Certifikatë Pronësie edhe për kullat e vjetra, Goxhobelli: Kemi identifikuar 697 në të gjithë vendin

697 kulla të vjetra nëpër të gjithë Shqipërinë pritet të formalizohen dhe poseduesit e tyre do të pajisen me Certifikatë Pronësie. Kështu është shprehur drejtoresha e Agjencisë Shtetërore të Kadastrës, Lorena Goxhobelli, gjatë takimi të mbajtur sot në Theth bashkë me kryeministrin Edi Rama, me fokus ligjin për “Paketën e Maleve”. 

“Sa i përket rijetëzimit të kullave, jemi në një projekt me Ministrinë e Turizmit dhe GIZ, ku kemi identifikuar 697 kulla të vjetra. Po vijojmë procesin e titujve të pronësisë. Vetëm për Thethin janë 15 kulla të identifikuara, për të cilat po vijon procesi i formalizimit. E gjithë drejtoria e Shkodrës ka rreth 194 kërkesa që po procedohen nga ana jonë për të marrë titullin e pronësisë”, tha Goxhobelli. 

Në vijim të fjalës së saj në takim ajo theksoi edhe përmbylljen e procesit të regjistrimit fillestar në 106 Zona Kadastrale nga Elbasani në Vermosh. 

“Ky është një parakusht për “Paketën e Maleve”, por edhe për procese të tjera që kanë të bëjnë me regjistrimin e titujve të pronësisë”, tha Goxhobelli. 

Lidhur me “Paketën e Maleve”, ajo tha se nuk është thjesht një ligj pronësie, por një ligj zhvillimi teksa shpjegoi edhe hapat se si të përfitosh prej këtij ligji. 

“Është një ligj zhvillimi, që ka dy komponentë. Është incentiva që ka të bëjë me formalizimin e të drejtës pronësore dhe incentiva të tjera fiskale. Fillon me një shprehje interesi, pastaj vijon me një verifikim në terren nga ana e bashkisë dhe më pas me një miratim nga Këshilli Bashkiak, i cili bën miratimin e listës së pronarëve joposedues. Hapat që vijojnë janë kryesisht administrativë, që lidhen me mundësinë për aplikim për lejen e zhvillimit.  I gjithë procesi koordinohet me bashkinë dhe Agjencinë Shtetërore të Kadastrës, për të bërë verifikim të statusit ligjor të zonave, të cilat përcaktohen si zona të zhvillimit të ekonomisë malore”, deklaroi drejtoresha e ASHK-së, Lorena Goxhobelli. 

Në Shqipëri qarkullojnë mbi 1 milion mjete - INSTAT: 55% e flotës së mjeteve janë më të vjetra se 15 vjet

17:40 Ekonomia 1 koment

Plani Evropian i Rritjes - Shqipëria propozon mbështetje direkte nga fondet e rishpërndara për sektorë të caktuar

16:40 Ekonomia 1 koment

Investimet turistike, kontroll që në projekt - Projektligji parashikon rregulla për hotelet, regjistrimin dhe bregdetin

16:10 Ekonomia 1 koment

“Qytetarët ikin jashtë se atje kanë mundësi më të mira”, zv.ministri: Tregu ynë nuk u ofron dot mundësi të gjithëve

11:15 Ekonomia 11 komente

Mospagimi i kësteve të tatim-fitimit, Tatimet shqyrtojnë rikthimin e penalitetit 10% për bizneset

09:45 Ekonomia

Rekord punësimi i të huajve, arrin 22,7 mijë shtetas; 50% e tyre nga Filipinet, India dhe Egjipti

08:05 Ekonomia 5 komente

Projektligji i ri/ Platformat digjitale do të raportojnë te Tatimet të ardhurat nga qiratë e pronave dhe makinave

18:45 Ekonomia 2 komente

Euromoney kurorëzon Credins bank si “Banka më e Mirë për Përgjegjësinë Korporative 2026”

17:20 Ekonomia

ARRSH hap tender 5.2 mln euro për lidhjen e unazës verilindore të Tiranës me Rrugën e Arbrit

15:10 Ekonomia

Banka Botërore me mesazh të qartë: Spitalet të paguhen sipas rezultateve

13:40 Ekonomia 1 koment