Kodheli në Angli: Tek Shqipëria do të gjeni një aleat të mirë

Ministrja e Mbrojtjes, Mimi Kodheli, ndodhet në një vizitë zyrtare në Mbretërinë e Bashkuar. Ajo u prit në takim nga homologu i saj britanik, Sekretari i Mbrojtjes, Michael Fallon. Dy ministrat e Mbrojtjes biseduan lidhur me marrëdhëniet mes Shqipërisë dhe Britanisë së Madhe në fushën e mbrojtjes.

Kodheli vuri theksin në rëndësinë që ka forcimi i bashkëpunimit mes Forcave të Armatosura të të dy vendeve.

“Jam këtu për t’iu përcjellë mesazhin se te Shqipëria do të gjeni një aleat të mirë. Ne duam që të thellojmë më shumë bashkëpunimin mes dy vendeve tona, sidomos në fushën e mbrojtjes”, është shprehur ministrja e Mbrojtjes e Shqipërisë, Mimi Kodheli.

Gjithashtu, ministrja Kodheli e njohu homologun e saj britanik me ndërtimin dhe zhvillimin e kapaciteteve ushtarake nga ana e Shqipërisë, si dhe me paketën e modernizimit të Forcave të Armatosura.

“Bashkëpunimi aktual në arsimimin dhe trajnimin e ushtarakëve shqiptarë në Britani është i shkëlqyer dhe shpresojmë të vazhdojmë në këtë rrugë pasi modeli juaj është ai i duhuri”, tha Kodheli.

Më pas, dy ministrat e Mbrojtjes u ndalën në zhvillimet pas Samitit të Uellsit, duke u fokusuar kryesisht te kriza në Ukrainë dhe konflikti në Siri e Irak me të ashtuquajturin shtet islamik. Të dy ministrat shprehën nevojën e intensifikimit të shkëmbimit të informacionit mes dy vendeve për sa i përket luftëtarëve të huaj në këto konflikte dhe kriza.

Duhet theksuar se, kontributi shqiptar në luftën kundër shtetit islamik u vlerësua fuqishëm nga sekretari britanik i Mbrojtjes, Michael Fallon. Në këtë kontekst, Kodheli falënderoi palën britanike për ndihmën e dhënë në transportimin e armëve dhe municioneve që Shqipëria kontribuoi në ndihmë të qeverisë së Irakut.

Po ashtu, të dy autoritetet e larta vlerësuan stërvitjet e përbashkëta mes Forcave të Armatosura të dy vendeve dhe diskutuan idenë e vazhdimit të formatit të stërvitjes “Abanian Lion” edhe në të ardhmen.

Gjatë qëndrimit në Londër, ministrja Kodheli është takuar edhe me personalitete të tjera në Ministrinë Britanike të Mbrojtjes, si dhe në Ministrinë e Jashtme.

Në fokus të këtyre takimeve ishte nevoja për intensifikimin e përpjekjeve të përbashkëta përballë sfidave të reja që po përballet Aleanca. Si në takimin me ministrin për Forcat e Armatosura, Julian Brazier, ashtu dhe me drejtorin e Mbrojtjes dhe Sigurisë në Ministrinë e Jashtme, Peter Jones, u vu theksi tek vendosja dhe forcimi i standardeve për një Forcë të Armatosur që t’i përgjigjet sfidave të kohës.

Kodheli mbajti dhe një leksion në Institutin Mbretëror të Shërbimeve të Bashkuara (Royal United Service Institute, RUSI), ku në fokus ishin sfidat e vendeve të Ballkanit Perëndimor përballë krizave në Ukrainë dhe në Lindjen e Mesme.

Ministrja e Mbrojtjes Kodheli mori pjesë gjithashtu në ceremoninë e gradimit të kadetëve ushtarakë në Akademinë Mbretërore Ushtarake të Sandhurstit. Kadetja shqiptare, Albana Strori, përfundoi me sukses ciklin e edukimit për vitin 2014.

Gjatë kësaj ceremonie, Kodheli u takua edhe me personalitete të tjera ndërkombëtare, si ministrja gjermane e Mbrojtjes, Ursula von der Leyen. /gj.k/

Prezantohet manuali për pjesëmarrjen e publikut në proceset vendim-marrëse

17:30 Politika

Vehbi Alimuçaj sërish në gjyq, fshehu 1 milion dollarë të “VEFA-s”

16:53 Politika

Të martën “garancitë” për opozitën, Kukan-Fleckenstein më 22 në Tiranë

15:02 Politika

Kuvend, shtyhet shqyrtimi i dekretit për Guvernatorin e ri/Meta: Do respektojmë Kushtetutën

13:17 Politika

PD akuza Ramës: Mashtrove shqiptarët duke deformuar fjalët e zyrtarëve europianë

12:46 Politika

Bilanci gri i bojkotit të Partisë Demokratike

12:31 Politika

Samiti i BSEC/Bushati: Bashkëpunim rajonal në të gjitha fushat

12:22 Politika

Aleksandër Meksi: Historia e PD-së nuk mund të ndryshohet

10:56 Politika

Jahjaga anulon vizitën në Shqipëri, opozita duhet të “shpikë” diçka tjetër për t’u kthyer në Kuvend

09:57 Politika

Lufta kundër terrorizmit, Saimir Tahiri në Beograd: Fund burokracive për bashkëpunim funksional

10:01 Politika