Meta: Shqipëria nuk i ka ezauruar mundësitë e saj për zhvillim

“Besoj shumë te të rinjtë dhe te të rejat, sepse ne kemi nevojë të shikojmë pëpara edhe si komb”, u shpreh Kryetari i Kuvendit Ilir Meta gjatë takimit të zhvilluar me një grup studentësh nga Shkupi, Tetova, Gostivari dhe treva të tjera shqipfolëse në Maqedoni, të cilët ishin në Tiranë me rastin e festimeve të Ditës së Verës.

Meta ndau me ta këndvështrimin e tij lidhur me zhvillimet politike në Shqipëri dhe në Maqedoni, si dhe foli për momente të rëndësishme nga përvoja e tij personale si politikan dhe Kryetar i Kuvendit të Shqipërisë. Duke vënë theksin në dëshirën dhe gatishmërinë për të bashkëpunuar me të rinjtë dhe të rejat, Meta ftoi studentët për një vizitë edhe më të plotë në Kuvendin e Shqipërisë, për të parë si funksionojnë komisionet, për të ndjekur seancat plenare me qëllim që të kuptojnë më një thellësi sesi funksionon Kuvendi si institucion.

“Kuvendi është sa interesant, aq edhe problematik, sepse përbëhet nga parti dhe akoma partitë përfaqësojnë me vendosmëri pjesët dhe nuk përqëndrohen te ajo që është në interesin e të gjithëve. Por, kjo do të vijë hap pas hapi. Prandaj na duhen edhe të rinjtë, që të mendojnë dhe angazhohen më shumë për të ardhmen”, tha ai.

Në vijim Meta u shpreh se “na duhen programe zhvillimi dhe formim profesional në mënyrë që të rinjtë të kenë mundësi të gjejnë vendin e punës këtu apo në çdo lloj tregu në rajon, në Europë dhe kudo.Na duhet më shumë pragmatizëm dhe profesionalizëm. Nuk na duhet retorikë, propagandë dhe ‘politikë pa bukë’, pra fjalë boshe”.

Lidhur me situatën politike dhe ekonomike në vend, kryeparlamentari tha se pavarësisht vështirësive me të cilat vendi përballet aktualisht, ai mbetej optimist për të ardhmen, pasi Shqipëria është një vend që nuk i ka ezauruar mundësitë e tij për zhvillim. Gjatë bashkëbisedimit me të rinjtë, Kryetari i Kuvendit vuri në dukje se krahas besimit dhe angazhimit të të rinjve në politikë dhe vendimmarrje, është shumë e rëndësishme që të jepen edhe mesazhe pozitive. Meta tha se qytetarët kanë nevojë për mesazhe pozitive, konkrete dhe jo për mesazhe konfliktuale.

“Do vij në Maqedoni, sepse duam t’i forcojmë lidhjet me shqiptarët në Maqedoni, sidomos me të rinjtë dhe të rejat, sepse kjo është e ardhmja”, u shpreh Meta.

Basha: Politika të kthejë sytë nga prodhimet shqiptare

17:18 Politika

CEZ: Çani po bën presion me median ku punon për të mos paguar borxhin

16:42 Politika

Babai denoncon imamin Genc Balla: Më mori ish-gruan e djalin dhe i dërgoi në Siri

16:16 Politika

“Shkarkohet” Endira Bushati/ Meta firmos procedurat për kryetarin e ri të AMA-s

15:53 Politika

Kontrolli në SHISH, PD gati t'i drejtohet Kushtetueses për nismën e PS-së

13:49 Politika

PD: Qeveria Rama po faktohet si shtypëse e lirisë së medias

13:17 Politika

Nëpunësi Civil/ Procedurat e trajnimeve brenda ose jashtë vendit dhe detyrimet ndaj institucionit

13:05 Politika

FOTO LAJM/ Fleta e votimit më e rrezikshme në botë

10:33 Politika

Historia tronditëse e Dumanit/ Ja si i çoi fëmijët në Siri. Dyshohet se merrte 300.000 lekë për të mbajtur mjekër

09:36 Politika

INTERVISTA/ Bel: Franca kërkoi t’i lihet kohë qeverisë së re për statusin

09:26 Politika