Te fundit
Ambasada e Kosovës në Tiranë: Vizita e Ramës në Serbi dinjitoze
13 Nëntor 2014, 20:39Rajoni
TEMA
Ambasada e Republikës së Kosovës në vendin tonë vlerëson se vizita e kryeministrit Edi Rama në Serbi ishte dinjitoze, e suksesshme dhe si e tillë i ka përmbushur qëllimet e pritura dhe se ishte në lartësinë e pritshmërive të faktorit shqiptar dhe ndërkombëtar.
“Paraqitja e kryeministrit Rama dëshmon gjithashtu përkushtimin e Shqipërisë për marrëdhënie të mira fqinjësore e rajonale dhe përkushtimin permanent për kursin evropian”, thuhet në një deklaratë për shtyp.
Ambasada e Kosovës e vlerëson si të rëndësishëm këtë takim dypalësh, i cili do të hap një kapitull të ri në përmirësimin e marrëdhënieve mes Shqipërisë dhe Serbisë dhe i kontribuon krijimit të një klime të mirë bashkëpunimi për mbarë rajonin e Ballkanit.
“Ne besojmë që dialogu i drejtpërdrejtë mes liderëve të dy shteteve për çështjet e hapura, që u zhvillua kësaj radhe, të vazhdojë edhe në të ardhmen me vullnet të mirë, kurajë dhe sinqeritet, pasi dialogu është forma më e mirë për të arritur në një mirëkuptim dhe stabilitet të qëndrueshëm në rajonin tonë”, citohet deklarata.
Ambasada e Republikës së Kosovës përgëzon kryeministrin shqiptar, Edi Rama për qëndrimin që mbajti lidhur me domosdoshmërinë e njohjes së realitetit të Kosovës së pavarur.
“Konstatimi i kryeministrit të Shqipërisë se “Kosova e pavarur është një realitet i pamohueshëm dhe i patjetërsueshëm rajonal dhe evropian” dhe se “pavarësia e Kosovës e ka bërë Ballkanin më të qëndrueshëm, i ka dhënë më shumë qartësi, perspektivës evropiane të rajonit dhe e ka kthyer në veprim strategjik, bashkëpunimin mes shqiptarëve në tërësi dhe serbëve në veçanti”, është një mesazh i duhur dhe me frymë evropiane”, thuhet më tej.
Ambasada e Republikës së Kosovës po ashtu shpreh mirënjohje për kryeministrin Rama lidhur me vlerësimin e tij për dialogun Kosovë-Serbi, si mishërimin kuptimplotë të një epoke të re paqeje dhe vetëdijeje evropiane në rajonin tonë.
Në këtë kontekst, mbështet fillimin e një tradite të mirë të vizitave të liderëve të shtetit shqiptar në Luginën e Preshevës, që vjen si detyrim vëllazëror, politik, shtetëror dhe kushtetues i shtetit shqiptar.
Po kështu,vijon deklarata, vlerësojmë si moment të duhur kërkesën e kryeministrit Edi Rama për nevojën e trajtimit të çështjes së Luginës së Preshevës sipas standardeve evropiane dhe të nevojës që edhe shqiptarët në këtë rajon të jenë evropian të barabartë.
“Ne besojmë se kjo vizitë e rëndësishme e kryeministrit shqiptar në Serbi dhe nënshkrimi i tre marrëveshjeve bilaterale duhet të përfaqësojë një pikë kthese në marrëdhëniet midis Shqipërisë dhe Serbisë. Kjo vizitë mund të shërbejë si një moment për ndryshimin pozitiv dhe të hap një kapitull të ri të ndërtimit të raporteve të mira dhe si moment i duhur për vazhdimin e dialogut rajonal në Ballkanin Perëndimor në kontekstin e agjendës së samitit të Berlinit”, thuhet në deklaratë.
Ambasada e Kosovës shpreh keqardhje për sjelljen e kryeministrit serb Vuçiq dhe për qëndrimin nacionalist e armiqësor se “Kosova është pjesë e Republikës së Serbisë”.
“Ky qëndrim i tillë tregon se politika e Beograd ndaj Kosovës nuk është shkëputur akoma nga e kaluara nacionaliste, përkundër nënshkrimit të Marrëveshjes së 19 prillit 2013 për Normalizimin e Marrëdhënieve Kosovë-Serbi. Në këtë kuadër, edhe Republika e Kosovës gjithashtu është e përkushtuar për të luajtur një rol aktiv rajonal, për promovimin e marrëdhënieve të fqinjësisë së mirë, respektimin, sovranitetin dhe integritetin territorial, si dhe mbetet e përkushtuar për të normalizuar në tërësi marrëdhëniet ndërshtetërore me Serbinë, duke u angazhuar për një politikë që synon krijimin e një rajoni të sigurt, të qëndrueshëm dhe të integruar në strukturat euro-atlantike”, thuhet në deklaratë. /gj.k/
2 komente në “Ambasada e Kosovës në Tiranë: Vizita e Ramës në Serbi dinjitoze”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
paraqitja e rames ne beograd,vertet ishte dinjitoze!
por,kushe po e jep vlersimin,leje qe nuk eshte dinjitoz,por,eshte kreten!
katunaret na myten!
veç kshyrne,kurre nuk mundet me mshel gojen,çka tregon se ky ka munges intelegjence!
ky hajni i PDK-es,para nje viti deklaronte oren prej 15 mije eurove!
ne vitin 1999,nuk ka pas buke mu ngi,sot ka ore 15 mije ero.
ku bohet ky marifet?
normal,ne vende diktatoriale,ku krimi eshte i instalum ne shtet!
ky hajne veç shkollen fillore e ka te mbarume,krejte tjerat i ka kry mase lufte,me preteksin se eshte vlla deshmori!
edhe ambasador ka shku ne ket cilsi.
@Merithon Dhia, kit komentin qi shkruve ketu ma nolte, a e shkruve ne guhen qerkesqe apo goranqe, se shqip smunet me kone?!