Dhuna ndaj Strazimirit/ Avokati i Arben Ndokës: Ishte një rrahje e thjeshtë

Gjykata e Lartë ka rrëzuar kërkesën e deputetit socialist Pjertin Ndreu për pushimin e çështjes, ku bashkë me kolegun e tij Arben Ndoka, po gjykohen në lidhje me dhunën e ushtruar ndaj ligjvënësit demokrat Genti Strazimiri për shkak të detyrës.

Në seancën e nisur në Gjykatën e Lartë, avokati i deputetit Ndreu, Baftjar Rusi kërkoi nga trupi gjykues pushimin e çështjes për klientin e tij për shkak se kallëzimi në organin e Prokurorisë nuk është bërë nga deputeti Genti Strazimiri, por nga Grupi parlamentar i PD-së.

Pas kësaj kërkese, trupi gjykues u tërhoq për marrjen e vendimit, i cili rrëzoi kërkesën e bërë nga avokati Rusi, ndërsa procesi gjyqësor do të vijojë normalisht me pyetjen e dëshmitarëve, ndërsa seanca e radhës do të zhvillohet më 12 Janar.

Ndërsa avokati i Arben Ndokës, Ardian Visha, e ka quajtur një rrahje të thjeshtë incidentin e ndodhur me Gent Strazimirit.

“Mbajtëm qëndrimin, ju aty ishit. Ne nuk mendojmë që kjo është akuza që përcakton drejt faktin. Për rastin tonë kemi të bëjmë me një rahje të thjeshtë dhe gjithçka tjetër për rëndimin e akuzës është spekullim”, tha ai.

Procesi do të zhvillohet me pyetjen e 9 dëshmitarëve, kryesisht deputetë që kanv dijeni për incidentin e ndodhur në ambientet e brendshme të Kuvendit të Shqipërisë.

Anëtarë të Kolegjit Penal që do gjykojë çështjen ndaj dy deputetëve janë Admir Thanza, Artan Zeneli, Tom Ndreca, Ardian Dvorani, si dhe relator në këtë proces është Medi Bici.

Hetimi ndaj deputetëve Arben Ndoka dhe Pjerin Ndreu, ka filluar në bazë të kallëzimit të dorëzuar në datën 14 korrik 2014 nga deputeti Edi Paloka, në cilësinë e kryetarit të Grupit Parlamentar të Partisë Demokratike.

Sipas kallëzimit, në datën 10 korrik 2014, në ambientet e Kuvendit të Shqipërisë, deputetët Ndoka dhe Ndreu kanë goditur për shkak të detyrës kolegun e tyre Strazimiri.

Në kuadër të këtij procedimi, nga ana e grupit hetimor janë kryer të gjitha veprimet e nevojshme proceduriale, janë marrë deklarimet nga personat e pranishëm në vendin e ngjarjes si edhe janë sekuestruar kamerat e sigurisë të ambienteve të Kuvendit të Shqipërisë, ku evidentohet goditja ndaj deputetit Strazimiri.

Hetimet vërtetuan se gjatë kohës kur deputeti Gent Strazimiri ishte në ambientet e brendshme të Kuvendit të Shqipërisë, pranë sallës plenare, ai është goditur me grusht nga deputeti Arben Ndoka.

Pak momente më vonë, deputeti Gent Strazimiri është goditur edhe nga deputeti Pjerin Ndreu. Bazuar në veprimet hetimore, rezulton se deputeti Strazimiri është goditur për shkak të deklaratave politike që ka bërë në seancën e datës 10 korrik 2014.

Në përfundim të veprimeve hetimore, prokuroria ka vendosur që të marrë si të pandehur deputetët Arben Ndoka dhe Pjerin Ndreu, të akuzuar për kryerjen e veprës penale të “Goditjes për shkak të detyrës”. /gj.k/

Basha i paraqet kërkesat Ramës: Dëgjo zërin e qytetarëve, ndryshe do rrëzohesh

11:23 Politika

Astrit Patozi shuplakë Bashës: Na duhet modeli politik i Olldashit, jo ai i Berishës

10:57 Politika

Rama: Ankohet për rritje taksash, kush s’paguan asnjë taksë. S'ka rritje të çmimit të energjisë

10:21 Politika

Mesila Doda: Ahmet Zogu, një histori që përsëritet

09:40 Politika

Sabit Brokaj: Enver Hoxha duhet vlerësuar si komandant lufte. Deklarata e Arvizu, e papranueshme

09:35 Politika

Prokurori i Vlorës: Duan të më bëjnë presion, por më mirë vdes së përulem para krimit

09:26 Politika

Eduard Selami: Edi Rama nuk ka reflektuar pas protestës

09:16 Politika

Mjekët kundër idesë së Koço Kokëdhimës për legalizimin e hashashit

20:05 Politika 2 komente

Të burgosurit kërkojnë amnisti

19:57 Politika

Spartak Ngjela: Rama hapi një muze për Enverin me bunkerin antibërthamor

18:44 Politika