Zgjedhjet vendore të 2015/KQZ i kërkon zyrtarisht Kuvendit të ndryshojë Kodin Zgjedhor

Komisioni Qendror i Zgjedhjeve i përcjell zyrtarisht Kuvendit të Shqipërisë paketën me rekomandime që synojnë përmirësimin e ligjit zgjedhor, përmes një reforme të mundshme zgjedhore.

Sipas njoftimit për shtyp nga KQZ bëhet e ditur se, kjo paketë bën bashkë mendimin teknik dhe propozimet e aktorëve e faktorëve zgjedhorë: të KQZ-së, partive politike, shoqërisë civile, medias, grupeve të interesit dhe ekspertëve teknikë, të konstatuara gjatë pesë tryezave të organizuara gjatë muajve të fundit.

KQZ vlerëson se diskutimi gjithpërfshirës në këto tryeza përmbush një nga rekomandimet e rëndësishme të OSBE/ODIHR-it të vitit 2011 që në diskutimin mbi reformën zgjedhore duhet të përfshihen jo vetëm partitë politike, por edhe KQZ, autoritetet përkatëse shtetërore dhe grupet e interesit.

Rekomandimet e propozuara konsistojnë në masat që duhet të merren për garantimin e ushtrimit të së drejtës së votës për personat që nuk mund të votojnë vetë. Sipas KQZ-së kjo vëmendje duhet të fillojë me detyrimin për ngritjen e një Komiteti “ad-hoc”, me përfaqësues të të gjitha institucioneve përgjegjëse dhe grupeve të interesit – në mënyrë që zgjidhja e çdo problemi që lidhet me ushtrimin e së drejtës së votës nga çdo kategori e personave me aftësi të kufizuar dhe monitorimi, realizimi dhe çdo sukses i këtij procesi të jetë një sfidë, angazhim dhe vullnet i përbashkët i të gjitha institucioneve përgjegjëse.

Sipas KQZ-së Kodi Zgjedhor duhet të reflektojë ndryshime dhe përmirësime ligjore të cilat duhet jenë në frymën e Konventës së OKB-së për të Drejtat e Personave me Aftësi të Kufizuar.

Një tjetër rekomandim i propozuar nga KQZ lidhet me masat e posaçme të parashikuara në Kod për rritjen e pjesëmarrjes së grave në organet e zgjedhura.

Sipas rekomandimeve përpjekja e parë nga ku duhet të nisë nxitja e barazisë gjinore edhe në sistemin e zgjedhjeve vendore është reformimi i këtij sistemi në Kodin Zgjedhor. Konkretisht propozohet që votimi për organet e qeverisjes vendore të bëhet sipas sistemit proporcional.

Shkaqet që çuan ligjvënësin drejt vendimit për sistemin proporcional në zgjedhjet e përgjithshme janë po aq të vlefshme edhe për zgjedhjet vendore. Votuesit të votojnë për subjektin zgjedhor, i cili paraprakisht ka rregjistruar një listë shumëemërore të kandidatëve.

Votuesit në ditën e zgjedhjeve për organet bazë të njësisë vendore të jenë të pajisur vetëm me një fletë votimi, me të cilën të votohet si për kryetarin, ashtu dhe për këshillin. Për Tiranën, për shkak të organizimit me njësi bashkiake të kenë dy fletë votimi, ku fleta e dytë të jetë për kryetarin dhe këshillin e njësisë bashkiake.

Rekomandime të tjera të propozuara nga KQZ për amendimin e ligjit elektoral lidhen me ‘fushatën zgjedhore dhe median’; me ‘financimin e partive politike gjatë fushatave zgjedhore’, etj. /gj.k/

Skema e mashtrimit me TVSH me 26 milionë USD/ Prokuroria çon në gjykatë dosjet e 32 personave

20:07 Politika

Ruçi: Absurde nëse luftën nacional-çlirimtare e quajmë civile

18:20 Politika

A kërkoi Cemil Çiçek gjatë vizitës në Tiranë që Shqipëria të njohë Qipron turke?

18:07 Politika

Mesila Doda: 29 Nëntori dita e parë e diktaturës, jo e çlirimit

17:11 Politika

PD i jep fund bojkotit parlamentar në janar, shkak edhe presioni ndërkombëtar

16:39 Politika

FOTOT LAJM/ Migjeni, Pashko Vasa e Luigj Gurakuqi dëshmorë të luftës antifashiste

14:58 Politika

70 vjetori i çlirimit/ Rama: Keqardhje që debatin e datës e bëjnë ata që tradhtuan

13:55 Politika

Inaugurohet godina e re e Ministrisë së Integrimit/ Rama: Qendra e gravitetit të së ardhmes europiane

13:16 Politika

Grida Duma paditet për prishje imazhi nga “EAG”, që kërkon 100 mijë euro dëmshpërblim

12:46 Politika

70 vjetori i çlirimit, ceremoni ushtarake nga Ministria e Mbrojtjes/ Kodheli: Të punojmë për përparimin e Shqipërisë

12:32 Politika