Investitorët e huaj, interes për Shqipërinë: Mbi 11 mijë biznese të reja në 6 muaj

Bizneset në Shqipëri kanë patur një ecuri pozitive të aktivitetit të tyre ekonomik dhe administrativ përgjatë 6-mujorit të parë të 2026-ës.

Referuar të dhënave të Qendrës Kombëtare të Biznesit, janë regjistruar 11,567 subjekte të reja (806 më shumë se në të njëjtën periudhë të vitit të kaluar, duke shënuar një rritje).

Sipas QKB-së, struktura e regjistrimeve vijon të dominohet nga personat fizikë me 8,757 regjistrime ose 75.7% të totalit, ndjekur nga Shoqëritë me Përgjegjësi të Kufizuar (SHPK) me 2,775 regjistrime.

Ndërsa sipas pronësisë, subjektet me kapital 100% shqiptar, mbeten mbizotërues me 10,179 regjistrime, regjistrimet e bizneseve me kapital 100% të huaj u rritën ndjeshëm me 35.7%, duke arritur në 1,240 subjekte, tregues i rritjes së interesit të investitorëve të huaj për ekonominë.

Sipas zonave gjeografike, Qarku Tiranë vijon të kryesojë me 6,039 regjistrime për vitin 2026 ose 52.2% të totalit, i ndjekur nga Vlora me 1,347 dhe Durrësi me 1,310 regjistrime.

QKB në raportin më të fundit, nënvizon se rritje të konsiderueshme u evidentuan edhe në qarqet në veri të vendit Shkodër, Lezhë, Dibër e Kukës.

Tregtia me shumicë dhe pakicë, mbetet më i preferuari për regjistrimin e bizneseve të reja, me 2,771 subjekte, i ndjekur nga akomodimi dhe shërbimi ushqimor, aktivitetet profesionale, transporti dhe informacioni e komunikacioni.

Rritje të forta në 6-mujorin e parë të 2026-ës, janë shënuar edhe në sektorin e pasurive të paluajtshme përkatësisht me +35.8% dhe transporti e magazinimi me +26.3%.

QKB, PERIUDHA JANAR-QERSHOR 2026

11,567 subjekte të reja ose 7.5% krahasuar me 2025

Personat fizikë me 8,757 regjistrime

Shoqëritë me Përgjegjësi të Kufizuar me 2,775 regjistrime

Me kapital 100% shqiptar me 10,179 regjistrime

Biznese me kapital 100% të huaj 1,240 subjekte

QKB, SUBJEKTET SIPAS QARQEVE

Qarku Tiranë me 6,039 regjistrime

Qarku Vlorë me 1,347 regjistrime

Qarku Durrës me 1,310 regjistrime

Euro ndryshon “fytyrë”, Banka Qendrore Evropiane zbulon projektet për kartëmonedhat e reja

20:40 Ekonomia

“Dyfisho Sipërmarrjen Tënde”, Rama promovon programin e ri të financimit: Kredi deri në 200 milionë lekë për bizneset shqiptare

19:50 Ekonomia 2 komente

11 mijë biznese të reja në 6 muaj, investitorët e huaj shtojnë interesin për Shqipërinë

14:25 Ekonomia 5 komente

Nafta shkon në 206 lekë për litër/ Rritja e çmimit alarmon transportin, kërkohet subvencion nga qeveria

21:35 Ekonomia

Qeveria miraton garancinë sovrane, 5 miliardë lekë mbështetje për fermerët dhe bizneset e vogla

18:25 Ekonomia 1 koment

Airbnb në Shqipëri, si po ndryshon tregu? Vlora udhëheq për fluksin, Golemi regjistron tarifën mesatare ditore më të lartë

17:15 Ekonomia

Ndikimi i turizmit, Shqipërisë i duhen 1.9 miliardë euro ushqime këtë vit

16:35 Ekonomia 3 komente

Hapet dega e “Ziraat Bank” në Tiranë

15:55 Ekonomia 4 komente

Shtrëngohen rregullat për pronarët përfitues - Ndryshon sërish ligji, më shumë kontroll mbi pastrimin e parave

12:35 Ekonomia

Automjetet mbeten “motori” i tregut të sigurimeve - AMF: Sigurimi i detyrueshëm vijon të kryesojë, ndërsa ai i jetës ruan ritme pozitive

11:25 Ekonomia