisionit hetimor parlamentar nga nënkryetari socialist Taulant Balla.

Mbledhja shënon edhe fillimin e punës së komisionit, i cili drejtohet nga deputeti Arben Ristani, ndërsa si sekretare u zgjodh deputetja socialiste Ermonela Felaj.

Në mbledhjen e konstituimit u vendos që rregullorja dhe plani paraprak i hetimit të miratohen në mbledhjen e ardhshme, që do të zhvillohet të premten.

Kryetari i komisionit, Arben Ristani, tha se objekt i hetimit parlamentar do të jetë zbatimi i legjislacionit për procesin e lëvizjeve në Policinë e Shtetit, për periudhën 15 shtator 2013-31 janar 2014.

Ky hetim sipas tij do të përfshijë verifikimin e largimeve, transferimeve dhe punësimeve të reja në polici, si dhe pasojat që kanë sjellë këto ndryshime në garantimin e sigurisë publike.

Ndërkohë nënkryetari Balla kërkoi që komisionit t’i jepet më shumë kohë për të miratuar rregulloren e brendshme dhe planin e hetimit.

“Kërkuesit e këtij komisioni, deputetët e opozitës, të bëjnë gati dokumentacionin shkresor për informacionet që do ju kërkojnë institucioneve, si ministria e Brendshme dhe Drejtoria e Përgjithshme e Policisë, në mënyrë që të përshpejtohet puna, si dhe për gjitha procedurat e tjera që do të ndjekim në punën e këtij komision”, tha Balla.

Drafti i planit paraprak të hetimit për lëvizjet në polici, që pritet të miratohet të premten,  parashikon marrjen e të gjithë dokumentacionit nga Ministria e Brendshme dhe Policia e Shtetit për të gjitha largimet nga Policia, gjatë periudhës 15 shtator 2013-31 janar 2014; si dhe për transferimet, punësimet dhe ripranimet e kryera gjatë kësaj periudhe.

Një tjetër detyrë e parashikuar në planin paraprak të komisionit është dhe kontrolli i regjistrave të personelit të Policisë së Shtetit, që janë prekur nga lëvizjet apo që janë punësuar apo ripranuar në polici, gjatë kësaj periudhe katërmujore; shqyrtimi i shkaqeve të lëvizjeve të ndodhura në policinë; marrja e strukturës dhe organikës së re të policisë, e miratuar pas datës 15 shtator 2013, si dhe e strukturës e organikës që ka qënë në fuqi para kësaj date, shqyrtimi i të dhënave dhe dokumentacionit përkatës për mënyrën e zbatimit të strukturës, si dhe evidentimi i shkaqeve, evidentimi i numrit të plotë të personave të liruar apo transferuar, etj.

Veprimtaria e këtij komisioni hetimor do të përfundojë brenda datës 6 prill 2014.

Gjini i Portokallisë i dhuron çizme llastiku ministrit Koka

12:56 Politika

Berisha: Rama po noton në të njëjtat ujëra me paraardhësit, i shpalli luftë opozitës (VIDEO)

12:52 Politika

Aktivi i PD-së në Korçë/ Basha bën thirrje për protestë në një sallë joentuziaste (VIDEO)

12:39 Politika

Tufa: “Vampiri” Berisha kërkon të destabilizojë vendin për interesa personale

11:10 Politika

FOTOT/ Në Ukrainë ka shpërthyer lufta...

11:07 Politika

INTERVISTA/ “Asnjë shqiptar s'duhet të shkojë në Siri. Xhihadin e kemi këtu”

10:48 Politika

Nard Ndoka ‘ndihmon’ në shkarkimin e Zana Xhukës, merr 3.1 milionë lekë në këmbim

10:12 Politika

Ngjela: Rama është ftohur me SHBA. Po i bien aksionet në popull dhe në parti

09:44 Politika

Dy ngjarje të rënda/ Kontakti me rrymën i merr jetën një vogëlusheje dhe një elektricisti

08:57 Politika

VIDEO/ Rrjetet sociale mbyten nga spotet anti- Berishë: Mos harroni!

21:27 Politika