Nard Ndoka: Nuk braktiset Kuvendi për një incident të izoluar, opozita bëhet në parlament

Kryetari i Partisë Demokristiane Nard Ndoka e konsideron vendimin e Partisë Demokratike për të bojkotuar Kuvendin si një vendim të grupit parlamentar të kësaj partie dhe jo të opozitës.

Ndoka thekson se vendimi nuk është konsultuar nga PD me partitë aleate, ndërsa shpreh kundërshtitë në lidhje me bojkotin.

Sipas tij, opozitarizmi bëhet në parlament dhe prania e deputetëve opozitarë bëhet dhe më e rëndësishme në kushtet e një kryeministri që po çon ekonominë në kolaps.

“E para vendimi për bojkot është vendim i grupit parlamentar i PD, unë nuk jam pjesë e grupit të PD.

Jam deputet i listës së PD, në kuadër të një koalicioni por jam deputet i PDK-së, deputet i pavarur në Kuvend. Për fatin e keq nuk ka pasur dhe një konsultim me partitë aleate për bojkot.Jam kundër bojkotit në thelb, vendi është në Kuvend.

Pavarësisht incidentit të djeshëm në Kuvend, nuk mund të ndodhë që qoftë dhe ky zoti Meta të pengojë që unë të flas në parlament, ka forma dhe mënyra për ta marrë fjalën edhe kundër dëshirës dhe vullnetit të mazhorancës.

Prezenca në Kuvend është e domosdoshme, s’mund të jemi një opozitë që ndodhi një incident dhe të largohemi. Kam dëgjuar 20 konferenca shtypi për një incident në parlament”, u shpreh Ndoka i ftuar në “Mëngjes Exspress”.

Në vijim ai shtoi se për opozitën është e rëndësishme të kemi një alternativë në Kuvend, për faktin se kemi një kryeministër që po qeveris pa opozitë në Kuvend dhe kjo i jep atij të drejtë të tejkalojë edhe ato norma logjike, nuk ka pasqyrën që të shohë veteveten dhe gabimet e tij përballë.

“Për faktin se ka bërë gabime me shumicë dhe opozita duhet ti vëjë në dukje dhe jo të qahet për problemet e veta. Kemi një Kryeministër që ka bllokuar të gjitha lejet e ndërtimit në vend, të cilat kanë një kosto shumë të madhe për ekonominë.

Është një zinxhir që Kryeministri e ka bllokuar me dashje.Po shkojnë drejt falimentimit mjaft fabrika që janë të lidhura me sektorin e ndërtimit, kemi një Kryeministër që ka bllokuar transportin ndërurban.

Kemi një Kryeministër që po bllokon lejet për ndërtimin e HEC-ve me koncesion, ka bllokuar lejet minerare për të ndryshar padrinot e tyre, po prish ndërtimet me leje dhe këto krijojnë kosto për qytetarët.

Roli i opozitës është që të jetë në parlament, ta thotë fjalën e saj, ta bllokojë Kryeministrin në këtë aventurë, ta bllokojë dhe Kuvendin.Opozita këto hapësira duhet ti kërkojë për mbrojtjen e qytetarëve dhe interesave të tyre”, tha Ndoka.

Ndoka ka rrëfyer dhe incidentin me mikun e tij Meta në seancën e Kuvendit dhe bisedën e “pajtimit” në telefon pas refuzimit për ti dhënë fjalën në Parlament.

“Pati një incident në parlament. Kreu i Kuvendit duke e parë Parlamentin si pronë të tij private, për sa kohë nuk respekton rregulloren e Kuvendit, nuk respekton opozitën.Nuk respekton deputetët e Kuvendit të Shqipërisë, madje po dëgjoja dhe leximin e gazetës “Integrim” në radio nga ju që kishin diskutuar 2-3 deputetë të LSI. Kuvendi nuk është i LSI, përtej asaj privates.

Ndodh, që të ketë pakujdesi, por ishte diçka e qëllimshme nga ana e kreut të Kuvendit. Ka një rregullore ku regjistrohen deputetet diskutantë dhe unë bëra me dije atë deklaratë që do të mbaja. Ai vendosi me mendjen e tij nëse do flisja në seancë apo jo. Ne patëm një bisedë telefonike pas asaj seance, unë kam marrëdhënie normale, zoti Meta është një nga miqtë e mi.

Por kjo nuk do të thotë që mund të dhunojë fjalën time, apo unë do të flas atëherë kur zoti. Meta dëshiron që të flas, apo kur atij i pëlqen se çfarë do të flas unë.Ishte një reagim imi, një pakënaqësi e ngritur. Këto janë probleme më tepër personale mes meje dhe tij”, u shpreh kreu demokristian.

Izet Haxhia: Shkëlzeni trafikonte drogë me makinën e Berishës, Lirisë i pëlqente luksi, Berisha iu lut Papës: Na shpëto nga myslimanët

09:46 Politika

Krujë, vëllai vret të vëllanë për një konflikt pronësie

09:07 Politika

Policia parandalon një vrasje në Tiranë, arrestohen 7 persona

09:03 Politika

Vjedhja e BSH-së, hetimet shtrihen edhe në SHBA

21:17 Politika

FOTO LAJM/ Rama u tregon kinezëve ku gjendet Shqipëria

20:42 Politika

Artan Shkreli: Prokuroria të hetojë lejet e dhëna nga Basha

20:06 Politika

Gjosha: Këshilli i Integrimit do ngrihet edhe pa opozitën

19:30 Politika

Dhunohet brutalisht nipi i kryetarit të PD-së në Lazarat

18:25 Politika

Izet Haxhia rrëfehet nga Turqia pas 15 vitesh arrati

17:47 Politika

Zgjerohen hetimet për Fullanin, rrezikon edhe Elisabeta Gjoni

17:10 Politika