Te fundit
INTERVISTA/ Haradinaj: Presidentja të nisë konsultimet për formimin e Qeverisë, pa humbur kohë
22 Korrik 2014, 17:44Rajoni
TEMA
Kandidati i koalicionit LDK- AAK- NISMA për kryeministër, Ramush Haradinaj, në një intervistë për Express ka përsëritur kërkesën për Presidenten Atifete Jahjaga që të nisë konsultimet për formimin e Qeverisë pa humbur kohë.
Sipas tij, shqyrtimi që është duke ndodhur në Gjykatën Kushtetuese për ‘rastin e Kuvendit’ nuk e obligon Presidenten për të pritur.
Haradinaj thotë se nëse Presidentja nuk vepron me dhënien e mandatit për formimin e Qeverisë, atëherë edhe ajo mund të përballet me Gjykatën më të lartë në vend.
Express: Z.Haradinaj a mund të na sqaroni kërkesën tuaj ndaj Presidentes Jahjaga për formimin e Qeverisë?
R. Haradinaj: Unë konsideroj se Presidentja e vendit e ka të drejtën për mandatimin e partisë që ka dalë fituese në zgjedhje në këtë rast PDK’së, e cila këtë të drejtë mund ta shfrytëzon a po mund t’ia kthejë këtë të drejtë Presidentes, e cila mundet me iu drejtu palës tjetër në këtë rast ne. Por është e pakuptimtë mosdalja ose mosveprimi i Presidentes . Shqyrtimi në Gjyktën Kushtetuese nuk e obligon Presidentes për të pritur, në fakt vonesën e saj. Në një rast të caktum ne mund t’i drejtohemi Gjykatës me e pytë a është kushtetuese apo jo mosveprimi i Presidentes, pra mosshpenzimi së drejtës së saj ose zbatimi i afatit kohor që parashihet për presidenten me vepru në këtë drejtim.
Express: Si e shpjegoni këtë mos veprim,keni pasur sqarime?
R. Haradinaj: Ne nuk kemi pasur ndonjë komunikim zyrtar me Presidenten apo dikënd nga stafi, mirëpo është për habi mos dhënia e të drejtës…pra mos me fillu konsultat, është një humbje kohe në kurriz të qeverisë së ardhshme dhe mbajtje peng e Kosovës , Nuk është mirë, në kurriz të Qeverisë së ardhshme me vepru kështu me kriju zhagitje dhe ngecje të tilla.
Express: Pra ju nuk shihni ndonjë problem që Presidentja të veprojë, pavarësisht se rasti i Kuvendit është tashmë në Gjykatë ?
R.Haradinaj: Këto janë cështje të ndara , gjykata ka vendosur për radhën, pra vendimi i parë i Gjykatës Kushtetuese.Presidentja tani e ka në diskrecion me vepru në afatin kohor.
Express: Si e komentoni vizitën e z.Williamson? Thuhet se do të ketë akt- akuza, cili është komenti juaj?
R.Haradinaj: Ne nuk kemi informata konkrete pos atyre që i kemi dëgjuar në media . Megjithatë Kosova ka marrë për obligim me përmbush të gjitha obligimet ligjore që i dalin në këtë thirrje e për të cilën edhe Parlamenti ka vendosur.
1 komente në “INTERVISTA/ Haradinaj: Presidentja të nisë konsultimet për formimin e Qeverisë, pa humbur kohë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Vertet kete murteber do zgjedhe kryeminietr Kosova? Po te marrem parasysh qe po kerkohet qe te zgjidhet kryetar kuvendi Mustafa, udhehqeja e Kosoves do te jete nje “stan me lepuj”. Prandaj shpesh te huajt thone se shqiptaret nuk kane aftesi shtetformuese, se ne zgjedhim drejtuesa te tille. Do benin mire qe keta, po hariten te zgjidhen vertet, te marrin edhe Saliun e Jozefinen si keshilltar. Dhe pastaj punet e kosoves do vene mire si tu doje qejfi serbeve.