Te fundit
Kunati mbledh argumente pro Xhin Xhonit
24 Prill 2014, 20:22Antena
TEMA
Pas publikimit të lajmeve për gjyqtarin Xhin Xhoni, Kunati vendosi të bënte një konsultë juridike me Gitën se si mund të shkojë kjo punë.
Për habinë e tij, Gita ishte shumë nervoze.
-Ai meriton të shkojë në burg, tha.
-Po ndoshta i ka lekët e gruas, siç thotë, i tha Kunati.
-Jo, jo, kjo nuk është serioze, tha Gita. Ai na ka gënjyer.
-Tani jemi të detyruar ta mbrojmë, i tha Kunati, se nuk mund ta lëshojmë në këtë ditë të keqe.
-Unë mendoj që nuk duhet mbështetur, tha Gita. Do flas dhe me babin, por unë mendoj që jo.
Pas kësaj bisede, Kunati u trazua keq.
Thirri për një kafe Aldon.
-Ore ti e ke pasur gruan e këtij Xhin Xhonit këshilltare, tha. Aq shumë lekë fiton një këshilltare e ministrit të Jashtëm?
-Nuk e di, tha Aldo, se me atë punë është marrë Caçi.
-Kush është Caçi, i tha Kunati.
-Vjehrra, i tha Aldo. Ajo më kërkoi pasaportë shërbimi për atë, dhe unë i tahshë nuk ta jap dot se nuk të lë ligji. Atëherë ajo më tha emëroje këshiltaren tënde dhe e lejon ligji. Unë e emërova, vetëm kaq. Pastaj Caçi e di se ç’ka bërë me të.
Pasi as Aldo nuk i dha zgjidhje, Kunati thirri Rulin si më të vjetër në këto punët e lekëve.
-Si i bëhet, i tha. Dua ca këshilla. E para, si shpjegohet që Gita ishte e pakënaqur me Xhin Xhonin dhe më tha duhet dënuar?
-Dhe unë po të isha në vend të saj, do isha i mërzitur, tha Ruli. Si ëhstë e mundur që në një biznes, punëmarrësi të dalë me më shumë lek nga punëdhënësi? Ajo ka parë që Xhin Xhoni s’ia ka treguar gjithë lekët e gjyqeve dhe i ka ndarë lekët keq dhe duhet të jetë doemos e mërzitur.
-Ah, po, ke të drejtë, i tha Kunati. Edhe diçka tjetër. Ti e njeh këtë vjehrrën e Aldos? Ç’e lidh atë me gruan me Xhin Xhonit se i paska kërkuar Aldos pasaportë diplomatike?
-Të dyja kanë qenë shitëse në rininë e tyre. Njëra shitëse djathi, tjetra shitëse parfumesh. Tjetër lidhje nuk shikoj.
-Dua dhe një këshillë të fundit, i tha Kunati. A është e besueshme kjo linja, që ai i ka lekët e gruas, d.m.th i ka goditur gruaja e pasur?
-Patjetër, i tha Ruli. Ky është tani identiteti i partisë sonë. Bile ai duhet të bëjë karrierë në parti.
Ti e di më mirë se mua, që i pari që ka deklaruar miliona në këtë parti, është kryetari ynë Lul Basha, dhe ai hapi fjalë që gjithë unazat e dimantit mbi një milion euro ia ka blerë gruaja. Prej atëherë, tani të gjithë ata që kan lekë, kanë një argument që i kanë lekët e gruas.
Kunati mbeti i hutuar për një moment, pastaj buzëqeshi.
-Ku të shkoi mendja, tha, se në fakt ne s’i kemi blerë unazë fare.
6 komente në “Kunati mbledh argumente pro Xhin Xhonit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk shkruhet Xhin Xhoni, por Gjin Gjoni.
Por kur ka mbjellur floket eshte regjistruar ne klinike xhin xhoni qe ne gjuhen shpellare te viçitolit perkthehet gjin gjoni
kaq gje nuk e di o trap agostini
Dickhead shko ne tjeter gazete nese nuk
E kupton qe kjo eshte humor I thekur.
Humor i kendshem qe rrefen me se miri se peshku qelbet nga nga koka.
O agostino o trap po e di ti perse eshte antena. U mundove shume qe e gjete . Kushedi sa jane gezuar bashkefshateret e tu qe ti dole kaq I zgjuar
Po hajduten ordinere ANDIA PUSTINA DREJTORESHEN E TAKSAVE VENDORE NE BASHKINE E TIRANES gruan e hajdutit te doganave ENDRI PEMA dhe kunatin e saj ANDI TOMA qe eshte denoncuar me kohe ne prokurori per rrugen e KALIMASHIT cfare do te beni me keta do te hetohen e ndeshkohen. Vetem Top Bastit ANDIA PUSTINA ME NJE DORE JU MORI 60.000 MIJE EURO SOT TE 58 PUNONJESIT E BASHKISE SE TAKSAVE VENDORE JANE TE DETYRUAR TE PAGUAJNE NGA 50000 LEKE DERI 500000 NE MUAJ GJOBE PER CDO PUNONJES.Prokuroria te hetoje dhe ju o Mero merruni me kete KANCEROZE ne DNA QE EMRIN E KA ANDIA PUSTINA me 10 apartamente ne Tirane e 200.000.000 leke te deklaruara ne 2010…..