Merkel: Qytetarët e vendeve të Ballkanit Perëndimor, të mërzitur me korrupsionin

Qeveria gjermane bën sot një pushim të vogël nga krizat e mëdha të botës duke organizuar në Berlin konferencën e shteteve të Ballkanit Perëndimor. 

Vendet e Ballkanit Perëndimor do të konsultohen me përfaqësuesit e qeverisë gjermane për të ardhmen e tyre dhe afrimin me BE-në. Konferenca ndërkombëtare do të nxisë procesin e pajtimit mes shteteve pasuese të Jugosllavisë.

Kancelarja Merkel tha në lidhje me konferencën në një podcast, se ështe e rëndësishme që vendeve t’u përcillet mesazhi, që ata “të mos i perceptojnë kriteret e pranimit në BE si barrierë, apo pengesë, por si nxitje për të punuar me të vërtetë me sukses për qytetarët e tyre.” Qëllimi i konferencës është edhe përmirësimi i bashkëpunimit mes vendeve.

“Njerëzit në rajon duan të kenë infrastrukturë transporti, ata duan që të mund të udhëtojnë lehtësisht nga një vend tjetrin.

Qytetarët e vendeve të Ballkanit Perëndimor janë të mërzitur me korrupsionin dhe nuk duan më gjykatat, që nuk funksionojnë mirë. Keqmenaxhimi, kriminaliteti i organizuar dhe ekonomia informale është në të gjitha vendet një problem i vazhdueshëm, po ashtu edhe niveli i lartë i papunësisë së të rinjve.

Prandaj çdo vend duhet të krijojë premisat për pranimin në Bashkimin Evropian në sektorët e sundimit të ligjit dhe punën efikase të administratës. Harkun kohor vendet mund ta influencojnë vetë përmes reformave vendimtare strukturore. Një gjë është e qartë: Të gjithë kanë shansin për t’u bërë anëtar i Bashkimit Evropian“, tha Merkel në podcastin e saj.

Barroso

Presidenti i Komisionit Europian, Jose Manuel Barroso gjatë fjalës së tij në konferencë pwrkrah kancelares gjermane Angela Merkel dhe Kryeministrit Edi Rama theksoi se vendet e Ballkanit Perëndimor kanë mbështetjen e Bashkimit Evropian. Duke u ndalur tek perspektiva evropiane e Shqipërisë, Barroso deklaroi se aspiratat e shqiptarëve për të qenë pjesë e BE-së janë të mëdha.

“Falendrojë kancelaren Merkel për këtë nismë. Ne duam të shohim vendet e rajonit të jenë pjesë e BE. Kjo është rruga e duhur që të mbrohet stabiliteti dhe prosperiteti. Kemi parë dhe së fundmi, e kam parë dhe në Shqipëri, sesa të rëndësishme janë aspirata të qytetarëve atje. Unë besoj se një proces i administruar me kujdes, në dialog, është ai proces që do të bëjnë partnerët tanë.

Progresi në këtë rrugë drejt BE është realist, siç është rasti i Kroacisë, por dhe hapat e bëra nga Shqipëria dhe Serbia. Vendet e Ballkanit Perëndimor mbështeten nga BE. Përgjegjësia për reforma kyçe është thelbësore për këto vende. Bashkëpunimi rajonal që ne mbështetemi sot është thelbësor dhe jo luks.

Kjo do të bëjë të mundur që të krijohen politikisht stabilitet dhe komoditet. Sot kemi diskutuar se si të tejkalojmë ato pengesa ekzistuese në rajon. Ka shumë hallka që mungojnë në këto vende. Siç janë rrugët hekurudhore, etj, duke shtuar investimet”, tha Barroso.

Presidenti i Komisionit Europian u ndal tek grantet që do të përfitojnë të gjithë vendet e rajonit.

“Këtu na duhet të marrim dhe fonde nga institucionet që mundësojnë grante për vendet kandidat për anëtarësim. Ne punojmë në shumë fusha që kanë të bëjnë me këto aspekte. Jam i gëzuar që kryeministri Rama është angazhuar ta çojë këtë frymë bashkëpunimi më tej.

12 miliardë euro do jepen nga BE për vendet e rajonit. 20 për qind të financimit do shënjestrojnë investime të tilla. Ashtu siç kryeministri Rama tha se qytetarët e rajonit i kanë sytë nga ne dhe duan të dinë nëse kanë një perspektivë të qartë, përgjigja ime është: Po, ka një të tillë. Ndaj ky moment duhet të krijohet dhe forcohet më tej”, përfundoj fjalën e tij Presidenti i Komisionit Europian, Jose Manuel Barroso.

Basha: Nuk donim të fitonim kapital politik nga vjedhja e BSH-së, ndaj s'kemi folur

15:34 Politika

Bushati: Samiti i Berlinit, perspektivë për rajonin. Presim vizitën e Merkel

15:27 Politika

Akuzat ndaj Abissnet/ AKSHI: Ka kontrata me 1 % të institucioneve

14:46 Politika

Kuvend/Halimi: Rama po shkel Kushtetutën për të rrëzuar dekretet. Po ve në rrezik fatet e vendit

13:43 Politika

Braçe: Fullani prej 7 ditësh kërkon takim personal me mua

13:00 Politika

Rama: PD politikë qorre, asnjë fjalë kundër krimit. Reagon Basha

12:32 Politika

Bushati: Rama përfshiu policinë në fushatat propagandistike, janë shtuar vrasjet

11:44 Politika

Koordinatori i PD revolton ambasadën turke: Nuk kemi mbështetur ISIS, pretendim i shëmtuar!

11:20 Politika

Gjenerali britanik: NATO nuk do e ndalonte dot pushtimin rus në Evropën Lindore (kurse këto FOTO ngjallin ankth)

10:48 Politika

Nishani uron me mesazh Erdogan: Do forcojmë dhe pasurojmë bashkëpunimin

10:26 Politika