Kunati njihet me këshillat e Tritanit për zgjedhjet në Greqi

Kunatin e mori sot në mëngjes Tritani në telefon dhe i kërkoi që të shpërndahej një thirrje për popullin grek, që në votimet e datës 25, votën t’ia jepnin “Nea Demokracisë”.

-Po ku di unë, tha Kunati. A na dëgjon ne populli grek?

-Ne të bëjmë tonën, i tha Tritani. Letrën unë e kam bërë gati. Vetëm ta vulosësh ti duhet.

-Po mirë, i tha Kunati. Ma jep një herë t’i hedhë një sy.

Në letër thuhej:

“Me anë të kësaj letre i drejtohemi popullit grek, i cili është një popull i lashtë dhe krenar, që ka një traditë demokratike mijëravjeçare. Të gjithë e dimë që në demokraci vota është e shenjtë dhe fituesi i zgjedhjeve është ai që merr më shumë vota. Për këtë arsye është shumë e rëndësishme që Nea Demokracia të marrë shumë vota për të fituar.

Duke e ditur rëndësinë e shumë votave, Partia Demokratike e Shqipërisë i bën thirrje popullit grek të votojë Nea Demokracinë për disa arsye:

E para, ajo është partia që e dorëzoi vet pushtetin, se Greqia hyri në krizë, dhe i paralajmëroi socialistët të mos e marrin pushtetin, se do t’i gjente belaja. Socialistët nuk dëgjuan, se u ishin verbuar sytë për pushtet. E morën pushtetin dhe e futën Greqinë edhe më thellë në borxhe. Për këtë u desh të vinte prapë Nea Demokracia, që ta nxirrte nga kriza.

E themi këtë nga përvoja jonë. Dhe ne si Parti Demokratike e pamë që vendi hyri në krizë dhe e dorëzuam pushtetin. U thamë socialistëve mos e merrni, por ata vrapuan pas pushtetit. Tani vendi është gjithnjë e më keq dhe populli po lutet natë e ditë ta marrim përsëri pushtetin. Por, Doktori po tregon qetësi dhe thotë prit, se nuk jam bindur akoma që më meritoni mua apo jo.

E njëjta gjë ka ndodhur dhe me skandalet apo vrasjet politike. Më 21 Janar, katër vjet më parë, Edi Rama vrau katër demonstrues para Kryeministrisë. Ai mobilizoi disa njerëz me thika me helm dhe çadra pistoletë dhe i vrau. Tani pas katër vjetësh Doktori po kërkon të vihet në vend drejtësia dhe Edi Rama fshihet. Kështu ndodh, kur pushtetin e marrin njerëz që nuk dinë ta mbajnë.

Një arsye tjetër përse Nea Demokracia duhet të marrë pushtetin janë dhe marrëdhëniet e këqija të Greqisë me Gjermaninë. Nëse e marrin këta majtistët, raportet me Gjermaninë do acarohen. Nëse e merr Nea Demokracia, ne si PD e Shqipërisë do ndërhyjmë pranë Gjermanisë të normalizohen marrëdhëniet, pasi gjermanët kanë respekt për ne, si vendi i dytë më i zhvilluar i Evropës pas tyre. Por, nëse fitojnë të majtët, ne nuk u japim fjalën se do t’ju ndihmojmë.

Por mbi të gjitha, unë që po ju shkruaj kam dhe një arsye personale. 25 Janari është një ditë e hidhur për mua. Më 25 Janar të vitit 1997, në një stadium në Lushnjë mua më kapën turmat e egërsuara dhe gati më përdhunuan, duke më futur edhe fruta e perime poshtë vetes. Unë nuk mbaj mend se humba ndjenjat, por mjekët më gjetën dhe gjurmë preshësh në prapanicë. Duke e ditur rrezikun e kësaj date, shpresoj që 25 Janari të mos kthehet në ditë trazirash në Greqi, por në ditë feste dhe që asnjë politikan të mos pësojë fatin tim. Mua ma futën preshin bandat e armatosura komuniste, si ato të Cipras, që duan të marrin pushtetin. Ndaj ju bëj thirrje dhe për shkak të asaj që më ka ndodhur në datën 25, që ajo ditë të mos përsëritet kurrë. Dhe që kjo të arrihet, duhet të votoni Nea Demokracinë”.

I juaji, Tritani”.

Kunati e lexoi dhe ia dha Rulit për një mendim.

-Po ç’të të them, djalo, i tha Ruli. Ky u bën thirrje grekëve, që kur të votojnë, të kenë parasysh bythën e Tritanit. Kam frikë se ata kanë hallin e bythës së tyre!

Zbulohet sekreti i makinave luksoze të Ermal Hoxhës

19:10 Antena

Kunati, qarkore kundër dorëzimit të librezave të dritave

21:14 Antena

Letër Dragoit nga gjyshi Enver

20:22 Antena

Kunati bën gati arsyetimet për milionat e Zenit

18:14 Antena

Pjesë nga seanca gjyqësore ndaj Ermalit

21:22 Antena

Kunati sqarohet për dekoratën e Doris Pack

20:29 Antena

Kunati vonon deklaratën për laboratorin e drogës

18:38 Antena

Telashet e Kunatit me pemët e rrugës së Dajtit

19:24 Antena

Telashet e ambasadorit amerikan në ditën e parë të prezantimit

19:58 Antena

Rama diskuton me Fevzon mbi Charlie në Shqipëri

19:51 Antena