Te fundit
Nisma e kryeministrit: Diaspora të regjistrohet online
21 Gusht 2014, 17:15Rajoni
TEMA
Kryeministri i Kosovës, Hashim Thaçi, ka hedhur një ftesë publike në rrjetet sociale për të gjithë shqiptarët e diasporës, me qëllim që ata të regjistrohen për të krijuar regjistrin e diasporës dhe mërgatës.
“Unë dëshiroj të vë në dukje para jush një nismë të ndërmarrë nga Qeveria ime në fillim të këtij viti për krijimin e regjistrit të diasporës dhe mërgatës”, shkruan Thaçi në Facebook, duke shtuar se fton të gjithë bashkatdhetarët tanë që ta mbushin formularin elektronik që gjendet në rd.rks-gov.net/%28S%28p2hnvljn2eyzxlrihkrkfn45%29%29/Home.aspx.
Sipas kryeministrit Thaçi, “diaspora kosovare ka luajtur një rol thelbësor gjatë historisë sonë dhe ka dhënë kontribut të çmuar për mbijetesën e popullit, qëndresën ndaj okupatorit dhe në zhvillimin ekonomik”.
“Unë besoj se kjo pjesë vitale e popullit tonë do të vazhdojë të luajë një rol kyç në të ardhmen e vendit e prandaj përkujdesja për diasporën ka qenë e do mbetet prioritet imi”, ka shtuar Thaçi.
Më tej, ka thënë ai, të dhënat e mbledhura do ndihmojnë qeverinë që të përmirësojë shërbimet e lehtësojë procedurat administrative që i nevojiten diasporës si dhe do të mundësojnë hartimin e politikave më efikase për përfshirjen më intensive të diasporës në zhvillimin ekonomik dhe politik të vendit duke mundësuar hulumtime të mbështetura në të dhëna cilësore dhe metodologji rigoroze. /Telegrafi/
2 komente në “Nisma e kryeministrit: Diaspora të regjistrohet online”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po ambasadate nuk Kane mundesi me pranuar nje registre te tille sic ndodh ne cdo vend te botes,ku qyetetaret jashte registrohen ne ambassade,apo trembeni se pastaj duhet edhe sherbimet konsullore me i kete si duhet per jeta te registruar n’ambasade?
Po,po u pa se sa shume kujdeseni per diasporen edhe kur registruate talentet edhe te diplomuarite e diaspores! Sa prej tyre afruat prane jush?asnje!
Tash diaspora va ka kthye shpinen hajnave ,qe te gjithe te marrin vesh…