Kotromanoviç-Kodheli/ Kroacia mbështet Shqipërinë për statusin

Ministrja e Mbrojtjes Mimi Kodheli ka pritur në një takim homologun e saj të  Kroacisë, Ante Kotromanoviç i cili ndodhet për një vizitë zyrtare në vendin tonë.  Ministrja Kodheli theksoi se bashkëpunimi mes dy vendeve, si ato në kuadër të bashkëpunimit në NATO, mund të cilësohen të shkëlqyera. Dy ministrat diskutuan për thellimin e bashkëpunimit dhe për një rol më të madh që dy vendet, si anëtare të NATO-s, duhet të luajnë në rajonin tonë.
 
“Dy vendet tona kanë ndjekur një rrugë të përbashkët për anëtarësim në NATO. Ndërkohë, Kroacia është shembulli më i mirë i Shqipërisë në rrugën për integrimin e plotë në Bashkimin Evropian. Ne e falenderojmë popullin kroat për mbështetjen pa kushte që na ka dhënë gjithnjë”, tha ministrja Kodheli.
 
Kodheli ka vlerësuar mbështetjen që Kroacia ka dhënë dhe vazhdon të japë për Kosovën, duke qenë konsistente në dëshirën e përbashkët për ta parë atë të integruar në të gjitha inciativat rajonale.  Duke folur për bashkëpunimin dypalësh, Kodheli vlerësoi si shumë të domosdoshëm shkëmbimin e informacionit sidomos sa i takon kontrollit të hapsirës ajrore dhe detare, si një mënyrë për të minimizuar fenomenet e paligjshme apo rreziqet që mund të vijnë nga jashtë.
 
Ministri i Mbrojtjes i Kroacisë Ante Kotromanoviç garantoi homologen e tij se “Kroacia e mbështet Shqiperinë dhe jep kontributin e saj që ju të fitoni statusin e vendit kandidat”.
 
Gjatë takimit të dy zyrtarët folën për çështje me interes të përbashkët si arsimimi dhe stërvitjet e përbashkëta në kuadër të “Smart Defence”, si dhe pjesëmarrja në misione paqeruajtëse kudo në botë.
 
Më herët ministri kroat i Mbrojtjes, u takua me kryeministrin e Shqipërisë, Edi Rama më të cilin diskutuan për marrëdhëniet mes dy vendeve tona, duke i cilësuar ato të shkëlqyera. 

Rama: Tani e kanë radhën Gatet e drejtësisë, që bëjnë para me thasë duke nxjerrë nga kafazi Gatet e krimit (VIDEO)

13:58 Politika

Reforma Territoriale/ Basha: Rama-Meta na kthyen tek skemat e Enver Hoxhës, protesta

13:44 Politika

Zgjedhjet e 23 Qershorit/ Tahiri: Shqiptarët i dhanë jetë Rilindjes

13:30 Politika

Zgjedhjet në PD/ Basha: Vetëm përmes debateve do të ringrihemi (VIDEO)

12:02 Politika

Ligji i ri urbanistik/ Fino: Pas legalizimeve. Deputeti i PS ikën nga mbledhja, nuk iu dha fjala

11:36 Politika

Statusi/ Lituania konfirmon mbështetjen, Spanja mendim pozitiv. Suedia vendos nesër

11:12 Politika

Militantët islamikë ekzekutojnë gjyqtarin që dënoi Saddam Hussein (kurse John Kerry mbërrin në Irak)

10:40 Politika

PD bojkoton komisionet e Kuvendit, në shenjë proteste ndaj përjashtimit të Berishës

10:43 Politika

Në krye të PD-së së Fierit, një i akuzuar për korrupsion (dhe një foto pikante)

10:14 Politika

Vetëm familjet myslimane nuk mbollën hashash/ Besimtari refuzon vilën e babait: E ke bërë me para droge

10:51 Politika