PD diskuton projektligjin për Kodin Rrugor/ Noka: Qeveria synon të `rrjepë` qytetarët

Partia Demokratike ka nisur mbledhjen e Komsioneve parlamentare duke vijuar në këtë mënyrë bojkotin parlamentar.

Deputetët e PD-së së Komisionit të Ligjeve kanë diskutuar projektligjin për Kodin Rrugor në selinë e PD-së.

Sipas PD-së ky pr/ligj është ndëshkues për qytetarët dhe synon t’i “rrjepë” ata me gjoba marramendëse.

Deputeti Flamur Noka e ka cilësuar projekligjin ndëshkues.

Sipas tij Polica është angazhuar për t`u shitur drejtuesve të automjeteve jelekë dhe fikëse zjarri, për të ndihmuar kompanitë afër qeverisë që i tregtojnë ato.

“Ky pr/ligj është ndëshkues, që në mënyrën që është hartuar dhe formuluar. Flitet për kodin rrugor, ndërkohë që duhet të shiheshin dhjetëra elementë për të përmirësuar kodin, trafikun, qarkullimin dhe për të siguruar zbatimin e ligjshmërisë dhe jetën e qytetarëve.

Në këtë periudhë ka një garë midis të gjitha institucioneve të kësaj qeverie kush e kush të ndëshkojë të rrjepë më shumë qytetarët e këtij vendi. Edhe Ministria e Brendshme dhe Policia e Shtetit nuk kanë mbetur jashtë kësaj gare. Gjobat marramendëse jashtë çdo konceptimi, të vesh gjoba në një vend që pagesa minimale është 200 euro, të vesh gjoba minimale po 200 euro.

Ky ligj vetëm lidhje me përputhshmërinë me standardet e BE-së nuk ka. Policia nuk është organ ndëshkimor për qytetarët, duhet të ishte organ ligjzbatues për kriminelët”, ka thënë Flamur Noka.

Deputeti Florian Mima tha se sa herë rriten gjobat, rritet dhe tendenca për të korruptuar. “Unë besoj se ne duhet të dalim me një rezolutë të përbashkët për të kundërshtuar me forcë këtë projektligj”, tha Mima.

Ardian Turku nga ana e tij tha se ka një amatorizëm të jashtëzakonshëm në Qeveri që mbështetet nga shumica parlamentare.

“Kam treguar se Kodi Penal është futur 5-6 herë në Kuvend, ndërkohë që ai kërkon një shumicë të cilësuar. Kjo është kthyer në modë dhe Kodi Penal, që duhet diskutuar në mënyrë të thellë, vetëm me inisitivën e ministrave hyn në Kuvend. Pra, një amatorizëm i jashtëzakonshëm. Së dyti, kam dëgjuar edhe nga vetë punonjës të rendit, se është bërë si punë plani vjelja e gjobave, që nuk duhet të kthehen pa një sasi të caktuar gjobash”, theksoi Turku.

Oerd Bylykbashi vërejti se nga ky diskutim po shfaqet qartë instalimi i një shteti policor, që vë rend përmes gjobave.

“Kemi një sjellje represive që nuk ka më shumë qëllim mbushjen e arkës së shtetit me gjoba, por me siguri për sa kohë Kryeministrit nuk i del llogaria, në fund të vitit a do të jetë edhe më represiv me gjoba”, tha deputeti demokrat. /n.d/

Berisha: Universiteti, `mollë e ndaluar` për të varfërit. Studentë, protestoni për të ardhmen tuaj !

12:45 Politika

Baton Haxhiu replikon ashpër me Sokol Ballën: Ke vdekur si njeri, sepse gatuan shkronja të papërgjegjshme

11:34 Politika

Shoqërohet në polici Altin Goxhaj, donte të prishte konferencën e Ramës

11:06 Politika

Viktor Tushaj: Akuzat ndaj meje, nga kuzhinat që merren vetëm me intriga

11:04 Politika

Nishani nis negociatat për Guvernatorin e ri, nuk pranon kandidatura nga Rama

10:33 Politika

Lejet e paligjshme, arrestohet ish-kreu i ALUIZNI-t në Vlorë

10:28 Politika

Arben Malaj: Në garë për Këshillin Mbikqyrës nga Parlamenti, nuk pretendoj për postin e Guvernatorit

10:17 Politika

Historiania angleze: Rama po paraqet fytyrën e re të Shqipërisë në botë

09:55 Politika

Lidhjet e Lulzim Bashës me Fazlliçin përmes kunatit

20:59 Politika

Tahiri i përgjigjet Bashës: Jeni mësuar që shteti të punonte për një familje

20:22 Politika