Saakashvili: Shqipëria dhe Gjeorgjia kanë histori të njëjtë, mund të ecni para vetëm me reforma të thella

“Shqipëria mund të bëjë përpara vetëm përmes pasionit dhe energjisë së të rinjve”, u shpreh ish-presidenti i Gjeorgjisë, Mikheil Saakashvili.

Ai ishte i pranishëm në aktivitetin me temë “Lider në auditor”, ku rrëfeu historinë e tij gjatë kohës që udhëhoqi Presidencën e Gjeorgjisë.

“Shqipëria dhe Gjeorgjia kanë histori të njëjtë. Kanë qasje të njëjtë ndaj komunizmit dhe sintoni të njëjtë në kërkesat ndaj institucioneve qeveritare sot. Prandaj, ashtu si Gjeorgjia edhe Shqipëria mund të ecë përpara vetëm përmes reformave të thella, rrënjësore, që mund të realizohen nga lider me energji e pasion, si dhe të rinjve, të cilët kanë vullnetin e duhur për këtë”, theksoi Saakashvili, duke shtuar se Shqipëria është një vend i ri, me një lider me mjaft energji dhe pasion.

Duke rrëfyer jetën e tij në krye të Gjeorgjisë, ai e krahasoi atë me dallgët në det, të cilat shpesh të ngrenë lart, por në raste të tjera të mbysin, dhe sipas Saakashvilit, politikanët duhet të jenë të aftë të mbijetojnë përballë këtyre dallgëve.

 “Çdo politikan ka historinë e tij. Ai në një moment adhurohet nga populli i tij, në një moment tjetër urrehet, por ai nuk duhet të dorëzohet nëse do vërtet të mirën e vendit të tij, por duhet të luftojë për t’i mbijetuar urrejtjes e për të bërë atë që është më e mira për vendin”, tha ish-presidenti i Gjeorgjisë.

Saakashvili gjithashtu shtoi se në botë ekzistojnë dy llojë liderësh, ata që punojnë për interesat e tyre dhe kërkojnë që të duhen nga populli dhe ata që janë të gatshëm të marrin përsipër urrejtjen e një  pjese të popullit për të mirën e vendit dhe për të mbetur në histori.

 “Kur erdha në pushtet fitova me 96% të votave, dhe Enver Hoxha do ta kishte të vështirë një rezultat të tillë. Por pas zgjedhjeve të para dhe reformave të forta, dashuria karshi meje ra në 52% dhe në zgjedhjet e treta humba zgjedhjet pasi mora 40% të votave, pasi njerëzit mërziten si nga suksesi, ashtu dhe nga dështimet”, theksoi Saakashvili.

Duke iu kthyer gjeopolitikës, ai portretizoi figurën e presidentit të Rusisë, Vladimir Putin, si të një lideri që jeton me ëndrrën e Bashkimit Sovjetik, ndërsa vlerësoi tejmase figurën e presidentit të Turqisë, Taip Erdogan:

“Putin është ngjitur në një piedestal nga i cili e ka vështirë të kuptoj hallet e popullit të tij. Është tepër lart për të kuptuar vendin e tij, madje ai është manjak pas idesë së rilindjes së Bashkimit Sovjetik, për të cilin po punon ditë e natë. Sa i takon liderit Erdogan, ai është një politikan modern që jeton me hallet  e qytetarëve të vendit të tij”, theksoi Saakashvili, i cili kujtoi një telefonatë të tij me Presidentin Erdogan, kur ky i fundit i kërkonte ndihmë për disa peshkatarë turq që kishin pasur probleme në Gjeorgji, apo të bizneseve të vogla turke që kërkonin të lulëzonin në Gjeorgji”

Duke vijuar me gjeopolitikën, ai u shpreh se Shqipëria është një vend mjaft pozitiv sa i takon paqes në rajon, ndërsa vuri në dukje se për të ndjekur rrugën e Gjeorgjisë duhen reforma të thella.

“Tre vende kanë arritur që nga komunizmi të mbijetojnë dhe të kenë një radikalizim të fortë. Kili, pasi kishte një ushtri të fortë, Zelanda e re, pasi nuk kishte fqinjë të cilët ishin të dhunshëm karshi tyre dhe Gjeorgjia, ku reforma në arsim dhe polici ishin thelbësore dhe shumë të ngjashme me ato që po ndërmerr kryeministri shqiptar Edi Rama”, tha ai.

Në fund, ai mbylli fjalën duke u shprehur se Shqipëria është në rrugën e duhur dhe me përkushtim edhe ajo mund t’i tejkalojë problemet e saj.

Zbulohet një tjetër vjedhje banke

13:05 Politika

Noka: Shef i komisariatit në Malësinë e Madhe ka marrë pjesë në pushkatimin e një të riu

12:31 Politika

Delegacioni shqiptar niset për në Uells/ Ndërsa në bankën e të akuzuarve do jetë Merkel

12:18 Politika

Basha: Rama, kryeministri më bllokues

10:49 Politika

Skandali/ Inspektorja e Përgjithshme e BSH refuzon të raportojë në Kuvend. Kërkohet shkarkimi i saj, reagon Golemi

10:24 Politika

VIDEO/ Edhe Libia po del jashtë kontrollit (ndërsa 11 avionë të rrëmbyer mund të përdoren për sulme kamikaze)

10:20 Politika

Tenderi i reklamave/ Prokuroria pushon dosjen ndaj Arben Imamit

09:45 Politika

Agolli: Rama e ka nisur mirë, sidomos me pastrimet. Berisha e ka politikën si fe

09:29 Politika

Krimi makabër në Durrës/ I biri i Elsës rrëfen tmerrin kur gjeti viktimat

09:11 Politika

Elbasan/ Arrestohet kryetari i komunës Stravaj, mashtroi me suvencionet e shtetit

07:18 Politika