Meta: Disa nga anëtarët e KLD nuk japin llogari para ligjit

Reforma në sistemin gjyqësor, duhet të jetë e pavarur nga politika, por jo nga zbatimi i ligjit, pasi në të kundërt ajo godet besimin e qytetarëve, zhvillimin dhe integrimin e vendit.

Kështu u shpreh kryetari i Kuvendit Ilir Meta në tryezën e thirrur nga presidenti i Republikës në lidhje me reformën në sistemin e drejtësisë.

Ndërsa e konsideroi reformën si një domosdoshmëri, Meta theksoi se ajo vjen në kuadër të forcimit të zbatimit të ligjit, pasi siç u shpreh ai, në shumë raste kjo nuk ka ndodhur, çka ka sjellë edhe pakënaqësi nga ana e qytetarëve.

Në vijim, kryeparlamenti nënvizoi se qytetarët shqiptarë janë të pakënaqur me drejtësinë në vend dhe se presin një sistem gjqësor të paanshëm dhe efektiv.

Meta shtroi problemin e vendosjes së kritereve për anëtarët e sistemit të drejtësisë, mes të cilëve edhe të Këshillit të Lartë të Drejtësisë. Sipas tij, disa nga anëtarë të sistemit të drejtësisë, mes të cilëve edhe të KLD, nuk i binden llogaridhënies.

“Në çështjen e dytë besoj se duhen vendosur kritere më të qarta për anëtarët e sistemit të drejtsisë. Kjo është e vërtetë edhe për KLD që përçon vullnetin e Kuvendit për zbatimin e ligjit. Unë jam mëse i sigurt se disa anëtarë nuk i binden llogaridhënies.

Reforma në drejtësi nuk është vetëm një domosdoshmëri e së tashmes por edhe e së ardhmes, pasi ajo do të rrisë besimin e qytetarëve tek drejtësia, zhvillimin e vendit, procesin e integrimit”, tha Meta. 

Kreu i Kuvendit u shpreh se për një sistem drejtësie të paanshëm, nevojitet transparencë dhe llogaridhënie, të cilat do të sjellin pasoja edhe në luftën ndaj krimit të organizuar dhe korrupsionit.  Sipas tij, problemi më i madh në vend mbetet zbatimi i ligjit në praktikë, çka sipas tij duhet konsoliduar.

Lidhur me këtë Meta vlerësoi mbështetjen e ndërkombëtarëve, ku theksoi se rekomandimet e tyre, do të jenë udhërrëfyesi për reformën në drejtësi.

“Nuk mund të ketë pavarësi reale nëse nuk ka transparencë, llogaridhënie. Ato do të sjellin madje pasoja në luftën kundër krimit të organizuar dhe korrupsionit. Jemi të ndërgjegjshëm se problemi më i madh është zbatimi i ligjit në praktikë. Kjo praktikë, në rastin e reformës në drejtësi duhet të jetë më e konsoliduar. Rekomandimet nga KE do të jenë udhërrëfyes i kësaj reforme”,  tha Kreu i Kuvendit.

“Falenderoj Presidentin për iniciativën e tij për reformën në sistemin gjyqësor. Ky është një rast i mirë për reformën në sistemin në drejtësi, jo si një qëllim në vetevete, por si një domosdoshmëri për rritjen e zbatimit të ligjit.

Përshëndes pjesëmarrjen e opozitës, dhe shpresoj të jetë hapi i parë drejt rikthimit në jetën parlamentare. Drejtësia e mohuar godet besimin e njerëzve, pengon integrimin e vendit dhe zhvillimin e tij. Sistemi i drejtësisë duhet të ndryshojë pasi shumëkush është i pakënaqëur. Që në fillim të këtij viti ne kemi parashtruar nevojën e reformimit të sistemit të drejtësisë.

Unë besoj se opozita do të luajë një rol të rëndësishëm në këtë reformë, që do të na afrojë edhe më tepër me integrimin e vendit. Me reformë në gjyqësor priten të krijohen kushte për të qenë i pavarur nga poltika, por jo e pavarur nga zbatimi i ligjit siç ka qenë në shumë raste. Qytetarët presin një drejtësi efektive, të shpejtë dhe të paanshme”,  theksoi Meta

Rama: Me këtë sistem drejtësie, BE s'na pranon si pjesë të saj. Do ua nxijmë jetën prokurorëve e gjyqtarëve të korruptuar

10:27 Politika

FOTO LAJM/ Po Gjinin kush e ka ftuar në tryezën për reformën e drejtësisë?!

10:18 Politika

Reforma e drejtësisë/ Nishani bën bashkë Ramën e Bashën, që megjithatë shmangin njëri-tjetrin

10:03 Politika

“Më tha ik ore legen se paratë nuk ke për t'i marrë, s’durova më dhe e vrava”

09:59 Politika

Shkon për t’u operuar nga apandeciti, 20-vjeçarja ngacmohet seksualisht nga mjeku

09:41 Politika

Dhunohet në banesë Babai i Teqesë, i vjedhin bizhuteri dhe 150 mijë lekë

08:47 Politika

Policia sqaron aksidentin ku humbi jetën 2-vjeçari: Nuk fshehëm ngjarjen, arrestuam autorin

22:30 Politika

I kërkuari aksidenton për vdekje 2- vjeçaren gjatë ndjekjes nga policia

20:14 Politika

MEGA sqaron se nuk po bashkohet me Dulen, por po bashkëpunon me OMONIA

19:30 Politika

INTERVISTA/ "Rritja e taksave na bën më pak konkurrues në rajon, rrezikohet zhvendosja e biznesit"

19:07 Politika