Qeveria miraton garancinë sovrane, 5 miliardë lekë mbështetje për fermerët dhe bizneset e vogla

Qeveria ka miratuar skemën e re të garancisë sovrane, me një fond prej 5 miliardë lekësh, për të mbështetur fermerët dhe ndërmarrjet mikro, të vogla dhe të mesme. Vendimi është publikuar në Fletoren Zyrtare dhe synon të lehtësojë aksesin në financim përmes kredive me kushte më të favorshme.

Sipas vendimit të Këshillit të Ministrave, shteti do të garantojë deri në 70% të vlerës së kredisë për subjektet që aplikojnë pranë bankave të nivelit të dytë.

Fondi do të ndahet në dy shtylla kryesore. Të paktën 1.5 miliardë lekë janë rezervuar për sektorin e bujqësisë, përfshirë pylltarinë dhe peshkimin, ndërsa 3.5 miliardë lekët e mbetura do të mbështesin sektorë të tjerë si industria përpunuese, tregtia, transporti, turizmi, teknologjia e informacionit dhe shërbimet profesionale.

Sipas dokumentit zyrtar, qëllimi i skemës është të përmirësojë aksesin në financim për fermerët e regjistruar dhe bizneset mikro, të vogla e të mesme, duke nxitur zhvillimin e aktiviteteve ekonomike në sektorë me rëndësi strategjike për ekonominë.

Skema parashikon kushte më të favorshme krahasuar me kreditë e zakonshme bankare. Vlera maksimale e huasë që mund të përfitojë një subjekt arrin deri në 200 milionë lekë.

Norma e interesit nuk do të jetë më e lartë se 2%, ndërsa komisionet e bankave për dhënien e kredisë nuk mund të kalojnë 0.5%. Afati maksimal i shlyerjes do të jetë deri në 10 vjet, ndërsa huamarrësit do të kenë një periudhë faljeje për principalin prej të paktën 12 muajsh.

Vendimi ndalon gjithashtu bankat të aplikojnë penalitete në rast se kredia shlyhet përpara afatit të parashikuar.

Airbnb në Shqipëri, si po ndryshon tregu? Vlora udhëheq për fluksin, Golemi regjistron tarifën mesatare ditore më të lartë

17:15 Ekonomia

Ndikimi i turizmit, Shqipërisë i duhen 1.9 miliardë euro ushqime këtë vit

16:35 Ekonomia 3 komente

Hapet dega e “Ziraat Bank” në Tiranë

15:55 Ekonomia 4 komente

Shtrëngohen rregullat për pronarët përfitues - Ndryshon sërish ligji, më shumë kontroll mbi pastrimin e parave

12:35 Ekonomia

Automjetet mbeten “motori” i tregut të sigurimeve - AMF: Sigurimi i detyrueshëm vijon të kryesojë, ndërsa ai i jetës ruan ritme pozitive

11:25 Ekonomia

Shqipëria “jeton për t’u ushqyer”, shpenzimet për ushqime sa 20.4% e ekonomisë

09:55 Ekonomia 5 komente

Certifikatë Pronësie edhe për kullat e vjetra, Goxhobelli: Kemi identifikuar 697 në të gjithë vendin

21:34 Ekonomia

Në Shqipëri qarkullojnë mbi 1 milion mjete - INSTAT: 55% e flotës së mjeteve janë më të vjetra se 15 vjet

17:40 Ekonomia 2 komente

Plani Evropian i Rritjes - Shqipëria propozon mbështetje direkte nga fondet e rishpërndara për sektorë të caktuar

16:40 Ekonomia 2 komente

Investimet turistike, kontroll që në projekt - Projektligji parashikon rregulla për hotelet, regjistrimin dhe bregdetin

16:10 Ekonomia 3 komente